ಸಿಯಾಟಲ್: ಚಾರ್ಲ್ಸ್ ಡಿ ಕೆಟೆಲೇರ್ (9, 33ನೇ ನಿಮಿಷ) ದಾಖಲಿಸಿದ ಅವಳಿ ಗೋಲು ಮತ್ತು ಇನ್ನೊಂದು ಗೋಲಿಗೆ ನೆರವಾದ ಸಾಧನೆಯಿಂದ ರೆಡ್ ಡೆವಿಲ್ಸ್ ಖ್ಯಾತಿಯ ಬೆಲ್ಜಿಯಂ ತಂಡ ಫಿಫಾ ವಿಶ್ವಕಪ್ (FIFA WorldCup) 23ನೇ ಆವೃತ್ತಿಯಲ್ಲಿ ಸಹ-ಆತಿಥೇಯ ಅಮೆರಿಕ ತಂಡಕ್ಕೆ 4-1ರಿಂದ ಸೋಲುಣಿಸಿ, ತವರು ನೆಲದ ಕನಸಿನ ಓಟಕ್ಕೆ ತೆರೆ ಎಳೆಯಿತು. ಇದರೊಂದಿಗೆ ಬೆಲ್ಜಿಯಂ 2018ರ ಬಳಿಕ ಮತ್ತೊಮ್ಮೆ ಕ್ವಾರ್ಟರ್ಫೈನಲ್ ಹಂತಕ್ಕೇರಿದರೆ, ಅಮೆರಿಕ ಸತತ 4ನೇ ಬಾರಿ 16ರ ಘಟ್ಟದಲ್ಲೇ ಗೇಟ್ಪಾಸ್ ಪಡೆಯಿತು. ಕಳೆದ ಪಂದ್ಯದಲ್ಲಿ ರೆಡ್ ಕಾರ್ಡ್ ಪಡೆದ ನಡುವೆಯೂ ಕಣಕ್ಕಿಳಿದ ಫೋಲಾರಿನ್ ಬಾಲೋಗುನ್ ಅಮೆರಿಕನ್ನರಿಗೆ ಯಾವುದೇ ರೀತಿಯಲ್ಲಿ ನೆರವಾಗಲಿಲ್ಲ. ಪ್ರಮುಖವಾಗಿ ರಕ್ಷಣಾ ವಿಭಾಗದ ವೈಫಲ್ಯ ಆತಿಥೇಯರ ಕನಸು ಭಗ್ನಗೊಳಿಸಿತು.
