FIFA WorldCup: ಮೊದಲ ತಂಡವಾಗಿ ನಾಕೌಟ್​ ಹಂತಕ್ಕೆ ಲಗ್ಗೆಯಿಟ್ಟ ಮೆಕ್ಸಿಕೋ

ಭಾರತೀಯ ಕಾಲಮಾನ ಪ್ರಕಾರ ಶುಕ್ರವಾರ ಬೆಳಗ್ಗೆ ನಡೆದ ಪಂದ್ಯದ ಮೊದಲಾರ್ಧ ಗೋಲುರಹಿತವಾಗಿತ್ತು. 50ನೇ ನಿಮಿಷದಲ್ಲಿ ದಣ ಕೊರಿಯಾದ ಗೋಲು ಕೀಪರ್​ ಕಿಮ್​ ಸೆಯುಂಗ್​&ಗ್ಯು ಚೆಂಡನ್ನು ತಡೆಯಲು ಮುನ್ನುಗ್ಗಿ ಬಂದಾಗಿ ಡಿಫೆಂಡರ್​ ಲೀ ಗಿ-ಹ್ಯೂಕ್​ಗೆ ಡಿಕ್ಕಿಯಾಗಿದ್ದರಿಂದ ಚೆಂಡಿನ ನಿಯಂತ್ರಣ ಪಡೆಯಲು ಸಾಧ್ಯವಾಗಲಿಲ್ಲ. ಅದರ ಲಾಭ ಪಡೆದ ಅನುಭವಿ ಆಟಗಾರ ಲೂಯಿಸ್​ ರೋಮೋ ಚೆಂಡನ್ನು ಗೋಲು ಪೆಟ್ಟಿಗೆಯೊಳಗೆ ಸೇರಿಸಿ ಮೆಕ್ಸಿಕೋಗೆ ಮುನ್ನಡೆ ಒದಗಿಸಿದರು. ನಂತರ ದಣ ಕೊರಿಯಾ 87ನೇ ನಿಮಿಷದಲ್ಲಿ ಸಮಬಲ ಸಾಧಿಸುವ ಸನಿಹ ಬಂದಿತು. ಆದರೆ ಮೆಕ್ಸಿಕೋ ಗೋಲು ಕೀಪರ್​ ರೌಲ್​ ರಾಂಗೆಲ್​ ತಡೆಗೋಡೆಯಾಗಿ ನಿಂತರು. ಮೆಕ್ಸಿಕೋ ಮೊದಲ ಪಂದ್ಯದಲ್ಲಿ ದ. ಆಫ್ರಿಕಾ ವಿರುದ್ಧ 2-0ಯಿಂದ ಗೆದ್ದಿತ್ತು.

ಮೆಕ್ಸಿಕೋ ಈಗ ಎ ಗುಂಪಿನಲ್ಲಿ ಅಗ್ರಸ್ಥಾನ ಭದ್ರಪಡಿಸಿಕೊಂಡಿದೆ. ಈ ಬಾರಿ ನಾಕೌಟ್​ನಲ್ಲಿ 32 ತಂಡಗಳು ಆಡಲಿದ್ದು, ಗುಂಪಿನಿಂದ ಇನ್ನೂ 2 ತಂಡಗಳಿಗೆ ಅವಕಾಶವಿದೆ. ಯಾಕೆಂದರೆ ಈ ಬಾರಿ ಗುಂಪಿನಲ್ಲಿ 3ನೇ ಸ್ಥಾನ ಪಡೆದ 8 ಅತ್ಯುತ್ತಮ ತಂಡಗಳೂ ನಾಕೌಟ್​ ಹಂತಕ್ಕೇರಲಿವೆ.

ವಿಶ್ವ ನಂ. 13 ಮೆಕ್ಸಿಕೋ ಈಗ ತವರಿನಲ್ಲಿ ಆಡಿದ ಮೂರೂ ವಿಶ್ವಕಪ್​ಗಳಲ್ಲಿ ನಾಕೌಟ್​ ಹಂತಕ್ಕೇರಿದಂತಾಗಿದೆ. ಈ ಮುನ್ನ 1970 ಮತ್ತು 1986ರ ತವರಿನ ವಿಶ್ವಕಪ್​ನಲ್ಲಿ ಕ್ವಾರ್ಟರ್​ಫೈನಲ್​ಗೇರಿತ್ತು.

ಸತತ 11ನೇ ಬಾರಿ ವಿಶ್ವಕಪ್​ ಆಡುತ್ತಿರುವ ವಿಶ್ವ ನಂ. 22 ದ. ಕೊರಿಯಾ ಇನ್ನು ದ. ಆಫ್ರಿಕಾ ವಿರುದ್ಧದ ಕೊನೇ ಪಂದ್ಯದಲ್ಲಿ ಡ್ರಾ ಸಾಧಿಸಿದರೂ ನಾಕೌಟ್​ ಹಂತಕ್ಕೇರಲು ಅವಕಾಶವಿದೆ.

| ಜೇವಿಯರ್​ ಅಗೈರ್​, ಮೆಕ್ಸಿಕೋ ಕೋಚ್​

*3: ಮೆಕ್ಸಿಕೋ ತಂಡ ಫಿಫಾ ವಿಶ್ವಕಪ್​ನಲ್ಲಿ ಮೊದಲ ಬಾರಿ ಸತತ 3 ಪಂದ್ಯ ಗೆದ್ದ ಸಾಧನೆ ಮಾಡಿದೆ. ಕಳೆದ ವಿಶ್ವಕಪ್​ನ ಕೊನೇ ಲೀಗ್​ ಪಂದ್ಯದಲ್ಲಿ ಸೌದಿ ಅರೇಬಿಯಾ ವಿರುದ್ಧ ಮೆಕ್ಸಿಕೋ ಗೆದ್ದಿತ್ತು.

*24: ಮೆಕ್ಸಿಕೋ ತಂಡ ವಿಶ್ವಕಪ್​ನಲ್ಲಿ 24 ವರ್ಷಗಳ ಬಳಿಕ ಗುಂಪಿನ ಅಗ್ರಸ್ಥಾನ ಪಡೆದಿದೆ. ಈ ಮುನ್ನ 1998ರಲ್ಲಿ ಕೊನೆಯದಾಗಿ ಈ ಸಾಧನೆ ಮಾಡಿತ್ತು.