ಟೆಸ್ಟ್‌ ವಿದಾಯಕ್ಕೂ ಮುನ್ನ ಏಕದಿನ ಕ್ರಿಕೆಟ್‌ಗೆ ದಿಢೀರ್‌ ನಿವೃತ್ತಿ ಘೋಷಿಸಿದ ಡೇವಿಡ್​​ ವಾರ್ನರ್​

ಸಿಡ್ನಿ:  ಆಸ್ಟ್ರೇಲಿಯನ್ ಓಪನರ್ ಡೇವಿಡ್ ವಾರ್ನರ್ ಈ ವಾರ ಪಾಕಿಸ್ತಾನ ವಿರುದ್ಧದ ವಿದಾಯ ಟೆಸ್ಟ್‌ಗೆ ಮುಂಚಿತವಾಗಿ ಏಕದಿನ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ಸೋಮವಾರ  ದಿಢೀರ್​ ನಿವೃತ್ತಿ ಘೋಷಿಸಿದ್ದಾರೆ.

37 ವರ್ಷ ವಯಸ್ಸಿನವರು ಬುಧವಾರ ತಮ್ಮ ತವರು ನಗರ ಸಿಡ್ನಿಯಲ್ಲಿ ತಮ್ಮ 112 ನೇ ಮತ್ತು ಅಂತಿಮ ಟೆಸ್ಟ್‌ನಲ್ಲಿ 26 ಶತಕಗಳು ಮತ್ತು 36 ಅರ್ಧ ಶತಕಗಳೊಂದಿಗೆ 44.58 ರ ಸರಾಸರಿಯಲ್ಲಿ 8,695 ರನ್​ ಬಾರಿಸಿದ್ದರು.

ಸಿಡ್ನಿ ಕ್ರಿಕೆಟ್ ಗ್ರೌಂಡ್‌ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಡೇವಿಡ್​​ ವಾರ್ನರ್​, ಅವರು ODIಗಳಿಂದ ನಿವೃತ್ತಿ ಘೋಷಿಸಿದರು,  ಏಕದಿನ ವಿಶ್ವಕಪ್​​ ಸಂದರ್ಭದಲ್ಲಿಯೇ ನಾನು ನಿವೃತ್ತಿ ಆಗುವ ಯೋಚನೆ ಮಾಡಿದ್ದೆ. ಭಾರತದ ನೆಲದಲ್ಲಿ ಏಕದಿನ ವಿಶ್ವಕಪ್​​ ಗೆದ್ದಿರುವುದು ದೊಡ್ಡ ಸಾಧನೆಯಾಗಿದೆ. ಕುಟುಂಬದೊಂದಿಗೆ ಸಮಯ ಕಳೆಯುವ ಉದ್ದೇಶದಿಂದ ಈ ನಿರ್ಧಾರವನ್ನು ತೆಗೆದುಕೊಂಡಿದ್ದೇನೆ  ಎಂದಿದ್ದಾರೆ.

"2025 ರಲ್ಲಿ ಪಾಕಿಸ್ತಾನದಲಿ ಚಾಂಪಿಯನ್ಸ್ ಟ್ರೋಫಿ ನಡೆಯಲಿದೆ. ಈ ವೇಳೆ ತನ್ನ ತಂಡಕ್ಕೆ ಆರಂಭಿಕ ಆಟಗಾರನ ಅಗತ್ಯಬಿದ್ದರೆ ನಿವೃತ್ತಿಯಿಂದ ವಾಪಾಸ್ ಆಗಿ ಆಡುತ್ತೇನೆ. ಇನ್ನೆರಡು ವರ್ಷ ನಾನು ಕ್ರಿಕೆಟ್ ಆಡಬಲ್ಲೆ ಎಂದು ಅವರು ಹೇಳಿದ್ದಾರೆ.

ಏಕದಿನ ವಿಶ್ವಕಪ್ ನಲ್ಲಿ ವಾರ್ನರ್ ಒಟ್ಟು 11 ಪಂದ್ಯದಲ್ಲಿ 48.63 ರ ಸರಾಸರಿಯಲ್ಲಿ 535 ರನ್ ಮತ್ತು 108.29 ರ ಸ್ಟೈಕ್ ರೇಟ್ ನಲ್ಲಿ ಎರಡು ಶತಕ ಮತ್ತ ಒಂದು ಅರ್ಧಶತಕಗಳಿಸಿದ್ದರು. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಪಾಕಿಸ್ತಾನ ವಿರುದ್ಧ 163 ರನ್ ಗಳಿಸಿದ್ದರು.ಇಲ್ಲಿಯವರೆಗೆ 161 ಏಕದಿನಗಳಲ್ಲಿ ವಾರ್ನರ್ 22 ಶತಕಗಳು ಮತ್ತು 33 ಅರ್ಧ ಶತಕಗಳೊಂದಿಗೆ 45.30 ರ ಸರಾಸರಿಯಲ್ಲಿ 6932 ರನ್ ಗಳನ್ನು ಗಳಿಸಿದ್ದಾರೆ. ಜನವರಿ 2009 ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಹೋಬಾರ್ಟ್‌ನಲ್ಲಿ ಏಕದಿನ ಪಂದ್ಯಕ್ಕೆ ಪದಾರ್ಪಣೆ ಮಾಡಿದ್ದರು.

ಡೇವಿಡ್ ಅವರ ಅದ್ಭುತ ಆಕ್ರಮಣಕಾರಿ ಶೈಲಿಯು ಅನೇಕ ಆಸ್ಟ್ರೇಲಿಯನ್ ವಿಜಯಗಳಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದೆ, ಇದು ಪ್ರಪಂಚದಾದ್ಯಂತದ ಅಭಿಮಾನಿಗಳನ್ನು ಆಕರ್ಷಿಸಿತು ಮತ್ತು ರಂಜಿಸಿದೆ.