ಆರಂಭಿಕ ನಿಮಿಷಗಳಿಂದಲೂ ಉಭಯ ತಂಡಗಳ ಆಟಗಾರರು ಪರಸ್ಪರ ಪೈಪೋಟಿ ನೀಡಿದರು. ಇದರಿಂದ ಮೊದಲಾರ್ಧದ ಗೋಲುರಹಿತ ಸಮಬಲ ಕಂಡಿತು. ದ್ವೀತಿಯಾರ್ಧದಲ್ಲಿ ಆಕ್ರಮಣಕಾರಿ ನಿರ್ವಹಣೆ ತೋರಿದ ಇಂಗ್ಲೆಂಡ್ ತಂಡ ಎದುರಾಳಿ ತಂಡದ ಮೇಲೆ ಸವಾರಿ ನಡೆಸಿತು. 57ನೇ ನಿಮಿಷದಲ್ಲಿ ರಹೀಮ್ ಸ್ಟರ್ಲಿಂಗ್ ಗೋಲು ದಾಖಲಿಸಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ಪ್ರಮುಖ ಟೂನಿರ್ಯಲ್ಲಿ ಸ್ಟರ್ಲಿಂಗ್ ಸಿಡಿಸಿದ ಚೊಚ್ಚಲ ಗೋಲು ಇದಾಗಿದೆ. ಉಳಿದ ಕೊವ್ರೇಷಿಯಾ ತಂಡ ತಿರುಗೇಟು ನೀಡಲು ಯತ್ನಿಸಿದರೂ ಇಂಗ್ಲೆಂಡ್ನ ರಕ್ಷಣಾತ್ಮಕ ಪಡೆ ಅವಕಾಶ ನೀಡಲಿಲ್ಲ. ಸ್ಟಾರ್ ಹಾಗೂ ಅನುಭವಿ ಆಟಗಾರರಿಂದ ಕೂಡಿರುವ ಇಂಗ್ಲೆಂಡ್ ತಂಡ ತವರಿನಂಗಳದಲ್ಲಿ ಗೆಲುವಿನ ನಗೆ ಬೀರಿತು. ವಿಜೇತ ಇಂಗ್ಲೆಂಡ್ ತಂಡ ಶುಕ್ರವಾರ ಸ್ಕಾಟ್ಲೆಂಡ್ ತಂಡವನ್ನು ಎದುರಿಸಿದರೆ, ಕೊವ್ರೇಷಿಯಾ ತಂಡ ಹಾಗೂ ಜೆಕ್ ಗಣರಾಜ್ಯ ಮುಖಾಮುಖಿಯಾಗಲಿವೆ.
