ಎಂಎಸ್ ಧೋನಿ ಮೇಲೆ ಪಕ್ಷಪಾತದ ಆರೋಪ ಮಾಡಿ ಭಾರತದ ಮಾಜಿ ಆಟಗಾರ| MS Dhoni

MS Dhoni: ಭಾರತದ ಮಾಜಿ ನಾಯಕ ಎಂ.ಎಸ್​ ಧೋನಿಯಿಂದ ನನ್ನ ಕ್ರಿಕೆಟ್​ ವೃತ್ತಿ ಜೀವನಕ್ಕೆ ಯಾವುದೇ ಬೆಂಬಲ ಸಿಗಲಿಲ್ಲ ಎಂದು ಭಾರತದ ಮಾಜಿ ಕ್ರಿಕೆಟಿಗ ಮನೋಜ್ ತಿವಾರಿ ಹೇಳಿದ್ದಾರೆ.

ಈ ಬಗ್ಗೆ ಮಾತನಾಡಿದ ತಿವಾರಿ, ಈ ಪ್ರಶ್ನೆಗೆ ಉತ್ತರಿಸಲು ನನಗೆ ಸಾಧ್ಯವಾಗುತ್ತಿಲ್ಲ. ಎಂಎಸ್ ಧೋನಿ, ಡಂಕನ್ ಫ್ಲೆಚರ್ ಮತ್ತು ಆಯ್ಕೆದಾರರು ಇದಕ್ಕೆ ಉತ್ತರಿಸಲು ಸಾಧ್ಯವಾಗುತ್ತದೆ ಎಂದು ನಾನು ಭಾವಿಸುತ್ತೇನೆ. ಏಕೆಂದರೆ, ಇಲ್ಲಿಯವರೆಗೆ ನನಗೆ ಯಾವುದೇ ಉತ್ತರ ಸಿಕ್ಕಿಲ್ಲ ಎಂದು ತಿವಾರಿ ಹೇಳಿದರು.

ಮುಂದುವರೆದು ಮಾತನಾಡಿದ ತಿವಾರಿ, ನಾನು ಎಂಎಸ್ ಧೋನಿ ಅವರನ್ನು ಭೇಟಿಯಾದಾಗಲೆಲ್ಲಾ, 100 ರನ್ ಗಳಿಸಿದ ನಂತರ ನನಗೆ ಅವಕಾಶ ನೀಡದಿರಲು ಮುಖ್ಯ ಕಾರಣಗಳೇನು ಎಂದು ನಾನು ಅವರನ್ನು ಕೇಳುತ್ತೇನೆ ಎಂದು ನಾನು ಮೊದಲೇ ಹೇಳಿದ್ದೆ. ಆ ಸಮಯದಲ್ಲಿ ಅವರ ಆಲೋಚನಾ ಪ್ರಕ್ರಿಯೆ ಹೇಗಿತ್ತು ಎಂಬುದರ ಬಗ್ಗೆ ನನಗೆ ಯಾವುದೇ ಸುಳಿವು ಸಿಕ್ಕಿಲ್ಲ. ಆ ನಿರ್ಧಾರ ತೆಗೆದುಕೊಂಡವರು ಮತ್ತು ಆ ಸಮಯದಲ್ಲಿ,ಕೋಚ್​ ಆಗಿದ್ದವರು ನಿರ್ಧಾರಗಳನ್ನು ತೆಗೆದುಕೊಳ್ಳುವವರನ್ನು ಕೇಳಬೇಕಾದ ಪ್ರಶ್ನೆ ಇದು ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಮತದಾರ ಅಧಿಕಾರ ಯಾತ್ರೆ: ರಾಹುಲ್ ಗಾಂಧಿಗೆ ಜೊತೆಯಾದ ಸಿಎಂ ರೇವಂತ್ ರೆಡ್ಡಿ, ಪ್ರಿಯಾಂಕಾ ಗಾಂಧಿ | Voter Adhikar Yatra

ಟೀಮ್ ಇಂಡಿಯಾ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್‌ನ ಅನೇಕ ಆಟಗಾರರಿಗೆ ಎಂಎಸ್ ಧೋನಿ ಬೆಂಬಲ ನೀಡಿ ಉನ್ನತ ಮಟ್ಟಕ್ಕೆ ತಗೆದುಕೊಂಡು ಹೋಗಿದ್ದಾರೆ. ಅವರಿಂದ ಅತ್ಯುತ್ತಮವಾದದ್ದನ್ನು ಪಡೆದಿದ್ದಾರೆ ಎಂದು ತಿವಾರಿ ಶ್ಲಾಘಿಸಿದ್ದಾರೆ.

ನಾನು ಮತ್ತೆ ಆಡುವ 11ನೇ ಕ್ರಮಾಂಕಕ್ಕೆ ಮರಳಿದೆ, ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ನಾಲ್ಕು ವಿಕೆಟ್‌ಗಳನ್ನು ಪಡೆದಿದ್ದೇನೆ, ಆ ಪಂದ್ಯದಲ್ಲಿ 21 ರನ್‌ಗಳನ್ನು ಗಳಿಸಿದೆ, ಮತ್ತು ಮುಂದಿನ ಪಂದ್ಯದಲ್ಲೂ ನಾನು ಶ್ರೀಲಂಕಾದಲ್ಲಿ 65 ರನ್‌ಗಳನ್ನು ಗಳಿಸಿದೆ. ಅದರೆ ನಂತರ ಏನಾಯಿತು ಎಂದು ನನಗೆ ತಿಳಿದಿಲ್ಲ ಎಂದು ತಿವಾರಿ ತಿಳಿಸಿದ್ದಾರೆ.

ತಂಡದ ನಾಯಕನಿಂದ ನನಗೆ ಬೆಂಬಲ ಸಿಗಲಿಲ್ಲ, ಅದನ್ನು ನಾನು ಪಡೆಯಲು ಆಶಿಸಿದ್ದೆ. ಆದರೆ ಧೋನಿ ನನ್ನನ್ನು ಏಕೆ ಬೆಂಬಲಿಸಲಿಲ್ಲ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ತುಂಬಾ ಕಷ್ಟಕರವಾದ ವಿಷಯವಾಗಿದೆ. ಏಕೆಂದರೆ ಪ್ರದರ್ಶನ ಅಧಾರದ ಮೇಲೆ ತಂಡದಲ್ಲಿ ಸ್ಥಾನ ಪಡೆಯಲು ಅಂತಿಮ ಮಾನದಂಡವಾಗಿದೆ ಎಂದು ನಾನು ಯಾವಾಗಲೂ ಭಾವಿಸಿದ್ದೆ ಎಂದು ಹೇಳಿದ್ದಾರೆ.

ಭಾರತ ಪರ ಕೊನೆಯ ಬಾರಿಗೆ 2015 ಜಿಂಬಾಬ್ವೆಯಲ್ಲಿ ನಡೆದ ಏಕದಿನ ಪಂದ್ಯದಲ್ಲಿ ತಿವಾರಿ ಆಡಿದ್ದರು, ಆಗ ಅಜಿಂಕ್ಯ ರಹಾನೆ ಯುವ ತಂಡದ ನಾಯಕರಾಗಿದ್ದರು ಮತ್ತು ಧೋನಿ ಮತ್ತು ಇತರ ಹಿರಿಯ ಆಟಗಾರರು ವಿಶ್ರಾಂತಿ ಪಡೆಯುತ್ತಿದ್ದರು.(ಏಜೆನ್ಸೀಸ್)

https://www.vijayavani.net/indias-sudarshan-chakra-is-similar-to-israels-iron-dome-cds-anil-chauhan