ಕರೊನಾ ಕಾಲದಲ್ಲಿ ನಡೆಯುತ್ತಿರುವ ಮೊದಲ ಆಶಸ್ ಟೆಸ್ಟ್ ಸರಣಿಗೆ ಉಭಯ ತಂಡಗಳು ಸಜ್ಜಾಗಿವೆ. ಇಂಗ್ಲೆಂಡ್ ನಾಯಕ ಜೋ ರೂಟ್ 2021ರಲ್ಲಿ ಆಡಿರುವ 12 ಟೆಸ್ಟ್ ಪಂದ್ಯಗಳಿಂದ 1455 ರನ್ ಬಾರಿಸುವ ಮೂಲಕ ಭರ್ಜರಿ ಫಾರ್ಮ್ನಲ್ಲಿದ್ದಾರೆ. ಆದರೆ, ಇಂಗ್ಲೆಂಡ್ ತಂಡಕ್ಕೆ ಆಸ್ಟ್ರೇಲಿಯಾ ನೆಲದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಗೆಲುವೆಂಬುದೇ ಮರೀಚಿಕೆಯಾಗಿದೆ. 2010-11ರ ಬಳಿಕ ಆಸೀಸ್ ನೆಲದಲ್ಲಿ ಆಡಿದ 10 ಟೆಸ್ಟ್ ಪಂದ್ಯಗಳು ಪೈಕಿ 9 ರಲ್ಲಿ ಸೋಲು ಕಂಡಿದೆ. ರೂಟ್ ಸಾರಥ್ಯದಲ್ಲೇ ಕಡೇ ಬಾರಿಗೆ ಆಸೀಸ್ ಪ್ರವಾಸ ಕೈಗೊಂಡಾಗ ಇಂಗ್ಲೆಂಡ್ ತಂಡ 0-4 ರಿಂದ ಸರಣಿ ಸೋತಿತ್ತು. ಆದರೆ, ಗಾಬಾ ಮೈದಾನ ಕೂಡ ಇಂಗ್ಲೆಂಡ್ಗೆ ಅದೃಷ್ಟವಿಲ್ಲ, 1986ರಿಂದ ಈ ಮೈದಾನದಲ್ಲಿ ಇಂಗ್ಲೆಂಡ್ ತಂಡ ಗೆಲುವು ದಾಖಲಿಸಿಲ್ಲ, 1946ರಿಂದ ಕೇವಲ 2 ಟೆಸ್ಟ್ ಪಂದ್ಯಗಳಲ್ಲಷ್ಟೇ ಗೆಲುವು ದಾಖಲಿಸಿದೆ. ಮತ್ತೊಂದೆಡೆ, 1988 ರಿಂದಲೂ ಗಾಬಾದಲ್ಲಿ ಸೋಲರಿಯದ ಆಸೀಸ್ ತಂಡ ವರ್ಷದ ಆರಂಭದಲ್ಲಿ ಭಾರತಕ್ಕೆ ಶರಣಾಗಿತ್ತು.
