FIFA WorldCup: ರೆಡ್​ ಡೆವಿಲ್ಸ್​ಗೆ ಬೆದರಿದ ನ್ಯೂಜಿಲೆಂಡ್​

ಭಾರತೀಯ ಕಾಲಮಾನ ಪ್ರಕಾರ ಶನಿವಾರ ಬೆಳಗ್ಗೆ ನಡೆದ ಕಾದಾಟದಲ್ಲಿ ಬೆಲ್ಜಿಯಂ, ಟೂರ್ನಿಯಲ್ಲಿ ಆಡಿದ ಅತ್ಯಂತ ಕೆಳ ಶ್ರೇಯಾಂಕಿತ ತಂಡವಾಗಿದ್ದ ನ್ಯೂಜಿಲೆಂಡ್​ ಎದುರು ಸಂಪೂರ್ಣ ಮೇಲುಗೈ ಸಾಧಿಸಿತು. ಎಲಿಜಾ ಜಸ್ಟ್​ (84) ಕಿವೀಸ್​ ಪರ ಏಕೈಕ ಗೋಲು ಬಾರಿಸಿದರೆ, ಅಲೆಕ್ಸಿಸ್​ ಸೇಲ್ಮೇಕರ್ಸ್​ (90+4) ಇಂಜುರಿ ಸಮಯದಲ್ಲಿ ಬೆಲ್ಜಿಯಂ ಗೆಲುವಿನ ಅಂತರ ಹಿಗ್ಗಿಸಿದರು. ಬೆಲ್ಜಿಯಂಗೆ 32ರ ಘಟ್ಟದಲ್ಲಿ ಎದುರಾಳಿ ಆಗಲಿರುವ "3ನೇ ಸ್ಥಾನಿ' ತಂಡ ಇನ್ನೂ ನಿರ್ಧಾರವಾಗಿಲ್ಲ.

ಕಳೆದ ಕತಾರ್​ ವಿಶ್ವಕಪ್​ನಲ್ಲಿ ಲೀಗ್​ ಹಂತದಲ್ಲೇ ನಿರ್ಗಮಿಸಿದ್ದ ಬೆಲ್ಜಿಯಂ ಈ ಬಾರಿ ಮೊದಲ ಪಂದ್ಯದಲ್ಲಿ ಈಜಿಪ್ಟ್​ ಎದುರು ಡ್ರಾಕ್ಕೆ ತೃಪ್ತಿಪಟ್ಟಿತ್ತು. "ಆಲ್​ ವೈಟ್ಸ್​ ಖ್ಯಾತಿಯ ನ್ಯೂಜಿಲೆಂಡ್​ ಗುಂಪಿನ ಕೊನೇ ಸ್ಥಾನಿಯಾಗಿ ನಿರ್ಗಮಿಸಿತು.