3 ಬಾರಿ ಒಂದೇ ಮಿಸ್ಟೇಕ್​! ಆಶಿಶ್​ ನೆಹ್ರಾ, ಕ್ಯಾಪ್ಟನ್​ ಶುಭಮನ್ ಗಿಲ್ ಬೇಸರ | GT vs MI​

GT vs MI​: ಇಂದು (ಮೇ.06) ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮುಂಬೈ ಇಂಡಿಯನ್ಸ್ ಮತ್ತು ಗುಜರಾತ್ ಟೈಟನ್ಸ್​ ನಡುವಿನ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಶುಭಮನ್ ಗಿಲ್​, ಎಂಐಗೆ ಬೌಲಿಂಗ್ ಮಾಡುವಂತೆ ಆಹ್ವಾನಿಸಿದರು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಮುಂಬೈ ಪಡೆ, 20 ಓವರ್ ಅಂತ್ಯಕ್ಕೆ 8 ವಿಕೆಟ್​ ಕಳೆದುಕೊಂಡು ಕೇವಲ 155 ರನ್ ಕಲೆಹಾಕಲಷ್ಟೇ ಶಕ್ತವಾಯಿತು. ಈ ಮಧ್ಯೆ ಗಿಲ್​ ಬೇಸರಗೊಂಡ ದೃಶ್ಯಗಳು ಕ್ಷಣಮಾತ್ರದಲ್ಲಿ ಜಾಲತಾಣಗಳಲ್ಲಿ ಹರಿದಾಡಿವೆ.

ಇದನ್ನೂ ಓದಿ: The Happy Screens | “ದಿ ಹ್ಯಾಪಿ ಸ್ಕ್ರೀನ್ಸ್​” ಹೆಸರಿಗೆ ತಕ್ಕಂತೆ ನಿಮ್ಮ ಹುಟ್ಟುಹಬ್ಬದ ಆಚರಣೆ

ಪವರ್‌ಪ್ಲೇನಲ್ಲಿ ಮುಂಬೈ ಇಂಡಿಯನ್ಸ್ ಬ್ಯಾಟರ್​ಗಳು ಕೊಟ್ಟ ಸುಲಭ ಕ್ಯಾಚ್​ಗಳನ್ನು ಕೈಚೆಲ್ಲಿದ ಗುಜರಾತ್ ಟೈಟಾನ್ಸ್ ಪಡೆ, ಒಂದಲ್ಲ, ಎರಡಲ್ಲ ಮೂರು ಬಹುಮುಖ್ಯ ಕ್ಯಾಚ್​ಗಳನ್ನು ಹಿಡಿಯುವಲ್ಲಿ ವಿಫಲರಾದರು. ಮೊದಲ ಓವರ್‌ನ ನಾಲ್ಕನೇ ಎಸೆತದಲ್ಲಿ, ಸಾಯಿ ಸುದರ್ಶನ್ ವಿಲ್ ಜ್ಯಾಕ್ಸ್ ಕೊಟ್ಟ ಕ್ಯಾಚ್​ ಕೈಬಿಟ್ಟರೆ, ಐದನೇ ಓವರ್‌ನಲ್ಲಿ, ಸಾಯಿ ಕಿಶೋರ್ ಪ್ರಸಿದ್ಧ್ ಕೃಷ್ಣ ಬೌಲಿಂಗ್‌ನಲ್ಲಿ ಸೂರ್ಯಕುಮಾರ್ ಮಿಡ್-ವಿಕೆಟ್‌ ಕೈಚೆಲ್ಲಿದರು. ಇನ್ನು ಆರನೇ ಓವರ್‌ನಲ್ಲಿ ಅರ್ಷದ್ ಖಾನ್ ಬೌಲಿಂಗ್‌ನಲ್ಲಿ ವಿಲ್ ಜ್ಯಾಕ್ಸ್ ಕೊಟ್ಟ ಮತ್ತೊಂದು ಕ್ಯಾಚ್​ನ ಸಿರಾಜ್ ಕೈಬಿಟ್ಟರು. ಇದು ಗಿಲ್​ ಕೋಪಕ್ಕೆ ಕಾರಣವಾಯಿತು.

ಮೂರು ಕ್ಯಾಚ್​ಗಳನ್ನು ಕೈಚೆಲ್ಲಿದ ತಂಡದ ಆಟಗಾರರ ವಿರುದ್ಧ ಕೋಚ್ ಆಶಿಶ್ ನೆಹ್ರಾ ಮತ್ತು ಶುಭಮನ್ ಗಿಲ್ ಮೈದಾನದಲ್ಲೇ ಬೇಸರ ಹೊರಹಾಕಿದರು. ಕ್ಯಾಪ್ಟನ್ ಶುಭಮನ್​ ಗಿಲ್​ ಮುಖ ಮುಚ್ಚಿಕೊಂಡ ದೃಶ್ಯ ಜಾಲತಾಣಗಳಲ್ಲಿ ಹರಿದಾಡಿವೆ. ಇದು ಜಿಟಿ ಅಭಿಮಾನಿಗಳ ಬೇಸರಕ್ಕೂ ಕಾರಣವಾಯಿತು,(ಏಜೆನ್ಸೀಸ್).

https://www.vijayavani.net/youth-commits-suicide-over-debit-card-debt