ಎಫ್​ಐಎಚ್ ಪ್ರೊ ಲೀಗ್: ಪಾಕ್​ಗೆ ಮತ್ತೆ ಸೋಲುಣಿಸಿದ ಭಾರತ

ಭಾರತ ತಂಡ 2016ರಲ್ಲಿ ಕೊನೆಯದಾಗಿ ಪಾಕ್ ವಿರುದ್ಧ ಸೋಲು ಕಂಡಿತ್ತು. ನಂತರ ಇದುವರೆಗೆ ಆಡಿರುವ 18 ಪಂದ್ಯಗಳಲ್ಲಿ 16ರಲ್ಲಿ ಗೆದ್ದು, 2ರಲ್ಲಿಡ್ರಾ ಸಾಧಿಸಿದೆ. ಪಂದ್ಯದ 10ನೇ ನಿಮಿಷದಲ್ಲಿ ಮೊಹಮದ್ ಅಬು ಪಾಕ್‌ಗೆ ಮುನ್ನಡೆ ಒದಗಿಸಿದರು. ಮೊದಲ ಕ್ವಾರ್ಟರ್‌ನಲ್ಲಿ 3 ಪೆನಾಲ್ಟಿ ಕಾರ್ನರ್‌ನಲ್ಲಿ ಗೋಲುಗಳಿಸಲು ಭಾರತ ಎಡವಿತು. ನಂತರ 20ನೇ ನಿಮಿಷದಲ್ಲಿ ಸುಖ್‌ಜೀತ್ ಸಿಂಗ್ ಭಾರತ ಪರ ಮೊದಲ ಗೋಲು ದಾಖಲಿಸಿ ಪಂದ್ಯ ಸಮಬಲಗೊಳಿಸಿದರು.

ಶೂಟೌಟ್‌ನಲ್ಲಿ ನಿರಾಸೆ: ಪಾಕ್ ವಿರುದ್ಧದ ಪಂದ್ಯಕ್ಕೆ ಮುನ್ನ ಗುರುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಭಾರತ ತಂಡ,ಆತಿಥೇಯ ಇಂಗ್ಲೆಂಡ್ ಎದುರು ಪೆನಾಲ್ಟಿ ಶೂಟೌಟ್‌ನಲ್ಲಿ 1-4 ಅಂತರದಿಂದ ಪರಾಭವಗೊಂಡಿತ್ತು. ನಿಗದಿತ ಸಮಯದಲ್ಲಿ 2-2 ಗೋಲುಗಳಿಂದ ಪಂದ್ಯ ಸಮಬಲಗೊಂಡಿತ್ತು. ಭಾರತ ಪರ ದಿಲ್‌ಪ್ರೀತ್ ಸಿಂಗ್ (10, 58ನೇ ನಿಮಿಷ) ಅವಳಿ ಗೋಲು ಸಿಡಿಸಿದರೆ, ಇಂಗ್ಲೆಂಡ್ ಪರ ಡೇವಿಡ್ ಗುಡ್‌ಫೀಲ್ಡ್ (29) ಮತ್ತು ನಿಕೊಲಸ್ ಬಂಡುರಕ್ (56) ತಲಾ ಗೋಲುಗಳಿಸಿದರು. ಶೂಟೌಟ್‌ನಲ್ಲಿ ಹರ್ಮಾನ್‌ಪ್ರೀತ್ ಸಿಂಗ್ ಏಕೈಕ ಗೋಲು ದಾಖಲಿಸಿದ್ದರು.