ಕಾಕಮಿಗಹರ (ಜಪಾನ್): ಭಾರತದ ಪುರುಷರ ತಂಡ 18 ವಯೋಮಿತಿ ಏಷ್ಯಾಕಪ್ ಹಾಕಿ (men''s Under-18 Asia Cup) ಟೂರ್ನಿಯಲ್ಲಿ ಚಾಂಪಿಯನ್ ಪಟ್ಟವೇರಿದೆ. ಭಾರತ ತಂಡ ಶನಿವಾರ ನಡೆದ ಫೈನಲ್ ಪಂದ್ಯದಲ್ಲಿ ಆತಿಥೇಯ ಜಪಾನ್ ಎದುರು 4-1 ಗೋಲುಗಳಿಂದ ಗೆಲುವು ದಾಖಲಿಸಿತು.
ಭಾರತ ಪರ ಆಶಿಶ್ ತನಿ ಪೂರ್ತಿ (2, 28, 34) ಹ್ಯಾಟ್ರಿಕ್ ಗೋಲು ಬಾರಿಸಿ ಗೆಲುವಿನ ರೂವಾರಿ ಎನಿಸಿದರು. ನಾಯಕ ಕೇತನ್ ಕುಶ್ವಾಹ (30) ಭಾರತದ ಮತ್ತೊಂದು ಗೋಲು ಬಾರಿಸಿದರು. ಆಶಿಶ್ ಟೂರ್ನಿಯಲ್ಲಿ ಸರ್ವಾಧಿಕ 13 ಗೋಲು ಸಿಡಿಸಿದ ಸಾಧನೆ ಮಾಡಿದರು. ಕಿರಿಯರ ಏಷ್ಯಾಕಪ್ನಲ್ಲಿ ಭಾರತ 3ನೇ ಬಾರಿ ಪ್ರಶಸ್ತಿ ಜಯಿಸಿದೆ. ಈ ಮುನ್ನ 2001 ಮತ್ತು 2016ರಲ್ಲಿ ಪ್ರಶಸ್ತಿ ಗೆದ್ದಿತ್ತು.
