Unluckiest Player | ಈತ ಭಾರತ ತಂಡದ ಅತ್ಯಂತ ದುರದೃಷ್ಟ ಆಟಗಾರ: ವಿಶ್ವಕಪ್​ ವಿಜೇತ ಹೇಳಿದ್ಯಾರಿಗೆ..?

ಚೆನ್ನೈ: ಪ್ರಸ್ತುತ ಭಾರತ ತಂಡದಲ್ಲಿ ಸಂಜು ಸ್ಯಾಮ್ಸನ್ ದುರದೃಷ್ಟ ಆಟಗಾರ(Unluckiest Player) ಎಂದು ಭಾರತದ ಮಾಜಿ ಕ್ರಿಕೆಟಿಗ ಮತ್ತು ಆಯ್ಕೆ ಸಮಿತಿಯ ಮಾಜಿ ಅಧ್ಯಕ್ಷ ಕೃಷ್ಣಮಾಚಾರಿ ಶ್ರೀಕಾಂತ್ ಬಣ್ಣಿಸಿದ್ದಾರೆ. ಅಲ್ಲದೆ, ತಂಡದಲ್ಲಿ ಬ್ಯಾಟಿಂಗ್ ಸ್ಥಾನದಲ್ಲಿ ಸಂಜು ನಿರಂತರ ಬದಲಾವಣೆಗಳು ಆಟಗಾರನ ಲಯ ಮತ್ತು ಆತ್ಮವಿಶ್ವಾಸವನ್ನು ಹಾನಿಗೊಳಿಸಿವೆ ಎಂದು ಹೇಳಿದ್ದಾರೆ.

ಈ ಬಗ್ಗೆ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಮಾತನಾಡಿದ ಶ್ರೀಕಾಂತ್, ಸಂಜು ಸ್ಯಾಮ್ಸನ್ ಇತ್ತೀಚಿನ ತಿಂಗಳುಗಳಲ್ಲಿ ಅತ್ಯಂತ ಸ್ಥಿರ ಪ್ರದರ್ಶನ ನೀಡುವವರಲ್ಲಿ ಒಬ್ಬರಾಗಿದ್ದರೂ, ಭಾರತದ T20I ತಂಡದಲ್ಲಿ ಬಹಳಷ್ಟು ಸವಾಲುಗಳನ್ನು ಎದುರಿಸುತ್ತಿದ್ದಾರೆ. ಅಲ್ಲದೆ, ಅಭಿಷೇಕ್ ಶರ್ಮಾ ಜತೆಗೆ ಆರಂಭಿಕ ಆಟಗಾರನಾಗಿ ಮಿಂಚಿದ್ದ ಕೇರಳದ ತಾರೆ ಶುಭ್ಮನ್ ಗಿಲ್ ತಂಡಕ್ಕೆ ಮರಳುವುದರೊಂದಿಗೆ ವಿವಿಧ ಸ್ಥಾನಗಳಿಗೆ ಸ್ಥಳಾಂತರಗೊಂಡಿದ್ದಾರೆ.

2025 ಭಾರತ ತಂಡ ಏಷ್ಯಾ ಕಪ್ ಗೆದ್ದಾಗ, ಸಂಜು ಮೂರು ಬಾರಿ ಐದನೇ ಸ್ಥಾನದಲ್ಲಿ ಮತ್ತು ಒಮ್ಮೆ ಮೂರನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಿದರು. ಅಲ್ಲದೆ, ಬಾಂಗ್ಲಾದೇಶ ವಿರುದ್ಧ ಎಂಟನೇ ಸ್ಥಾನದಲ್ಲಿಯೂ ಬ್ಯಾಟಿಂಗ್ ಮಾಡಬೇಕಾಯಿತು.ಇದು ಭಾರತದ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರ ಮೇಲೆ ಒತ್ತಡ ಹೇರಿದೆ ಎಂದು ಶ್ರೀಕಾಂತ್ ಹತಾಶೆಯನ್ನು ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಇದೇನಾದರೂ ಸಂಭವಿಸಿದ್ರೆ ಟೀಮ್​ ಇಂಡಿಯಾದ ವಿಶ್ವಕಪ್​ ಕನಸು ಭಗ್ನ: ಸಂಕಷ್ಟದಲ್ಲಿ ಹರ್ಮನ್​ಪ್ರೀತ್ ಪಡೆ​! Team India

ಅಲ್ಲದೆ, ಈ ತಂಡದಲ್ಲಿ ಇರುವ ಅತ್ಯಂತ ದುರದೃಷ್ಟಕರ ಆಟಗಾರ ಸಂಜು ಸ್ಯಾಮ್ಸನ್ ಎಂದಿದ್ದಾರೆ. ಸಂಜು ಆರಂಭಿಕ ಆಟಗಾರನಾಗಿ ಶತಕಗಳನ್ನು ಗಳಿಸುತ್ತಿದ್ದ ಆಟಗಾರನಾಗಿದ್ದ. ಆದರೆ ಈಗ ಅವರನ್ನು 3 ರಿಂದ 8 ರವರೆಗೆ ಎಲ್ಲೆಡೆ ಕಳುಹಿಸಲಾಗುತ್ತಿದೆ. ಭಾರತ ತಂಡದಲ್ಲಿ ಅವಕಾಶ ಸಿಕ್ಕರೆ, ಅವರನ್ನು 11 ನೇ ಸ್ಥಾನದಲ್ಲಿಯೂ ಕಳುಹಿಸಬಹುದು. ಆದ್ದರಿಂದ ಸಂಜು ಅವರಂತಹ ವ್ಯಕ್ತಿ, ಅಗ್ರ ಕ್ರಮಾಂಕದಲ್ಲಿ ಉತ್ತಮ ಪ್ರದರ್ಶನ ನೀಡಿದ ನಂತರವು, ಖಂಡಿತವಾಗಿಯೂ ಕೆಟ್ಟದಾಗಿ ಭಾವಿಸುತ್ತಾನೆ. ಆದರೆ ತಂಡ ಕೇಳುವಲ್ಲೆಲ್ಲಾ ಮೌನವಾಗಿರುವುದು ಮತ್ತು ಬ್ಯಾಟಿಂಗ್ ಮಾಡುವುದನ್ನು ಬಿಟ್ಟು ಅವನಿಗೆ ಬೇರೆ ದಾರಿಯಿಲ್ಲ ಎಂದು ಶ್ರೀಕಾಂತ್​ ನಿರಾಶೆ ವ್ಯಕ್ತಪಡಿಸಿದ್ದಾರೆ.

ಮುಂದುವರೆದು ಮಾತನಾಡಿದ ಶ್ರೀಕಾಂತ್, ಏಷ್ಯಾ ಕಪ್‌ನಲ್ಲಿ ಸಂಜು ಐದನೇ ಸ್ಥಾನದಲ್ಲಿ ಉತ್ತಮವಾಗಿ ಆಡಿದರು ಎಂಬುದು ಒಂದೇ ಸಮಾಧಾನಕರ ಸಂಗತಿಯಾಗಿದೆ. ಟಿ20 ವಿಶ್ವಕಪ್‌ಗೆ ಮೊದಲ ವಿಕೆಟ್ ಕೀಪರ್ ಆಗಿರುವುದರಿಂದ ಸಂಜುಗೆ ಇದು ಒಳ್ಳೆಯ ಸೂಚನೆಯಾಗಿದೆ. ಸಂಜು ಐದನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡುತ್ತಾರೆ ಎಂದು ನನಗೆ ಖಚಿತವಾಗಿದೆ. ಅಲ್ಲದೆ, ತಂಡದಲ್ಲಿ ಪ್ರಯೋಗಗಳ ಹೊರತಾಗಿಯೂ ಸಂಜು ಭಾರತದ ಯೋಜನೆಗಳ ಅವಿಭಾಜ್ಯ ಅಂಗವಾಗಿ ಉಳಿಯುತ್ತಾರೆ ಎಂದು ಭರವಸೆ ಇದೆ ಎಂದಿದ್ದಾರೆ.

ಭಾರತ ತಂಡದಲ್ಲಿ ಆರಂಭಿಕ ಆಟಗಾರನಾಗಿ ಸಂಜು ನಾಯಕ ಸೂರ್ಯಕುಮಾರ್ ಯಾದವ್ ಅವರ ವಿಶ್ವಾಸವನ್ನು ಉಳಿಸಿಕೊಂಡಿದ್ದಾರೆ. ಕೇವಲ 12 ಇನ್ನಿಂಗ್ಸ್‌ಗಳಲ್ಲಿ ಮೂರು ಶತಕಗಳನ್ನು ಗಳಿಸಿದ್ದಾರೆ ಮತ್ತು 37.90 ಸರಾಸರಿ ಮತ್ತು 183.70 ಸ್ಟ್ರೈಕ್ ರೇಟ್‌ನಲ್ಲಿ 417 ರನ್‌ಗಳನ್ನು ಗಳಿಸಿದ್ದಾರೆ. ಅಲ್ಲದೆ, ಅಭಿಷೇಕ್ ಶರ್ಮಾರೊಂದಿಗೆ ಭಾರತದ ಅತ್ಯುತ್ತಮ ಸಾಧನೆಯಾಗಿದೆ. ಆದರೆ ಈ ವರ್ಷದ ಆರಂಭದಲ್ಲಿ ಇಂಗ್ಲೆಂಡ್ ವಿರುದ್ಧದ ಕಳಪೆ ಪ್ರದರ್ಶನದ ನಂತರ, ಗಿಲ್ ಉಪನಾಯಕನಾಗಿ ಮರಳಿದಾಗ ಸಂಜು ಬ್ಯಾಟಿಂಗ್ ಕ್ರಮಾಂಕದಿಂದ ಕೆಳಕ್ಕೆ ಇಳಿಸಲಾಯಿತು.

ಸಂಜು ಹೊಂದಾಣಿಕೆಯ ಗುಣವನ್ನು ಶ್ಲಾಘಿಸಲಾಗಿದ್ದರೂ, ಅವರ ಪ್ರದರ್ಶನವು ಅವರು ಅಗ್ರ ಕ್ರಮಾಂಕದಲ್ಲಿ ತೋರಿಸಿದ ಸ್ಥಿರತೆಯನ್ನು ತಲುಪಿಲ್ಲ ಎಂದು ಶ್ರೀಕಾಂತ್​ ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/conflict-between-two-major-economies-is-common-what-did-chinese-president-xi-jinping-say-in-his-meeting-with-trump