ಮೊದಲ 3 ಪಂದ್ಯಗಳಲ್ಲಿ 2 ಅರ್ಧಶತಕ ಸಹಿತ 181 ರನ್ ಬಾರಿಸಿರುವ ವಿರಾಟ್ ಕೊಹ್ಲಿ ಆರ್ಸಿಬಿ ತಂಡಕ್ಕೆ ಬ್ಯಾಟಿಂಗ್ ವಿಭಾಗದಲ್ಲಿ ಏಕಾಂಗಿ ಆಸರೆ ಒದಗಿಸಿದ್ದಾರೆ. ಅವರಿಗೆ ತಂಡದ ಇತರ ಬ್ಯಾಟರ್ಗಳಿಂದ, ಅದರಲ್ಲೂ ಪ್ರಮುಖವಾಗಿ ವಿದೇಶಿ ಬ್ಯಾಟರ್ಗಳಿಂದ ಬೆಂಬಲ ಅಗತ್ಯವಾಗಿದೆ. ಕೆಕೆಆರ್ ಎದುರು ಕೊಹ್ಲಿ ಇತರರಿಂದ ಸಮರ್ಥ ಬೆಂಬಲ ಲಭಿಸಿದ್ದರೆ, ಇನಿಂಗ್ಸ್ ಪೂರ್ತಿ ಆಡಿದಾಗ 83ಕ್ಕೆ ಬದಲಾಗಿ 125 ರನ್ ಗಳಿಸಲು ಸಾಧ್ಯವಿತ್ತು. ನಾಯಕ ಪ್ಲೆಸಿಸ್ (46 ರನ್), ಗ್ಲೆನ್ ಮ್ಯಾಕ್ಸ್ವೆಲ್ (31), ಆಲ್ರೌಂಡರ್ ಕ್ಯಾಮರಾನ್ ಗ್ರೀನ್ (54) ಮತ್ತು ರಜತ್ ಪಾಟೀದಾರ್ (21) ರನ್ಬರ ಎದುರಿಸಿದ್ದಾರೆ. ಟಿ20 ವಿಶ್ವಕಪ್ ವರ್ಷದಲ್ಲಿ ದಿನೇಶ್ ಕಾರ್ತಿಕ್ ಫಿನಿಷರ್ ಪಾತ್ರದಲ್ಲಿ ಮತ್ತೆ ಲಯ ಕಂಡುಕೊಂಡಿರುವುದು ಆರ್ಸಿಬಿಗೆ ಸಮಾಧಾನಕರ ಅಂಶ. ಮಹಿಪಾಲ್ ಲೊಮ್ರೊರ್ ಅಥವಾ ಸುಯಶ್ ಪ್ರಭುದೇಸಾಯಿಗೆ ಈ ಬಾರಿ ಆರಂಭಕ 11ರ ಬಳಗದಲ್ಲೇ ಸ್ಥಾನ ಕಲ್ಪಿಸಿ ಬ್ಯಾಟಿಂಗ್ ಬಲಪಡಿಸಬಹುದಾಗಿದೆ.
