ಸ್ಟೇಡಿಯಂನಲ್ಲಿ ಆರ್​ಸಿಬಿ ಮ್ಯಾಚ್ ಬಿಟ್ಟು ಸೀರಿಸ್​ ನೋಡಿದ ಯುವತಿ! ಆಹಾ, ಎಂಥಹ… ಅಂದ್ರು ಫ್ಯಾನ್ಸ್​

ಬೆಂಗಳೂರು: ನಿನ್ನೆ (ಏ.02) ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಐಪಿಎಲ್​ನ 14ನೇ ಪಂದ್ಯ ಆರ್​ಸಿಬಿ ಮತ್ತು ಎಲ್​ಎಸ್​ಜಿ ನಡುವೆ ನಡೆದಿದ್ದು, ಭಾರೀ ಪೈಪೋಟಿಯ ಮಧ್ಯೆ ಕಡೆಗೂ ಆರ್​ಸಿಬಿ ಸೋಲನ್ನು ಅನುಭವಿಸುವ ಮೂಲಕ ಪಂದ್ಯ ಕೈಚೆಲ್ಲಿತು. ಇನ್ನು ಆರ್​ಸಿಬಿ ಅಭಿಮಾನಿಗಳಿಂದಲೇ ತುಂಬಿದ್ದ ಸ್ಟೇಡಿಯಂನಲ್ಲಿ ಯುವತಿಯೊಬ್ಬಳು ಮ್ಯಾಚ್ ಬಗ್ಗೆ ಕಿಂಚಿತ್ತು ಆಸಕ್ತಿ ತೋರದೆ, ತನ್ನ ಸ್ಮಾರ್ಟ್​ಫೋನ್​ನಲ್ಲಿ ಫ್ರೆಂಡ್ಸ್​ ಸೀರಿಸ್​ ನೋಡುತ್ತ ಕುಳಿತಿರುವುದನ್ನು ಕಂಡ ಬೆಂಗಳೂರು ತಂಡದ ಅಭಿಮಾನಿಗಳು ಭಾರೀ ಆಶ್ಚರ್ಯವನ್ನು ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಕೋಲಾರದಲ್ಲಿ ರಂಗೇರಿದ ಚುನಾವಣಾ ಕಾವು / ಮೂರು ಪಕ್ಷಗಳಿಂದ ವಾಕ್ ಸಮರ / ಜೋರಾದ ಪ್ರಚಾರ ಸಭೆಗಳುಎನ್.ಮುನಿವೆಂಕಟೇಗೌಡ

ಲಕ್ನೋ ವಿರುದ್ಧ 28 ರನ್‌ಗಳ ಸೋಲಿನೊಂದಿಗೆ ತವರಿನಲ್ಲಿ ಸತತವಾಗಿ ಎರಡನೇ ಸೋಲನ್ನು ಅನುಭವಿಸಿದ ಆರ್​ಸಿಬಿ ಇದುವರೆಗೆ ನಿರಾಶಾದಾಯಕ ಪ್ರದರ್ಶನವನ್ನು ತೋರಿದೆ. 182 ರನ್‌ಗಳ ಗುರಿಯೊಂದಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 19.4 ಓವರ್‌ಗಳಲ್ಲಿ 153 ರನ್‌ಗಳಿಗೆ ಆಲೌಟ್ ಆಯಿತು. 13 ಎಸೆತಗಳಲ್ಲಿ 33 ರನ್ ಸಿಡಿಸಿದ ಮಹಿಪಾಲ್ ಲ್ಯಾಮ್ರೋರ್​ಗೆ ಉತ್ತಮ ಜತೆಯಾಟ ಸಿಗಲಿಲ್ಲ. ವಿರಾಟ್ ಕೊಹ್ಲಿ (22), ಫಾಫ್ ಡು ಪ್ಲೆಸಿಸ್ (19) ಮತ್ತು ಗ್ಲೆನ್ ಮ್ಯಾಕ್ಸ್​​ವೆಲ್​ ಅಬ್ಬರಿಸದೆ ಪೆವಿಲಿಯನ್​ಗೆ ಹೋಗಿದ್ದು, ಅಭಿಮಾನಿಗಳಿಗೆ ಅರಗಿಸಿಕೊಳ್ಳಲಾಗಲಿಲ್ಲ.

ಐಪಿಎಲ್ 2024ರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ನಡುವಿನ ಪಂದ್ಯದಲ್ಲಿ ಎಲ್ಲರಿಗೂ ಮ್ಯಾಚ್​ ಸೋತೆವು ಎಂಬ ಚಿಂತೆ, ದುಃಖ ಕಾಡುತ್ತಿದ್ದರೇ ಇಲ್ಲೊಬ್ಬಳು ಯುವತಿ ಸ್ಟೇಡಿಯಂನ ಸ್ಟ್ಯಾಂಡ್‌ನಲ್ಲಿ ಕುಳಿತು 'ಫ್ರೆಂಡ್ಸ್' ಸೀರಿಸ್ ವೀಕ್ಷಿಸುತ್ತಿರುವ ದೃಶ್ಯ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುವುದರ ಜತೆಗೆ ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಇದನ್ನೂ ಓದಿ: ಪೋಕ್ಸೋ ಪ್ರಕರಣ ಆರೋಪಿಗೆ ಚಪ್ಪಲಿ ಮೆರವಣಿಗೆ! ಹಿಗ್ಗಾಮುಗ್ಗಾ ಥಳಿಸಿದ ಮಹಿಳೆಯರು

ಆರ್​ಸಿಬಿ ಪಂದ್ಯ ಸೋತಿತು ಎಂದು ಹ್ಯಾಪೆ ಮೊರೆ ಹಾಕಿ ಕುಳಿತ್ತಿದ್ದ ಫ್ಯಾನ್ಸ್ ಒಂದೆಡೆಯಾದರೆ, ಮತ್ತೊಂದೆಡೆ ಈ ಯುವತಿ ಸೀರಿಸ್​ ನೋಡುತ್ತ ಕುಳಿತ್ತಿದ್ದು ಬೆಂಗಳೂರು ಫ್ಯಾನ್ಸ್​ಗೆ ಭಾರೀ ಬೇಸರ ತಂದಿದೆ. ಕೆಲವರು ಆರ್​ಸಿಬಿ ಸೋಲುವ ಪಂದ್ಯ ನೋಡುವ ಬದಲು ಈ ಸೀರಿಸ್​ ನೋಡುವುದೇ ಒಳಿತು ಎಂದರೆ, ಇನ್ನು ಕೆಲವರು ಆಕೆ ಮಾಡುತ್ತಿರುವುದು ಸರಿಯೇ ಇದೆ ಬಿಡಿ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವೊಬ್ಬರು ಆಹಾ, ಎಂಥಹ ಒಳ್ಳೆಯ ಕೆಲಸ...ಎಂದಿದ್ದಾರೆ. ಸದ್ಯ ಯುವತಿಯ ಈ ಪೋಸ್ಟ್​ಗೆ ನೆಟ್ಟಿಗರಿಂದ ವ್ಯಾಪಕ ಅಭಿಪ್ರಾಯಗಳು ಹರಿದುಬಂದಿವೆ,(ಏಜೆನ್ಸೀಸ್).

https://www.vijayavani.net/ravishastri-speaks-about-hardik-captaincy

https://www.vijayavani.net/this-women-is-a-mother-of-22-kids