ಹೈದರಾಬಾದ್: ಆತಿಥೇಯ ಭಾರತ ತಂಡ ಮುಂಬರುವ ಎಫ್ಐಎಚ್ ಮಹಿಳಾ ಹಾಕಿ ವಿಶ್ವಕಪ್ (hockey world cup) ಟೂರ್ನಿಗೆ ಅಧಿಕೃತವಾಗಿ ಅರ್ಹತೆ ಪಡೆದುಕೊಂಡಿದೆ. ಶುಕ್ರವಾರ ನಡೆದ ಮಹಿಳಾ ಹಾಕಿ ವಿಶ್ವಕಪ್ ಕ್ವಾಲಿಫೈಯರ್ಸ್ ಟೂರ್ನಿಯ (FIH Women''''s WC Qualifiers) ಸೆಮಿಫೈನಲ್ನಲ್ಲಿ ಇಟಲಿ ವಿರುದ್ಧ 1-0 ಗೋಲಿನ ಅಂತರದಿಂದ ಗೆದ್ದ ಸಲೀಮಾ ಟೆಟೆ ಪಡೆ ಫೈನಲ್ಗೇರುವ ಮೂಲಕ ಈ ಸಾಧನೆ ಮಾಡಿತು. ಉಪಾಂತ್ಯಕ್ಕೆ ಮುನ್ನ ರ್ಯಾಂಕಿಂಗ್ ಆಧಾರದಲ್ಲಿ ಭಾರತ ವಿಶ್ವಕಪ್ ಪಡೆದರೂ, ಸೆಮೀಸ್ ಗೆಲುವು ಇದನ್ನು ಖಾತ್ರಿಪಡಿಸಿತು. ಶನಿವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಭಾರತ ತಂಡ ಸ್ವರ್ಣ ಪದಕಕ್ಕಾಗಿ ಇಂಗ್ಲೆಂಡ್ ವಿರುದ್ಧ ಕಾದಾಟ ನಡೆಸಲಿದೆ.
