2023 ವಿಶ್ವಕಪ್ ಫೈನಲ್ ಸೋಲಿನ ಬಳಿಕ ಕ್ರಿಕೆಟ್​ನಿಂದ ದೂರವಾಗಲು ಬಯಸಿದ್ದೆ.. ಹಿಟ್‌ಮ್ಯಾನ್‌ ಭಾವುಕ ಮಾತು!

ಮಾಸ್ಟರ್ಸ್ ಯೂನಿಯನ್ ಕನ್ವೊಕೇಷನ್ 2025 ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, "2023 ವಿಶ್ವಕಪ್ ಫೈನಲ್ ನಂತರ ನಾನು ಸಂಪೂರ್ಣವಾಗಿ ನಿರಾಶೆಗೀಡಾಗಿದ್ದೆ. ಕ್ರಿಕೆಟ್ ನನ್ನಿಂದ ಎಲ್ಲವನ್ನೂ ತೆಗೆದುಕೊಂಡಂತೆ ಭಾಸವಾಯ್ತು, ನನ್ನಲ್ಲಿ ಏನೂ ಉಳಿದಿಲ್ಲ ಎಂದುಕೊಂಡೆ. ಒಂದು ಹಂತದಲ್ಲಿ ನಾನು ಇನ್ನು ಮುಂದೆ ಈ ಕ್ರಿಕೆಟ್ ಆಡಲು ಬಯಸಲಿಲ್ಲ ಎಂದು ಭಾವಿಸಿದ್ದೆ" ಆ ಸೋಲು ತಮ್ಮನ್ನು ಇಷ್ಟೊಂದು ಭಾವುಕಗೊಳಿಸಿತ್ತು ಎಂದು ರೋಹಿತ್ ಹೇಳಿದರು.

"ನಾನು ಕ್ಯಾಪ್ಟನ್ ಆಗಿ 2022ರಿಂದಲೇ ವಿಶ್ವಕಪ್ ಗೆಲ್ಲುವುದು ಏಕೈಕ ಗುರಿಯಾಗಿತ್ತು. ಅದು ಸಾಧ್ಯವಾಗದಿದ್ದಾಗ ದೇಹದಲ್ಲಿ ಶಕ್ತಿಯೇ ಇಲ್ಲದಂತಾಯಿತು. ಚೇತರಿಸಿಕೊಳ್ಳಲು ಕೆಲವು ತಿಂಗಳುಗಳು ಬೇಕಾಯಿತು" ಎಂದರು.

ಅಹಮದಾಬಾದ್‌ನಲ್ಲಿ ನಡೆದ ಫೈನಲ್‌ನಲ್ಲಿ ಭಾರತ 240 ರನ್‌ಗಳಿಸಿದ್ದರೆ, ಟ್ರಾವಿಸ್ ಹೆಡ್ ಅವರ ಶತಕದ ಬಲದಿಂದ ಆಸ್ಟ್ರೇಲಿಯಾ 6 ವಿಕೆಟ್‌ಗಳಿಂದ ಗೆಲುವು ಸಾಧಿಸಿತ್ತು. ಕಪ್ಪು ದಿನವೆಂಬಂತಿದ್ದ ಆ ಪಂದ್ಯದ ನಂತರ ರೋಹಿತ್‌ಗೆ ವೈಯಕ್ತಿಕವಾಗಿ ತೀವ್ರ ನಿರಾಶೆ ಉಂಟಾಗಿತ್ತು ಎಂದು ರೋಹಿತ್​​ ಬಹಿರಂಗವಾಗಿ ಮಾತನಾಡಿದ್ದಾರೆ.