ವಿಂಡೀಸ್​ ಎದುರು ಕ್ಲೀನ್​ಸ್ವೀಪ್​ ಸಾಧಿಸಿದ ಆಸೀಸ್​

ಕ್ಯಾನ್​ಬೆರ: ವೇಗಿ ಕ್ಸೇವಿಯರ್​ ಬಾರ್ಟ್ಲೆಟ್​ (21ಕ್ಕೆ 4) ಬಿಗಿ ಬೌಲಿಂಗ್​ ದಾಳಿಯ ನೆರವಿನಿಂದ ಆತಿಥೇಯ ವಿಶ್ವ ಚಾಂಪಿಯನ್​ ಆಸ್ಟ್ರೆಲಿಯಾ ಮೂರನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಪ್ರವಾಸಿ ವೆಸ್ಟ್​ ಇಂಡೀಸ್​ ವಿರುದ್ಧ 8 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಸ್ಟೀವನ್​ ಸ್ಮಿತ್​ ಬಳಗ ಮೂರು ಪಂದ್ಯಗಳ ಸರಣಿಯನ್ನು 3&0 ಕ್ಲೀನ್​ಸ್ವೀಪ್​ ಮಾಡಿದೆ.

ಮಂಗಳವಾರ ನಡೆದ ಔಪಚಾರಿಕ ಪಂದ್ಯದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಇಳಿದ ವೆಸ್ಟ್​ ಇಂಡೀಸ್​, 24.1 ಓವರ್​ಗಳಲ್ಲಿ ಕೇವಲ 86 ರನ್​ಗಳಿಗೆ ಆಲೌಟ್​ ಆಯಿತು. ಒಂದು ಹಂತದಲ್ಲಿ 71 ರನ್​ಗಳಿಗೆ 5 ವಿಕೆಟ್​ ಕಳೆದುಕೊಂಡಿದ್ದ ವಿಂಡೀಸ್​ ಬಳಿಕ ದಿಢೀರ್​ ಕುಸಿತ ಕಂಡಿತು. ಪ್ರತಿಯಾಗಿ ಆಸೀಸ್​ 6.5 ಓವರ್​ಗಳಲ್ಲಿ 2 ವಿಕೆಟ್​ಗೆ 87 ರನ್​ಗಳಿಸಿ, ಇನ್ನೂ 259 ಎಸೆತ ಬಾಕಿಯಿರುವಂತೆಯೇ ಸುಲಭ ಜಯ ದಕ್ಕಿಸಿಕೊಂಡಿತು.

ವಿಂಡೀಸ್​: 24.1 ಓವರ್​ಗಳಲ್ಲಿ 86 (ಅಥಾನೆಜ್​ 32, ಕಾರ್ಟಿ 10, ಚೇಸ್​ 12, ಕ್ಸೇವಿಯರ್​ ಬಾರ್ಟ್ಲೆಟ್​ 21ಕ್ಕೆ 4, ಮೊರೀಸ್​ 13ಕ್ಕೆ 2, ಜಂಪಾ 14ಕ್ಕೆ 2).

ಆಸೀಸ್​: 6.5 ಓವರ್​ಗಳಲ್ಲಿ 87 (ಮ್ಯಾಕ್​ಗುರ್ಕ್​ 41, ಇಂಗ್ಲಿಸ್​ 35*, ಸ್ಮಿತ್​ 6*, ಥಾಮಸ್​ 7ಕ್ಕೆ 1). ಪಂದ್ಯಶ್ರೇಷ್ಠ ಹಾಗೂ ಸರಣಿ ಶ್ರೇಷ್ಠ: ಕ್ಸೇವಿಯರ್​ ಬಾರ್ಟ್ಲೆಟ್​.