ಧಾರವಾಡ ಕುಸ್ತಿ ಹಬ್ಬ 2020: ಮಂಗಳವಾರ ರೋಚಕ ಸೆಣಸಾಟಕ್ಕೆ ಸಾಕ್ಷಿಯಾದ ಕರ್ನಾಟಕ ಕಾಲೇಜು ಮೈದಾನದ ಕುಸ್ತಿ ಅಖಾಡ

ಧಾರವಾಡ: ಕರ್ನಾಟಕ ಕುಸ್ತಿ ಹಬ್ಬದ ಕೊನೆಯ ದಿನವಾದ ಫೆ. 25ರಂದು ವಿವಿಧ ರಾಷ್ಟ್ರಗಳ ಕಡುಗಲಿಗಳು ಹಾಗೂ ಅಂತಾರಾಷ್ಟ್ರೀಯ ಮತ್ತು ರಾಷ್ಟ್ರೀಯ ಕುಸ್ತಿಪಟುಗಳ ನಡುವಿನ ಸೆಣಸಾಟಕ್ಕೆ ಧಾರವಾಡದ ಕೆಸಿಡಿ ಮೈದಾನ ಸಾಕ್ಷಿಯಾಗುತ್ತಿದೆ.

ಇರಾನ್‍ನ ಅಂತರಾಷ್ಟ್ರೀಯ ಕುಸ್ತಿ ಪಟು ಪೈಲ್ವಾನ್, ಮಹ್ಮದ ಮುರಾಡಿ ವಿರುದ್ಧ ಹರಿಯಾಣ ಭಾರತ ಕೇಸರಿ ಪೈಲ್ವಾನ್ ಉಮೇಶ್ ಚೌಧರಿ, ಇರಾನ್ ನ ಅಂತರರಾಷ್ಟ್ರೀಯ ಕುಸ್ತಿ ಪಟು ಪೈಲ್ವಾನ್ ಹಾದಿ ಭುಕ್ತಿಯಾರ್ ವಿರುದ್ಧ ಹರಿಯಾಣ ಭಾರತ ಕೇಸರಿ ಪೈಲ್ವಾನ್ ಮಂಜಿತ ಖತ್ರಿ, ಮಹಾರಾಷ್ಟ್ರದ ರಾಷ್ಟ್ರೀಯ ಚಾಂಪಿಯನ್ ಪೈಲ್ವಾನ್ ಶಿಖಂಧರ ಶೇಖ್ ವಿರುದ್ಧ ಪಂಜಾಬ್ ಭಾರತ ಕೇಸರಿ ಪೈಲ್ವಾನ್ ಧರ್ಮೇಂದ್ರ ಸಿಂಗ್, ಪಂಜಾಬಿನ ರಾಷ್ಟ್ರೀಯ ಚಾಂಪಿಯನ್ ಪೈಲ್ವಾನ್ ಕವಲಜೀತಸಿಂಗ್ ವಿರುದ್ಧ ಮಹಾರಾಷ್ಟ್ರದ ಪೈಲ್ವಾನ್ ಸಾಗರ ಬಿರಾಜದಾರ, ಹರಿಯಾಣದ ರಾಷ್ಟ್ರೀಯ ಚಾಂಪಿಯನ್ ಪೈಲ್ವಾನ್ ಮದನ್ ವಿರುದ್ಧ ಧಾರವಾಡ ಶಿಂಗನಳ್ಳಿಯ ಕಾಮನ್‍ವೆಲ್ತ್ ಬೆಳ್ಳಿ ಪದಕ ವಿಜೇತ ಪೈಲ್ವಾನ್ ಮಹ್ಮದ ರಫೀಕ ಹೋಳಿ,

 ಮಹಾರಾಷ್ಟ್ರದ ಉಪ ಮಹಾರಾಷ್ಟ್ರ ಕೇಸರಿ ಪೈಲ್ವಾನ್ ಶೈಲೇಶ್ ಶೆಳಕೆ ವಿರುದ್ಧ ಕರ್ನಾಟಕದ ರಾಣೆಬೆನ್ನೂರಿನ ಕೇಸರಿ ಪೈಲ್ವಾನ್ ಕಾರ್ತಿಕ ಕಾಟೆ, ಹರಿಯಾಣ ರಾಷ್ಟ್ರೀಯ ಚಾಂಪಿಯನ್ ಪೈಲ್ವಾನ್ ರಾಹುಲ್ ರಾಠಿ ವಿರುದ್ಧ ಉತ್ತರಪ್ರದೇಶದ ರಾಷ್ಟ್ರೀಯ ಚಾಂಪಿಯನ್ ಪೈಲ್ವಾನ್ ರೋಹಿತಕುಮಾರ ವಿದ್ಯಾಕಾಶಿ ಕೆಂಪು ಮಣ್ಣಿನಲ್ಲಿ ಸೆಣಸಾಡಲಿದ್ದಾರೆ.

ಅಖಾಡಕ್ಕೆ ಮಹಿಳಾ ಕುಸ್ತಿ ಪೈಲ್ವಾನರು ಇಂದು:  ಹರಿಯಾಣದ ಅಂತಾರಾಷ್ಟ್ರೀಯ ಮಹಿಳಾ ಕುಸ್ತಿಪಟು ಪೈಲ್ವಾನ್ ಅಂಶು ಮಲ್ಲಿಕ್ ವಿರುದ್ಧ ಅಜರ್ಬೈಜಾನ್ ದೇಶದ ಪೈಲ್ವಾನ್ ಜೈಲಾ ನಾಗೀಜಡೆ, ಹರಿಯಾಣ ಅಂತರಾಷ್ಟ್ರೀಯ ಮಹಿಳಾ ಕುಸ್ತಿಪಟು ಪೈಲ್ವಾನ್ ನೈನಾ ವಿರುದ್ಧ ಅಜೆರ್ಬೈಜಾನ್ ದೇಶದ  ಅಂತರಾಷ್ಟ್ರೀಯ ಮಹಿಳಾ ಕುಸ್ತಿಪಟು ಪೈಲ್ವಾನ್ ಸಭೀರಾ ಅಲಿಯೆವಾ ಅಲಹವರ್ಡಿ, ದೆಹಲಿಯ ಅಂತಾರಾಷ್ಟ್ರೀಯ ಪದಕ ವಿಜೇತೆ ಪೈಲ್ವಾನ್ ರೋನಕ್ ವಿರುದ್ಧ ಹರಿಯಾಣದ ಪೈಲ್ವಾನ್ ಸುಮನ್, ಕರ್ನಾಟಕದ ಕಕ್ಕೇರಿಯ ಪೈಲ್ವಾನ್ ಲಕ್ಷ್ಮಿ ರೇಡೆಕರ್  ವಿರುದ್ಧ  ಉತ್ತರಪ್ರದೇಶದ ಪೈಲ್ವಾನ್ ಸುಧಾ ಬಾಗೀಲ್ ಸೆಣಸಾಡಲಿದ್ದಾರೆ.

ಫೆ. 25ರ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಪಂಜಾಬಿನ ನಿವೃತ್ತ ಐಜಿಪಿ ಪದ್ಮಶ್ರೀ ಕರ್ತಾರ್ ಸಿಂಗ್, ಓಲಂಪಿಕ್ ಕಂಚಿನ ಪದಕ ವಿಜೇತರಾದ ಯೋಗೇಶ್ವರ ದತ್ ಹಾಗೂ ಸಾಕ್ಷಿ ಮಲಿಕ್ ಭಾಗವಹಿಸಲಿದ್ದಾರೆ.