ಹಾಲಿ ಚಾಂಪಿಯನ್​ ಹುಬ್ಬಳ್ಳಿ ಟೈಗರ್ಸ್ ಔಟ್​; ಮಹಾರಾಜ ಟ್ರೋಫಿಗಾಗಿ ಬೆಂಗಳೂರು-ಮೈಸೂರು ಫೈನಲ್​ ಫೈಟ್​

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

ಆರಂಭಿಕ ಎಸ್​ಯು ಕಾರ್ತಿಕ್​ (53 ರನ್​, 43 ಎಸೆತ, 4 ಬೌಂಡರಿ, 2 ಸಿಕ್ಸರ್​) ಅರ್ಧಶತಕ ಮತ್ತು ಕೆ. ಗೌತಮ್​ (29ಕ್ಕೆ 3) ಬಿಗಿ ಬೌಲಿಂಗ್​ ಬಲದಿಂದ ಮೈಸೂರು ವಾರಿಯರ್ಸ್​ ತಂಡ ಮಹಾರಾಜ ಟ್ರೋಫಿ ಟಿ20 ಟೂರ್ನಿಯ 2ನೇ ಸೆಮಿೈನಲ್​ನಲ್ಲಿ ಹಾಲಿ ಚಾಂಪಿಯನ್​ ಹುಬ್ಬಳ್ಳಿ ಟೈಗರ್ಸ್​ ವಿರುದ್ಧ 9 ರನ್​ಗಳಿಂದ ಗೆಲುವು ಸಾಧಿಸಿದೆ. ಈ ಮೂಲಕ ಕಳೆದ ಆವೃತ್ತಿಯ ಫೈನಲ್​ ಸೋಲಿಗೆ ಸೇಡು ತೀರಿಸಿಕೊಂಡ ಕರುಣ್​ ನಾಯರ್​ ಪಡೆ, ಭಾನುವಾರ ನಡೆಯಲಿರುವ ಫೈನಲ್​ನಲ್ಲಿ ಪ್ರಶಸ್ತಿಗಾಗಿ ಬೆಂಗಳೂರು ಬ್ಲಾಸ್ಟರ್ಸ್​ ವಿರುದ್ಧ ಹೋರಾಡಲಿದೆ.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಸೆಣಸಾಟದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಮೈಸೂರು ಆರಂಭಿಕ ಆಘಾತದ ನಡುವೆ 8 ವಿಕೆಟ್​ಗೆ 177 ರನ್​ಗಳ ಸವಾಲಿನ ಮೊತ್ತ ಪೇರಿಸಿತು. ಪ್ರತಿಯಾಗಿ ಹುಬ್ಬಳ್ಳಿ ತಂಡ 5 ವಿಕೆಟ್​ಗೆ 168 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಕಾರ್ತಿಕೇಯ ಕೆಪಿ (61*ರನ್​, 39 ಎಸೆತ, 4 ಬೌಂಡರಿ, 3 ಸಿಕ್ಸರ್​), ಮನ್ವಂತ್​ ಕುಮಾರ್​ (21*) ಹೋರಾಟದ ನಡುವೆ ಮನೀಷ್​ ಪಾಂಡೆ ಪಡೆ ಸತತ 2ನೇ ಬಾರಿ ಫೈನಲ್​ಗೇರಲು ವಿಫಲವಾಯಿತು.

ಮೈಸೂರಿಗೆ ಕಾರ್ತಿಕ್​ ಆಸರೆ

ಕಳೆದ ವರ್ಷದ ೈನಲ್​ ಪಂದ್ಯದ ಪುನರಾವರ್ತನೆ ಎನಿಸಿದ್ದ ಪಂದ್ಯದಲ್ಲಿ ಮೈಸೂರು ವಾರಿಯರ್ಸ್​ ಆರಂಭಿಕ ಆಘಾತ ಕಂಡಿತು. ಸಿಎ ಕಾರ್ತಿಕ್​ (6) ವಿದ್ವತ್​ ಕಾವೇರಪ್ಪ ಎಸೆತದಲ್ಲಿ ಮನ್ವಂತ್​ಗೆ ಕ್ಯಾಚ್​ ನೀಡಿದರೆ, ನಾಯಕ ಕರುಣ್​ ನಾಯರ್​ (2) ನಿರಾಸೆ ಮೂಡಿಸಿದರು. ಆಗ ಎಸ್​ಯು ಕಾರ್ತಿಕ್​ ಜತೆಯಾದ ಎಸ್​. ಶರತ್​ (26) ಚೇತರಿಕೆ ನೀಡಿದರು. ನಂತರ ಸುಮಿತ್​ ಕುಮಾರ್​ (18) ಉಪಯುಕ್ತ ರನ್​ ಕಲೆಹಾಕಿದರು. ಯುವ ಆಲ್ರೌಂಡರ್​ ಮನೋಜ್​ ಭಾಂಡಗೆ (26) ಸ್ಲಾಗ್​ ಓವರ್​ಗಳಲ್ಲಿ ಬಿರುಸಿನ ಆಟವಾಡಿ ತಂಡದ ಮೊತ್ತ ಹೆಚ್ಚಿಸಿದರು.

ಭಾನುವಾರ ಫೈನಲ್​

ಮಹಾರಾಜ ಟ್ರೋಫಿ ಫೈನಲ್​ ಪಂದ್ಯ ಭಾನುವಾರ ನಡೆಯಲಿದ್ದು, ಲೀಗ್​ ಹಂತದ ಅಗ್ರಸ್ಥಾನಿ ಮಯಾಂಕ್​ ಅಗರ್ವಾಲ್​ ಸಾರಥ್ಯದ ಬೆಂಗಳೂರು ಬ್ಲಾಸ್ಟರ್ಸ್​ ತಂಡವನ್ನು ಮೈಸೂರು ವಾರಿಯರ್ಸ್​ ಎದುರಿಸಲಿದೆ. ಎದುರಿಸಲಿದೆ. ಈ ಬಾರಿ ಹೊಸ ತಂಡ ಚಾಂಪಿಯನ್​ ಆಗಿ ಹೊರಹೊಮ್ಮಲಿದೆ. 2022ರ ಮೊದಲ ಆವೃತ್ತಿಯಲ್ಲಿ ಗುಲ್ಬರ್ಗಾ ಮಿಸ್ಟಿಕ್ಸ್​ ತಂಡ ಪ್ರಶಸ್ತಿ ಜಯಿಸಿತ್ತು. ಮೈಸೂರು ವಾರಿಯರ್ಸ್​ ತಂಡ ಈ ಮುನ್ನ 2014ರ ಕೆಪಿಎಲ್​ ಟೂರ್ನಿಯಲ್ಲಿ ಪ್ರಶಸ್ತಿ ಜಯಿಸಿತ್ತು.

ಮೈಸೂರು ವಾರಿಯರ್ಸ್​: 8 ವಿಕೆಟ್​ಗೆ 177 (ಎಸ್​ಯು ಕಾರ್ತಿಕ್​ 53, ಸಿಎ ಕಾರ್ತಿಕ್​ 6, ಕರುಣ್​ ನಾಯರ್​ 4, ಶ್ರೀನಿವಾಸ್​ ಶರತ್​ 26, ಸುಮಿತ್​ 18, ಮನೋಜ್​ ಭಾಂಡಗೆ 26, ಜೆ.ಸುಚಿತ್​ 0, ಹರ್ಷಿಲ್​ 14, ಕೆ.ಗೌತಮ್​ 10*, ವಿಧ್ಯಾದರ್​ 11*, ಎಲ್​ಆರ್​ ಕುಮಾರ್​ 37ಕ್ಕೆ 3, ವಿದ್ವತ್​ ಕಾವೇರಪ್ಪ 40ಕ್ಕೆ 2). ಹುಬ್ಬಳ್ಳಿ ಟೈಗರ್ಸ್​: 5 ವಿಕೆಟ್​ಗೆ 168 (ತಿಪ್ಪಾರೆಡ್ಡಿ 33, ತಾಹ 8, ಶ್ರೀಜಿತ್​ 20, ಅನೀಶ್ವರ್​ 6, ಮನೀಷ್​ 6, ಕಾರ್ತಿಕೇಯ 61*, ಮನ್ವಂತ್​ 21*, ಕೆ. ಗೌತಮ್​ 29ಕ್ಕೆ 3).

https://www.vijayavani.net/bengaluru-blasters-storm-into-the-finals-with-9-wicket-victory-against-gulbarga-mystics