ಸೆಡ್ಡನ್ ಪಾರ್ಕ್ ಮೈದಾನದಲ್ಲಿ ಶುಕ್ರವಾರ ಆರಂಭವಾದ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಭಾರತ ತಂಡ, 78.5 ಓವರ್ಗಳಲ್ಲಿ 263 ರನ್ಗೆ ಆಲೌಟ್ ಆಯಿತು. ವೇಗದ ಬೌಲಿಂಗ್ಗೆ ನೆರವೀಯುವ ಪಿಚ್ನಲ್ಲಿ ಪೃಥ್ವಿ ಷಾ ಹಾಗು ಶುಭಮಾನ್ ಗಿಲ್ ಶೂನ್ಯಕ್ಕೆ ಔಟಾದರೆ, ಮಯಾಂಕ್ ಅಗರ್ವಾಲ್ 1 ರನ್ ಬಾರಿಸಿದರು. 5 ರನ್ಗೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ವೇಳೆ ಚೇತೇಶ್ವರ ಪೂಜಾರ (93 ರನ್, 21 1 ಎಸೆತ, 11 ಬೌಂಡರಿ, 1 ಸಿಕ್ಸರ್) ಹಾಗೂ ಹನುಮ ವಿಹಾರಿ (101*ರನ್, 182 ಎಸೆತ, 10 ಬೌಂಡರಿ, 3 ಸಿಕ್ಸರ್) 5ನೇ ವಿಕೆಟ್ಗೆ 195 ರನ್ ಜತೆಯಾಟವಾಡಿ ಚೇತರಿಕೆ ನೀಡಿದರು. ನ್ಯೂಜಿಲೆಂಡ್ ಇಲೆವೆನ್ ಪರ ಸ್ಕಾಟ್ ಕಗಿಲಿನ್ 40 ರನ್ಗೆ ಮೂರು ವಿಕೆಟ್ ಉರುಳಿಸಿದರೆ, ಇಶ್ ಸೋಧಿ 3 ವಿಕೆಟ್ ಉರುಳಿಸಿ ಮಿಂಚಿದರು.
