ಟೂರ್ನಿಯ ಮೊದಲ ಸುತ್ತಿನಲ್ಲಿ ಗೆಲುವು ದಾಖಲಿಸುವ ಮೂಲಕ ವಿಶ್ವ ರ್ಯಾಂಕಿಂಗ್ನಲ್ಲೂ ಮತ್ತೆ ನಂ.1 ಸ್ಥಾನವನ್ನು ಖಚಿತಪಡಿಸಿಕೊಂಡಿದ್ದ 36 ವರ್ಷದ, ಜೋಕೊವಿಕ್ ಭಾನುವಾರ ಮೊದಲ ಸೆಟ್ನಲ್ಲಿ ಸುಲಭವಾಗಿ ಮೇಲುಗೈ ದಾಖಲಿಸಿದರು. ಎರಡನೇ ಸೆಟ್ನಲ್ಲಿ ಮೆಡ್ವೆಡೇವ್ ಅಲ್ಪ ಪ್ರತಿರೋಧ ತೋರುವ ಮೂಲಕ ಟೈ ಬ್ರೇಕರ್ಗೂ ತೆಗೆದುಕೊಂಡು ಹೋದರು. ಆದರೆ, 1 ಗಂಟೆ 44 ನಿಮಿಷಗಳ ಸುದೀರ್ಘ ಹೋರಾಟದ ಸೆಟ್ನಲ್ಲಿ ಜೋಕೋ ಪ್ರಾಬಲ್ಯ ಸಾಧಿಸಿದರು. ಮೂರನೇ ಹಾಗೂ ನಿರ್ಣಾಯಕ ಸೆಟ್ನಲ್ಲಿ ಅನುಭವಿ ಆಟ ಪ್ರದರ್ಶಿಸಿದ ಜೋಕೋ, 3 ಗಂಟೆ 16 ನಿಮಿಷದಲ್ಲಿ ಗೆಲುವು ದಕ್ಕಿಸಿಕೊಂಡರು. ಈ ಮೂಲಕ ಮುಕ್ತ ಟೆನಿಸ್ ಯುಗದಲ್ಲಿ ಹೆಚ್ಚು ಬಾರಿ ಯುಎಸ್ ಟ್ರೋಫಿ ಜಯಿಸಿದ 6ನೇ ಆಟಗಾರ ಎನಿಸಿದರು. ಜಿಮ್ಮಿ ಕಾನರ್ಸ್, ಪಿಂಟ್ ಸಾಂಪ್ರಾಸ್, ರೋಜರ್ ೆಡರರ್ ತಲಾ ಐದು ಬಾರಿ ಜಯಿಸಿದ್ದರೆ, ಜಾನ್ ಮೆಕೆನ್ರೋ, ರಾೆಲ್ ನಡಾಲ್ 4 ಬಾರಿ ಟ್ರೋಫಿ ಒಲಿಸಿಕೊಂಡಿದ್ದಾರೆ. ಇದರೊಂದಿಗೆ ಮುಕ್ತ ಟೆನಿಸ್ ಯುಗದಲ್ಲಿ ಯುಎಸ್ ಓಪನ್ ಟ್ರೋಫಿ ಜಯಿಸಿದ ಅತಿ ಹಿರಿಯ ಆಟಗಾರ ಎಂಬ ಸಾಧನೆಯೂ ಜೋಕೊವಿಕ್ ಅವರದಾಯಿತು.
