Video| ಚಾಂಪಿಯನ್ಸ್​ ಟ್ರೋಫಿಗೂ ಮುನ್ನ ಟೀಮ್​ ಇಂಡಿಯಾಗೆ ಬಂತು ಆನೆ ಬಲ; ಮುನಿಸು ಮರೆತು ಒಂದಾದ ಸ್ಟಾರ್​ ಆಟಗಾರರು

ಮುಂಬೈ: ಟೀಮ್​ ಇಂಡಿಯಾ ನಾಯಕ ರೋಹಿತ್​ ಶರ್ಮ (Rohit Sharma) ಸದ್ಯ ಕಠಿಣ ಸಮಯವನ್ನು ಎದುರಿಸುತ್ತಿದ್ದು, ಕೆಲ ದಿನಗಳ ಹಿಂದಷ್ಟೇ ಮುಗಿದ ಬಾರ್ಡರ್​-ಗವಾಸ್ಕರ್ ಟ್ರೋಫಿ ಅದಕ್ಕೆ ಜೀವಂತೆ ಉದಾಹರಣೆಯಾಗಿದೆ. ಪ್ರಸ್ತುತ ಫಾರ್ಮ್​ ಕಂಡುಕೊಳ್ಳಲು ಪರದಾಡುತ್ತಿರುವ ರೋಹಿತ್ ಶರ್ಮ ಮುಂಬರುವ ಚಾಂಪಿಯನ್ಸ್​ ಟ್ರೋಫಿ ನಿಟ್ಟಿನಲ್ಲಿ ಮುಂಬೈ ರಣಜಿ ತಂಡದೊಂದಿಗೆ ಅಭ್ಯಾಸ ಆರಂಭಿಸಿದ್ದು, ಇದೀಗ ಅವರಿಗೆ ಹಾರ್ದಿಕ್​ ಪಾಂಡ್ಯ ಸಾಥ್​ ನೀಡಿದ್ದಾರೆ.

17ನೇ ಆವೃತ್ತಿಯ ಐಪಿಎಲ್​ನಲ್ಲಿ ಮುಂಬೈ ಇಂಡಿಯನ್ಸ್​ (Mumbai Indians) ಪರ ಕಣಕ್ಕಿಳಿದಿದ್ದ ರೋಹಿತ್ ಶರ್ಮ (Rohit Sharma) ಹಾಗೂ ಹಾರ್ದಿಕ್​ ಪಾಂಡ್ಯ ನಾಯಕತ್ವದ ವಿಚಾರವಾಗಿ ಉಂಟಾದ ಮನಸ್ತಾಪದಿಂದಾಗಿ ಅಂತರ ಕಾಯ್ದುಕೊಂಡಿದ್ದರು. ಮೈದಾನದ ಒಳಗೂ ಹಾಗೂ ಹೊರಗೂ ಈ ಇಬ್ಬರು ಆಟಗಾರರು ಮಾತನಾಡಿದ್ದನ್ನು ಯಾರು ನೋಡಿರಲಿಲ್ಲ. ಇದೀಗ ರೋಹಿತ್ ಶರ್ಮ ಫಾರ್ಮ್​ಗೆ ಮರಳುವ ಸಲುವಾಗಿ ಮುಂಬೈ ಇಂಡಿಯನ್ಸ್​ ತಂಡದೊಂದಿಗೂ ಅಭ್ಯಾಸ ನಡೆಸುತ್ತಿದ್ದು, ಈ ವೇಳೆ ಹಾರ್ದಿಕ್​ ಪಾಂಡ್ಯ ಹಿಟ್​ಮ್ಯಾನ್​ರ ಜತೆ ಕಾಣಿಸಿಕೊಂಡಿದ್ದಾರೆ.

ಆರ್​ಸಿಬಿ ಮರಾಠಿ ಟ್ವಿಟರ್ ಖಾತೆಯಲ್ಲಿ ಪೋಸ್ಟ್​ ಮಾಡಿರುವ ವಿಡಿಯೋ (Video) ನೋಡುವುದಾದರೆ ಹಾರ್ದಿಕ್​ ಪಾಂಡ್ಯ ಬೌಲಿಂಗ್​ ಮಾಡುತ್ತಿದ್ದು, ರೋಹಿತ್ ಶರ್ಮ ಬ್ಯಾಟ್​ ಬೀಸಿದ್ದಾರೆ. ನವಿ ಮುಂಬೈನಲ್ಲಿರುವ ರಿಲಯನ್ಸ್ ಕಾರ್ಪೋರೇಟ್​ ಪಾರ್ಕ್​ನಲ್ಲಿ ಈ ಇಬ್ಬರು ಆಟಗಾರರು ಜಂಟಿಯಾಗಿ ಅಭ್ಯಾಸ ನಡೆಸಿದ್ದು, ಇಷ್ಟು ದಿನ ಪರಸ್ಪರ ಅಂತರ ಕಾಯ್ದುಕೊಂಡಿದ್ದ ಈ ಇಬ್ಬರು ಆಟಗಾರರು ಒಂದಾಗಿರುವುದನ್ನು ಕಂಡು ಫ್ಯಾನ್ಸ್ ಫುಲ್​ ಖುಷ್​ ಆಗಿದ್ದಾರೆ.

ಇನ್ನೂ ಚಾಂಪಿಯನ್ಸ್​ ಟ್ರೋಫಿಗೆ ಸಂಬಂಧಿಸಿದಂತೆ ಬಿಸಿಸಿಐ ಇಂದು 15 ಸದಸ್ಯರ ಪಟ್ಟಿಯನ್ನು ಬಿಡುಗಡೆ ಮಾಡಲಿದ್ದು, ಇದಕ್ಕೂ ಮುನ್ನ ನಡೆಯುವ ಸುದ್ದಿಗೋಷ್ಠಿಯನ್ನು ಅಜಿತ್​ ಅಗರ್ಕರ್​ ಹಾಗೂ ರೋಹಿತ್ ಶರ್ಮ ಉದ್ದೇಶಿಸಿ ಮಾತನಾಡಲಿದ್ದಾರೆ. ನಿನ್ನೆಯಷ್ಟೇ (ಜನವರಿ 17) ಬಿಸಿಸಿಐ ಆಟಗಾರರ ಫಾರ್ಮ್​ ವಿಚಾರವಾಗಿ 10 ಅಂಶಗಳ ಹೊಸ ನಿಯಮವನ್ನು ಜಾರಿಗೆ ತಂದಿತ್ತು. ಈ ನಿಯಮಗಳಿಗೆ ಕೆಲವು ಆಟಗಾರರು ವಿರೋದ ವ್ಯಕ್ತಪಡಿಸಿದ್ದರು.

https://www.vijayavani.net/the-hospitality-we-got-pakistan-stars-honest-admission-on-experience-of-touring-india-amid-champions-trophy

https://www.vijayavani.net/kerala-nurse-wins-%e2%82%b971-crore-lottery-in-bahrain-fulfills-mothers-dreams-after-years-of-hardship