FIFA WorldCup 2026: ಈ ಬಾರಿ ಮೂರು ಆರಂಭೋತ್ಸವ; ಪಾಪ್​ ತಾರೆಯರ ಮಿಂಚು!

ಎರಡನೇ ಆರಂಭೋತ್ಸವ ಕೆನಡಾದ ಟೊರಾಂಟೊದಲ್ಲಿ ಶುಕ್ರವಾರವೇ ನಡೆಯಲಿದೆ. ಸಹ&ಆತಿಥೇಯ ಕೆನಡಾ ಮತ್ತು ಬೋಸ್ನಿಯಾ-ಹರ್ಜೆಗೋವಿನಾ ನಡುವಿನ ಪಂದ್ಯಕ್ಕೆ ಮುನ್ನ 13 ನಿಮಿಷ ನಡೆಯಲಿರುವ ಈ ಕಾರ್ಯಕ್ರಮದಲ್ಲಿ ಕೆನಡಾ ಗಾಯಕರಾದ ಅಲೆಸ್ಸಿಯಾ ಕಾರಾ, ಜೆಸ್ಸಿ ರೆಯೆಜ್​, ಮೈಕೆಲ್​ ಬುಬ್ಲೆ, ವಿಲಿಯಂ ಪ್ರಿನ್ಸ್​, ಪ್ಯಾಲೆಸ್ತಿಯನ್​ ಗಾಯಕಿ ಎಲ್ಯನ್ನಾ, ಬಾಂಗ್ಲಾದೇಶಿ-ಅಮೆರಿಕನ್​ ಡಿಜೆ ಸಂಜಯ್​, ಫ್ರೆಂಚ್​ ಗಾಯಕ ವೆಗೆಡ್ರೀಮ್​, ಕೆನಡಾ ನಟ ವಿಲ್​ ಆರ್ನೆಟ್​ ಪ್ರದರ್ಶನ ಇರಲಿದೆ. ಕೆನಡಾ-ಅಮೆರಿಕನ್​ ಸಂಗೀತಗಾರ ಅಲಾನಿಸ್​ ಮೊರಿಸೆಟ್​ "ಓ ಕೆನಡಾ' ಮತ್ತು ಬೋಸ್ನಿಯಾದ ಅಲೆಕ್ಸಾಂಡರ್​ ಗಜಿಕ್​ "ಡ್ರಜಾವ್ನಾ ಹಿಮ್ನಾ ಬೋಸ್ನೆ ಐ ಹರ್ಸೆಗೋವಿನ್​' ಹಾಡನ್ನು ಹಾಡಿ ರಂಜಿಸಲಿದ್ದಾರೆ. 

ಮೂರನೇ ಆರಂಭೋತ್ಸವ ಶುಕ್ರವಾರ ಲಾಸ್​ ಏಂಜಲಿಸ್​ ಸ್ಟೇಡಿಯಂನಲ್ಲಿ ಸಹ-ಆತಿಥೇಯ ಅಮೆರಿಕ ಮತ್ತು ಪರಾಗ್ವೆ ನಡುವಿನ ಪಂದ್ಯಕ್ಕೆ ಮುನ್ನ ನಡೆಯಲಿದೆ. ಇದರಲ್ಲಿ ಅಮೆರಿಕನ್​ ಗಾಯಕಿ ಕೇಟ್​ ಪೆರ್ರಿ, ರ್ಯಾಪರ್ ಫ್ಯೂಚರ್​, ಬ್ರೆಜಿಲ್​ ಗಾಯಕಿ ಅನಿಟ್ಟಾ, ಥಾಯ್ಲೆಂಡ್​ ರ್ಯಾಪರ್​ ಲೀಸಾ, ನೈಜೀರಿಯಾ ರ್ಯಾಪರ್​ ರೆಮಾ ಮತ್ತು ದಣ ಆಫ್ರಿಕಾ ಗಾಯಕಿ ಟೈಲಾ ಸಂಗೀತಾ-ನೃತ್ಯ ಕಾರ್ಯಕ್ರಮದೊಂದಿಗೆ 13 ನಿಮಿಷ ಮನರಂಜನೆ ನೀಡಲಿದ್ದಾರೆ.

ಭಾರತದಲ್ಲಿ ನೆಲೆಸಿರುವ ಮತ್ತು ಬಾಲಿವುಡ್​ನಲ್ಲಿ ಮಿಂಚುತ್ತಿರುವ ಮೊರಾಕ್ಕೊ-ಕೆನಡಾ ಮೂಲದ ಗಾಯಕಿ, ನಟಿ ಮತ್ತು ನೃತ್ಯತಾರೆ ನೋರಾ ಫತೇಹಿ ಶುಕ್ರವಾರ ಟೊರಾಂಟೊದಲ್ಲಿ ನಡೆಯಲಿರುವ 2ನೇ ಆರಂಭೋತ್ಸವದ ವೇಳೆ ನರ್ತಿಸಲಿದ್ದಾರೆ. ಈಗಾಗಲೆ ಟೂರ್ನಿಯ ಅಧಿಕೃತ ಮ್ಯೂಸಿಕ್​ ವಿಡಿಯೋ "ಸಿರ್​ ಸಿರ್​'ನಲ್ಲಿ ಹೆಜ್ಜೆ ಹಾಕಿರುವ ನೋರಾ, ಆರಂಭೋತ್ಸವದಲ್ಲೂ ಅದೇ ಹಾಡಿಗೆ ಕುಣಿಯಲಿದ್ದಾರೆ.