ಗಂಗೂಲಿ, ತೆಂಡೂಲ್ಕರ್​ ಕೂಡ ಇದಕ್ಕೆ ಒಪ್ಪಿರಲಿಲ್ಲ! ವಿರಾಟ್ ಕೊಹ್ಲಿ ನಡೆಗೆ ಸಲಾಂ ಎಂದ ಸಂಜಯ್ ಮಂಜ್ರೇಕರ್​ | Virat Kohli

ನವದೆಹಲಿ: ಇಂದು (ಅ.17) ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನ್ಯೂಜಿಲೆಂಡ್​ ಮತ್ತು ಟೀಮ್ ಇಂಡಿಯಾ (Team India) ವಿರುದ್ಧದ ಮೊದಲ ಟೆಸ್ಟ್ ಪಂದ್ಯ ನಡೆಯುತ್ತಿದ್ದು, ಕಿವಿ ಪಡೆ ಎದುರು ಅಬ್ಬರಿಸುವಲ್ಲಿ ಭಾರತ ತೀರ ಪರದಾಡಿದೆ. ಮೊದಲು ಬ್ಯಾಟಿಂಗ್​ಗೆ ಇಳಿದ ಟೀಮ್ ಇಂಡಿಯಾ, 31.2 ಓವರ್ ಅಂತ್ಯಕ್ಕೆ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡಿರುವುದು ಇದೀಗ ಭಾರೀ ಬೇಸರಕ್ಕೆ ಕಾರಣವಾಗಿದೆ. ಕೇವಲ 46 ರನ್​ಗೆ ಆಲ್​ಔಟ್ ಆಗಿರುವ ಭಾರತ, ಅತ್ಯಂತ ಕಳಪೆ ಪ್ರದರ್ಶನ ನೀಡಿರುವುದು ಸದ್ಯ ಕ್ರಿಕೆಟ್ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ (Appreciate Virat Kohli ).

ಇದನ್ನೂ ಓದಿ: ಕಿವೀಸ್​ ಬೌಲಿಂಗ್​ ದಾಳಿಗೆ ತತ್ತರಿಸಿದ ಭಾರತ: ಕೊಹ್ಲಿ ಸೇರಿ ಐವರು ಡಕ್​, ಕೇವಲ 46 ರನ್​ಗೆ ಆಲೌಟ್​ | India vs New Zealand

ನ್ಯೂಜಿಲೆಂಡ್ ವಿರುದ್ಧ ಮೊದಲು ಬ್ಯಾಟಿಂಗ್ ಮಾಡಲು ಆಯ್ಕೆ ಮಾಡಿಕೊಂಡ ಹಿನ್ನಲೆ ಟೀಮ್ ಇಂಡಿಯಾದ ಬ್ಯಾಟಿಂಗ್ ಲೈನ್​ನಲ್ಲಿ ಕೊಂಚ ಬದಲಾವಣೆಗಳು ಕಂಡುಬಂದಿತು. ರೋಹಿತ್ ಶರ್ಮ ಜತೆ ಓಪನಿಂಗ್ ಬರಬೇಕಿದ್ದ ವಿರಾಟ್ ಕೊಹ್ಲಿ (Virat Kohli), ಶಾಕಿಂಗ್ ರೀತಿ ಮೂರನೇ ಕ್ರಮಾಂಕದಲ್ಲಿ ತಂಡದ ಪರ ಕಣಕ್ಕಿಳಿದರು. ಶೀಘ್ರವೇ ಮೊದಲೆರೆಡು ವಿಕೆಟ್​ಗಳು ಉರುಳಿದ ಬೆನ್ನಲ್ಲೇ ಮೈದಾನಕ್ಕೆ ಬಂದ ವಿರಾಟ್​, ತಾವು ಕೂಡ ಡಕ್​ಔಟ್​ ಆಗುವ ಮುಖೇನ ಪೆವಿಲಿಯನ್​ನತ್ತ ಸಾಗಿದರು. ಇದು ಅಭಿಮಾನಿಗಳಲ್ಲಿ ತೀವ್ರ ಅಚ್ಚರಿ ಮೂಡಿಸಿತು. ನಿರೀಕ್ಷಿಸಿದ್ದ ಸ್ಟಾರ್​ ಬ್ಯಾಟರ್​ಗಳೇ ಒಬ್ಬರಂತೆ ಮತ್ತೊಬ್ಬರು ತಮ್ಮ ವಿಕೆಟ್​ಗಳನ್ನು ಬಹಳ ವೇಗವಾಗಿ​ ಕಳೆದುಕೊಂಡಿದ್ದು, ನೋಡುಗರಲ್ಲಿ ಉತ್ಸಾಹವನ್ನು ಮರೆಮಾಚಿತು.

ಆ ನಿರ್ಧಾರವನ್ನು ಒಪ್ಪಲಿಲ್ಲ

ಇನ್ನು ವಿರಾಟ್​ ಪ್ರದರ್ಶನದ ಬಗ್ಗೆ ಮಾತನಾಡದ ಟೀಮ್ ಇಂಡಿಯಾದ ಮಾಜಿ ಹಿರಿಯ ಆಟಗಾರ ಸಂಜಯ್ ಮಂಜ್ರೇಕರ್​, "ನ್ಯೂಜಿಲೆಂಡ್​ ವಿರುದ್ಧ ಕೊಹ್ಲಿ ಮೂರನೇ ಕ್ರಮಾಂಕದಲ್ಲಿ ಬರಲು ಒಪ್ಪಿಕೊಂಡಿದ್ದು ನನಗೆ ನಿಜಕ್ಕೂ ಸಂತಸ ತಂದಿದೆ. ವಿರಾಟ್ ಅವರ ಈ ನಡೆಗೆ ನಾನು ಸಲಾಂ ಎಂದು ಹೇಳಲು ಬಯಸುತ್ತೇನೆ. ಏಕೆಂದರೆ, ತಂಡಕ್ಕಾಗಿ ತಮ್ಮ ಬ್ಯಾಟಿಂಗ್​ ಆರ್ಡರ್​​ ಅನ್ನೇ ಬದಲಾಯಿಸಿಕೊಂಡಿದ್ದು ಮೆಚ್ಚುವ ಸಂಗತಿ. ಈ ಹಿಂದೆ ಸೌರವ್ ಗಂಗೂಲಿ ಮತ್ತು ಸಚಿನ್ ತೆಂಡೂಲ್ಕರ್​ ತಮ್ಮ ಬ್ಯಾಟಿಂಗ್​ ಕ್ರಮಾಂಕವನ್ನು ಬದಲಿಸಿಕೊಳ್ಳಬೇಕಿದ್ದ ಸಮಯದಲ್ಲಿ ಆ ನಿರ್ಧಾರವನ್ನು ಒಪ್ಪಲಿಲ್ಲ. ಆದ್ರೆ, ವಿರಾಟ್​ ತೆಗೆದುಕೊಂಡ ಈ ನಿಲುವು ನನಗೆ ಸರಿ ಎನಿಸಿತು. ಇದಕ್ಕೆ ಹೇಳೋದು ಅವರನ್ನು ಒಬ್ಬ ಟ್ರೂ ಚಾಂಪಿಯನ್' ಅಂತ" ಎಂದು ಮೆಚ್ಚಿ ಮಾತನಾಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/actress-shama-sikander-shocking-statement