ನ್ಯೂಜೆರ್ಸಿ: ಅರ್ಜೆಂಟೀನಾ ತಾರೆ ಲಿಯೋನೆಲ್ ಮೆಸ್ಸಿ (Lionel Messi) ಈ ಬಾರಿ ಫಿಫಾ ವಿಶ್ವಕಪ್ನಲ್ಲಿ ಗರಿಷ್ಠ ಗೋಲು ಸಿಡಿಸಿದ ದಾಖಲೆ ಬರೆಯುವ ಅವಕಾಶ ಹೊಂದಿದ್ದಾರೆ. ಇದುವರೆಗೆ 13 ಗೋಲು ಸಿಡಿಸಿರುವ ಅವರು, ಈ ಬಾರಿ 4 ಗೋಲು ಬಾರಿಸಿದರೆ, ಟೂರ್ನಿ ಇತಿಹಾಸದ ಸರ್ವಾಧಿಕ ಗೋಲು ಸ್ಕೋರರ್ ಎನಿಸಲಿದ್ದಾರೆ.
ಸದ್ಯ ಜರ್ಮನಿಯ ಮಿರೋಸ್ಲಾವ್ ಕ್ಲೋಸ್ (16) ಈ ದಾಖಲೆ ಹೊಂದಿದ್ದಾರೆ. ಬ್ರೆಜಿಲ್ನ ರೊನಾಲ್ಡೊ (15) ಮತ್ತು ಜರ್ಮನಿಯ ಗೆರ್ಡ್ ಮುಲ್ಲರ್ (14) ನಂತರದಲ್ಲಿದ್ದಾರೆ. ಇದುವರೆಗೆ 12 ಗೋಲು ಬಾರಿಸಿರುವ ಫ್ರಾನ್ಸ್ನ ಕೈಲಿಯನ್ ಎಂಬಾಪೆ ಕೂಡ ದಾಖಲೆ ಅವಕಾಶ ಹೊಂದಿದ್ದಾರೆ.
ಇಂಗ್ಲೆಂಡ್ನ ಹ್ಯಾರಿ ಕೇನ್ (8), ಬ್ರೆಜಿಲ್ನ ನೇಮರ್ (8) ಮತ್ತು ಪೋರ್ಚುಗಲ್ನ ಕ್ರಿಶ್ಚಿಯಾನೊ ರೊನಾಲ್ಡೊ (8) ಈ ಬಾರಿ ಕಣದಲ್ಲಿರುವ ಇತರ ಪ್ರಮುಖ ಗೋಲು ಸ್ಕೋರರ್ಗಳು.
