ನವದೆಹಲಿ: ಒಂದೊಮ್ಮೆ ಟೀಮ್ ಇಂಡಿಯಾ, ದೆಹಲಿ ತಂಡದಲ್ಲಿ ಸಹ-ಆಟಗಾರರಾಗಿದ್ದ ಗೌತಮ್ ಗಂಭೀರ್-ವಿರಾಟ್ ಕೊಹ್ಲಿ ಬಳಿಕ ಐಪಿಎಲ್ನಲ್ಲಿ ಎದುರಾಳಿಗಳಾಗಿ ಜಟಾಪಟಿ ನಡೆಸಿದ್ದರು. ಇದೀಗ ಕೋಚ್-ಆಟಗಾರರಾಗಿ ಇವರಿಬ್ಬರು ಮತ್ತೆ ಒಂದಾಗಿದ್ದಾರೆ. ಈ ಸಂದರ್ಭದಲ್ಲಿ ಬಿಸಿಸಿಐ ಇಬ್ಬರನ್ನೂ ಕೂರಿಸಿಕೊಂಡು ವಿಶೇಷ ಮಾತುಕತೆಗೆ ವೇದಿಕೆ ಕಲ್ಪಿಸಿದೆ. ಕೊಹ್ಲಿ ನಡೆಸಿಕೊಟ್ಟ ಗಂಭೀರ್ರ ವಿಶಿಷ್ಟ ಸಂದರ್ಶನದ ವೇಳೆ ಇಬ್ಬರೂ ಪರಸ್ಪರರ ಮೇಲಿನ ಗೌರವ, ಟೆಸ್ಟ್ ಕ್ರಿಕೆಟ್ ಮೇಲಿನ ಪ್ರೀತಿ, ಆಧ್ಯಾತ್ಮಿಕತೆ, ಭಾರತೀಯ ಕ್ರಿಕೆಟ್ನ ಶಕ್ತಿ-ಭವಿಷ್ಯದ ಯೋಜನೆ, ತಮ್ಮ ನಡುವಿನ ಸಾಮ್ಯತೆ ಮತ್ತು ಆಕ್ರಮಣಕಾರಿ ಮನೋಭಾವದಿಂದ ತಮಗೆ ಆಗುವ ಲಾಭದ ಬಗ್ಗೆ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.
