ನಿನ್ನೆ ಪಂದ್ಯದ ನಡುವೆ ಹಾರ್ದಿಕ್​, ಫಿಲ್​ ಸಾಲ್ಟ್​, ಹೆಟ್ಮೈರ್ ಬ್ಯಾಟ್​ ಚೆಕ್​ ಮಾಡಿದ್ದೇಕೆ ಅಂಪೈರ್​? ಏನಿದು ನಿಯಮ? Hardik Pandya

Hardik Pandya : ಪ್ರಸ್ತುತ ನಡೆಯುತ್ತಿರುವ 18ನೇ ಐಪಿಎಲ್ ಸೀಸನ್​ ಈ ಹಿಂದಿನ ಸೀಸನ್​ಗಿಂತಲೂ ತುಂಬಾ ರೋಚಕವಾಗಿದೆ. ಪಂದ್ಯಾವಳಿ ಆರಂಭದಲ್ಲೇ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡಗಳು ಸಂಪೂರ್ಣ ವಿಫಲವಾಗಿ ಸಂಕಷ್ಟಕ್ಕೆ ಸಿಲುಕಿದ್ದರೆ, ನಿರೀಕ್ಷೆಯಿಲ್ಲದ ತಂಡಗಳು ಸತತ ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿ ಮೇಲಿನ ಸ್ಥಾನಕ್ಕೇರಿವೆ. ಅಂದಹಾಗೆ, ಅಂಪೈರ್‌ಗಳು ಈ ಸೀಸನ್​ನಲ್ಲಿ ಆಟಗಾರರ ಬ್ಯಾಟ್‌ಗಳನ್ನು ಈ ಹಿಂದಿಗಿಂತಲೂ ಉತ್ತಮವಾಗಿ ಪರಿಶೀಲಿಸುತ್ತಿದ್ದಾರೆ. ಪಂದ್ಯದ ನಡುವೆ ನೀವದನ್ನು ಗಮನಿಸಿರಬಹುದು. ಈ ರೀತಿ ಏಕೆ ಪರಿಶೀಲಿಸುತ್ತಿದ್ದಾರೆ ಎಂಬ ನಿಮ್ಮ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ಭಾನುವಾರ (ಏಪ್ರಿಲ್​ 13) ನಡೆದ ಡಬಲ್ ಹೆಡರ್ ಪಂದ್ಯದಲ್ಲಿ ಈ ಕುತೂಹಲಕಾರಿ ಪ್ರಕ್ರಿಯೆ ನಡೆಯಿತು. ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯದಲ್ಲಿ, ಆನ್-ಫೀಲ್ಡ್ ಅಂಪೈರ್ ಮುಂಬೈ ನಾಯಕ ಹಾರ್ದಿಕ್​ ಪಾಂಡ್ಯ ಅವರ ಬ್ಯಾಟ್ ಅನ್ನು ಚೆಕ್​ ಮಾಡಿದರು.

ಈ ಪಂದ್ಯದಲ್ಲಿ, ಪಾಂಡ್ಯ ಅವರು ಬ್ಯಾಟಿಂಗ್ ಮಾಡಲು ಮೈದಾನಕ್ಕೆ ಬಂದಾಗ, ಅಂಪೈರ್, ಪಾಂಡ್ಯ ಅವರ ಬ್ಯಾಟ್ ಅನ್ನು ಪರಿಶೀಲಿಸಿದರು. ಬ್ಯಾಟ್ ಅನ್ನು ಅಳೆಯಲು ಒಂದು ಸಾಧನವನ್ನು ಬಳಸಲಾಯಿತು. ಪಾಂಡ್ಯ ಅವರ ಬ್ಯಾಟ್ ಅನುಮತಿಸಲಾದ ಗಾತ್ರದ 4.25 ಇಂಚುಗಳ ಒಳಗೆ ಇತ್ತು. ಹೀಗಾಗಿ ಆ ಬ್ಯಾಟ್​ ಬಳಸಲು ಅನುಮತಿ ನೀಡಲಾಯಿತು.

ಇದನ್ನೂ ಓದಿ: ಪ್ರಸಕ್ತ ಐಪಿಎಲ್​ನಲ್ಲಿ ಮೊದಲ ಸೋಲು… ಡೆಲ್ಲಿ ಕ್ಯಾಪಿಟಲ್ಸ್​ ನಾಯಕ ಅಕ್ಷರ್​ ಪಟೇಲ್ ಕಾಮೆಂಟ್​ ವೈರಲ್​! Axar Patel

ಇನ್ನು ಈ ಪಂದ್ಯಕ್ಕೂ ಮುನ್ನ ರಾಜಸ್ಥಾನ ರಾಯಲ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಪಂದ್ಯದಲ್ಲಿ ಫಿಲ್ ಸಾಲ್ಟ್ ಮತ್ತು ಶಿಮ್ರಾನ್ ಹೆಟ್ಮೈರ್ ಅವರ ಬ್ಯಾಟ್‌ಗಳನ್ನು ಸಹ ಆನ್-ಫೀಲ್ಡ್ ಅಂಪೈರ್‌ಗಳು ಪರೀಕ್ಷಿಸಿದರು.

ಬ್ಯಾಟ್‌ಗಳನ್ನು ಪರಿಶೀಲಿಸಲು ಅಂಪೈರ್​ಗಳು ಒಂದು ಗೇಜ್ ಅನ್ನು ಬಳಸುತ್ತಿದ್ದಾರೆ. ಬ್ಯಾಟ್‌ ಅನ್ನು ಗೇಜ್​ನೊಳಗೆ ಹಾಕಿ, ಬ್ಯಾಟ್​ ಉದ್ದಕ್ಕೂ ಗೇಜ್ ಅನ್ನು ಸರಿಸುತ್ತಾರೆ. ಯಾವುದೇ ಸಮಯದಲ್ಲಿ ಅದು ಅಳತೆಗಳನ್ನು ಮೀರದಂತೆ ಅಂಪೈರ್​ಗಳು ಖಚಿತಪಡಿಸಿಕೊಳ್ಳುತ್ತಾರೆ. ಅಂದರೆ, ಆ ಗೇಜ್​ ಬ್ಯಾಟ್​ ಮೂಲಕ ಸುಲಭವಾಗಿ ಹಾದು ಹೋಗಬೇಕು. ಐಪಿಎಲ್ ನಿಯಮಗಳ ಪ್ರಕಾರ, ಬ್ಯಾಟ್ಸ್‌ಮನ್‌ನ ಬ್ಯಾಟ್ 4.25 ಇಂಚು ಅಥವಾ 10.8 ಸೆಂಟಿಮೀಟರ್ ಅಗಲವನ್ನು ಮೀರಬಾರದು.

ಬ್ಯಾಟ್‌ನ ಬ್ಲೇಡ್ ಈ ಕೆಳಗಿನ ಆಯಾಮಗಳನ್ನು ಪೂರೈಸಬೇಕು

* ಅಗಲ: 4.25 ಇಂಚು / 10.8 ಸೆಂ.ಮೀ

* ಆಳ: 2.64 ಇಂಚು / 6.7 ಸೆಂ.ಮೀ

* ಅಂಚುಗಳು: 1.56 ಇಂಚು / 4.0 ಸೆಂ.ಮೀ

* ಬ್ಯಾಟ್ ಗೇಜ್ ಮೂಲಕ ಹಾದುಹೋಗಲು ಸಹ ಸಾಧ್ಯವಾಗಬೇಕು.

https://www.vijayavani.net/mehul-choksi-arrested-in-belgium-on-indias-request-for-extradition-sources

https://www.vijayavani.net/delhi-university-principal-smears-cow-dung-on-classroom-walls-what-is-the-reason