ಲಾಕ್​ಡೌನ್ ಉಲ್ಲಂಘಿಸಿದ ಜೋಕೋ

ಮ್ಯಾಡ್ರಿಡ್: ವಿಶ್ವ ನಂ. 1 ಟೆನಿಸ್ ಆಟಗಾರ ನೊವಾಕ್ ಜೋಕೊವಿಕ್ ಸ್ಪೇನ್​ನಲ್ಲಿ ಲಾಕ್​ಡೌನ್ ನಿಯಮ ಉಲ್ಲಂಘಿಸಿ ವಿವಾದಕ್ಕೀಡಾಗಿದ್ದಾರೆ. ಸ್ಪೇನ್​ನಲ್ಲೇ ದಿಗ್ಬಂಧನದಲ್ಲಿದ್ದ ಸೆರ್ಬಿಯಾದ ಜೋಕೋ, ಟೆನಿಸ್ ಕ್ಲಬ್ ಒಂದರ ಕ್ಲೇಕೋರ್ಟ್​ನಲ್ಲಿ ಆಡುತ್ತಿರುವ ವಿಡಿಯೋವನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಜತೆಗೆ ‘ಕ್ಲೇಕೋರ್ಟ್​ನಲ್ಲಿ ಆಡಿ ಖುಷಿಯಾಯಿತು’ ಎಂದು ಬರೆದುಕೊಂಡಿದ್ದಾರೆ. ಸ್ಪೇನ್​ನಲ್ಲಿ ಸೋಮವಾರದಿಂದ ಲಾಕ್​ಡೌನ್ ನಿಯಮವನ್ನು ಸ್ವಲ್ಪ ಸಡಿಲಿಕೆ ಮಾಡಲಾಗಿದ್ದು, ಪ್ರಮುಖ ಕ್ರೀಡಾಪಟುಗಳ ತರಬೇತಿಗೂ ಅವಕಾಶ ಕಲ್ಪಿಸಲಾಗಿದೆ.

ಆದರೆ ಮೈದಾನಕ್ಕಿಳಿದು ಆಡುವಂತಿರಲಿಲ್ಲ. ಇದಕ್ಕೆ ಮುಂದಿನ ವಾರದವರೆಗೆ ಕಾಯುವಂತೆ ಸ್ಪೇನ್ ಸರ್ಕಾರ ಸೂಚಿಸಿದೆ. ಸ್ಪೇನ್​ನಲ್ಲಿ ಮಾ. 14ರಿಂದ ಲಾಕ್​ಡೌನ್ ಜಾರಿಯಲ್ಲಿದೆ. -ಪಿಟಿಐ