ಪಾಕ್​ಗೆ ಹ್ಯಾಂಡ್​ ಶಾಕ್​: PAK​ ಕ್ರಿಕೆಟ್​ ಮಂಡಳಿ ಆರೋಪಕ್ಕೆ ಸ್ಪಷ್ಟನೆ ಕೊಟ್ಟ BCCI!

BCCI: ಪಂದ್ಯದ ಕೊನೆಯಲ್ಲಿ ಆಟಗಾರರು ಕೈಕುಲುಕಬೇಕೆಂದು ಒತ್ತಾಯಿಸುವ ಯಾವುದೇ ಕಾನೂನು ಇಲ್ಲ ಮತ್ತು ಭಾರತ ಮತ್ತು ಪಾಕಿಸ್ತಾನ ನಡುವೆ ಹೆಚ್ಚುತ್ತಿರುವ ರಾಜಕೀಯ ಉದ್ವಿಗ್ನತೆಯನ್ನು ಗಮನಿಸಿದರೆ, ಭಾರತೀಯ ಕ್ರಿಕೆಟ್ ತಂಡದ ಆಟಗಾರರು ಕೈಕುಲುಕುವುದರಲ್ಲಿ ಅಥವಾ ಪಾಕಿಸ್ತಾನ ಕ್ರಿಕೆಟಿಗರೊಂದಿಗೆ ಯಾವುದೇ ಸಂವಹನ ನಡೆಸುವುದರಲ್ಲಿ ಅರ್ಥವಿಲ್ಲ ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ಹೇಳಿದ್ದಾರೆ ಎಂದು ಪಿಟಿಐ ಮಂಗಳವಾರ ವರದಿ ಮಾಡಿದೆ.

ಇದನ್ನೂ ಓದಿ:Chanakya Niti: ಜೀವನದಲ್ಲಿ ಈ 3 ಸ್ಥಳಗಳಿಗೆ ಎಂದಿಗೂ ಹೋಗಬಾರದಂತೆ!

2025ರ ಏಷ್ಯಾ ಕಪ್​ನ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ನಾಯಕ ಸೂರ್ಯಕುಮಾರ್ ಯಾದವ್ ತಮ್ಮ ಪಾಕಿಸ್ತಾನದ ಸಹ ಆಟಗಾರ ಸಲ್ಮಾನ್ ಅಲಿ ಅಘಾ ಅವರೊಂದಿಗೆ ಸಂತೋಷದ ಮಾತುಗಳನ್ನು ವಿನಿಮಯ ಮಾಡಿಕೊಳ್ಳಲಿಲ್ಲ. ಭಾರತದ 7 ವಿಕೆಟ್‌ಗಳ ಗೆಲುವಿನ ನಂತರವೂ, ಭಾರತೀಯ ಕ್ರಿಕೆಟಿಗರು ತಮ್ಮ ಎದುರಾಳಿಯೊಂದಿಗೆ ಕೈಕುಲುಕಲಿಲ್ಲ. ಈ ಘಟನೆಯಿಂದ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಸಿಟ್ಟು ಹೊರ ಹಾಕಿದ್ದು, ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ (ಎಸಿಸಿ) ಗೆ ಅಧಿಕೃತ ದೂರು ನೀಡಲು ನಿರ್ಧರಿಸಿದೆ.

ಪಂದ್ಯದ ರೆಫರಿ ಆಂಡಿ ಪೈಕ್ರಾಫ್ಟ್ 'ನೀತಿ ಸಂಹಿತೆ'ಯನ್ನು ಉಲ್ಲಂಘಿಸಿದ್ದಾರೆ ಎಂದು ಆರೋಪಿಸಿ, ಅವರನ್ನು(ಭಾರತ ತಂಡ) ತಕ್ಷಣವೇ ಏಷ್ಯಾ ಕಪ್​ನಿಂದ ಹೊರ ಹಾಕಬೇಕೆಂದು ಪಿಸಿಬಿ ಒತ್ತಾಯಿಸಿದೆ. ಆದಾಗ್ಯೂ, ಭಾರತ ಮಾಡಿರುವುದು ತಪ್ಪಲ್ಲ ಎಂದು ಬಿಸಿಸಿಐ ಅಧಿಕಾರಿ ಸ್ಪಷ್ಟಪಡಿಸಿದ್ದಾರೆ.

ಬಿಸಿಸಿಐ ಹೇಳಿದ್ದೇನು?

"ನೋಡಿ.. ನಿಯಮ ಪುಸ್ತಕವನ್ನು ಓದಿದರೆ, ವಿರೋಧ ತಂಡಗಳೊಂದಿಗೆ ಕೈಕುಲುಕುವ ಬಗ್ಗೆ ಯಾವುದೇ ನಿರ್ದಿಷ್ಟ ವಿವರಣೆಯಿಲ್ಲ. ಇದು ಕ್ರೀಡೆಯಲ್ಲಿ ಜಾಗತಿಕವಾಗಿ ಅನುಸರಿಸಲಾಗುವ ಕಾನೂನಲ್ಲ, ಸದ್ಭಾವನೆಯ ಸೂಚಕ ಮತ್ತು ಒಂದು ರೀತಿಯ ಸಂಪ್ರದಾಯವಾಗಿದೆ"

"ಯಾವುದೇ ಕಾನೂನು ಇಲ್ಲದಿದ್ದರೆ, ಭಾರತೀಯ ಕ್ರಿಕೆಟ್ ತಂಡವು ಹಳೆಯ ಸಂಬಂಧ ಹೊಂದಿರುವ ಎದುರಾಳಿ ಪಾಕ್​ ತಂಡದೊಂದಿಗೆ ಕೈಕುಲುಕಲು ಬದ್ಧವಾಗಿಲ್ಲ" ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ಪಿಟಿಐ ತಿಳಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/are-peoples-lives-worthless