ಈ ಐತಿಹಾಸಿಕ ಟೆಸ್ಟ್ ಪಂದ್ಯಕ್ಕೆ ಟೀಮ್ ಇಂಡಿಯಾ ಮತ್ತು ಇಂಗ್ಲೆಂಡ್ ಸಾಕ್ಷಿಯಾಗಲಿದ್ದು, ಇದು ನಾಲ್ಕು ಅಥವಾ ಐದು ದಿನಗಳ ಪಂದ್ಯವಾಗಿರಲಿದೆಯೇ ಎಂಬುದು ಸದ್ಯ ಪ್ರಶ್ನಾರ್ಥಕ. ಈ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ಪ್ರಕಟವಾಗಬೇಕಿದೆ. ಮೇರಿಲ್ಬೋನ್ ಕ್ರಿಕೆಟ್ ಕ್ಲಬ್ನ ಕ್ರಿಕೆಟ್ ಸಮಿತಿಯ ಅಧ್ಯಕ್ಷೆ, ಇಂಗ್ಲೆಂಡ್ನ ಮಾಜಿ ಆಟಗಾರ್ತಿ ಕ್ಲೇರ್ ಟೇಲರ್ ಮಾತನಾಡಿ, "ದೇಶವನ್ನು ಪ್ರತಿನಿಧಿಸುವ ಉತ್ಸಾಹದಲ್ಲಿ ಕ್ರಿಕೆಟ್ ಆಡುವ ಯುವತಿಯರು ಈಗ ಕ್ರಿಕೆಟ್ನ ತವರು ಎಂದೇ ಕರೆಸಿಕೊಳ್ಳುವ ಲಂಡನ್ನಲ್ಲಿ ಟೆಸ್ಟ್ ಪಂದ್ಯವಾಡಲು ಎದುರುನೋಡುತ್ತಿದ್ದಾರೆ. ಕ್ರಿಕೆಟ್ ಎಲ್ಲರಿಗೂ ಒಂದು ಆಟ ಎಂಬುದಕ್ಕೆ ಇದೇ ಒಂದೊಳ್ಳೆ ನಿದರ್ಶನ" ಎಂದರು.
