FIFA WorldCup: ಲಿಯೋನೆಲ್​ ಮೆಸ್ಸಿ ಸತತ 9 ಪಂದ್ಯಗಳ ಗೋಲಿನ ಓಟಕ್ಕೆ ಸ್ವಿಸ್​ ಕಡಿವಾಣ!

3: ಅರ್ಜೆಂಟೀನಾ ತಂಡ ಹಾಲಿ ವಿಶ್ವಕಪ್​ನಲ್ಲಿ ಸತತ 4ನೇ ಪಂದ್ಯದಲ್ಲಿ ಕನಿಷ್ಠ 3 ಗೋಲು ದಾಖಲಿಸಿತು.

15: ಅರ್ಜೆಂಟೀನಾ ವಿಶ್ವಕಪ್​ನಲ್ಲಿ ಸತತ 15ನೇ ಪಂದ್ಯದಲ್ಲಿ ಗೋಲು ದಾಖಲಿಸಿತು. ಉರುಗ್ವೆ (16), ಜರ್ಮನಿ (18), ಹಂಗೆರಿ (17), ಬ್ರೆಜಿಲ್​ (18) ಇದಕ್ಕಿಂತ ಹೆಚ್ಚು ಬಾರಿ ಸತತ ಗೋಲು ಗಳಿಸಿರುವ ತಂಡಗಳಾಗಿವೆ.

ಫಿಫಾ ವಿಶ್ವ ರ್ಯಾಂಕಿಂಗ್​ನಲ್ಲಿ ಅಗ್ರ 4 ಸ್ಥಾನದಲ್ಲಿರುವ ತಂಡಗಳೇ (1. ಅರ್ಜೆಂಟೀನಾ, 2. ಸ್ಪೇನ್​, 3. ಫ್ರಾನ್ಸ್​, 4. ಇಂಗ್ಲೆಂಡ್​) ಈ ಬಾರಿ ವಿಶ್ವಕಪ್​ನಲ್ಲಿ ಅಂತಿಮ 4ರ ಘಟ್ಟ ತಲುಪಿರುವುದು ವಿಶೇಷವಾಗಿದೆ. 1992ರಲ್ಲಿ ಫಿಫಾ ರ್ಯಾಂಕಿಂಗ್​ ಜಾರಿಗೆ ಬಂದ ನಂತರ ಈ ರೀತಿಯ ದೃಷ್ಟಾಂತ ದಾಖಲಾಗಿರಲಿಲ್ಲ. ಅಲ್ಲದೆ 1990 ಮತ್ತು 1970ರ ಬಳಿಕ ಸೆಮಿಫೈನಲ್​ಗೇರಿರುವ ಎಲ್ಲ 4 ತಂಡಗಳೂ ಈ ಹಿಂದೆ ಕನಿಷ್ಠ 1 ಸಲವಾದರೂ ವಿಶ್ವಕಪ್​ ಗೆದ್ದಿರುವ ತಂಡಗಳಾಗಿವೆ. ಹೀಗಾಗಿ ಈ ಬಾರಿ ಹೊಸ ತಂಡವೊಂದು ಪ್ರಶಸ್ತಿ ಜಯಿಸುವುದಿಲ್ಲ ಎಂಬುದು ಖಚಿತಗೊಂಡಿದೆ.