ಅದ್ಭುತ, ಫ್ಲಾಪ್​ ಎರಡರ ಮಿಶ್ರಣ ತೋರಿಸಿದ CSK! ಗೆಲುವಿನ ದಾರಿ ಹುಡುಕಾಟದಲ್ಲಿ ಧೋನಿ ಪಡೆ

CSK: ಇಂದು (ಮಾ.30) ತನ್ನ ಮೂರನೇ ಪಂದ್ಯವನ್ನು ರಾಜಸ್ಥಾನ ರಾಯಲ್ಸ್ ವಿರುದ್ಧ ಆಡುತ್ತಿರುವ ಚೆನ್ನೈ ಸೂಪರ್ ಕಿಂಗ್ಸ್​, ಗೆಲುವಿನ ಹಪಾಹಪಿಯಲ್ಲಿದೆ. ಆರ್​ಆರ್​ ವಿರುದ್ಧದ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಸಿಎಸ್​ಕೆ, ರಾಜಸ್ಥಾನ ಪಡೆಗೆ ಬ್ಯಾಟ್ ಮಾಡುವಂತೆ ತಿಳಿಸಿತು. ಅಂತೆಯೇ ಬ್ಯಾಟ್ ಮಾಡಿದ ಸಂಜು ಸ್ಯಾಮ್ಸನ್​ ಪಡೆ, 20 ಓವರ್​ ಅಂತ್ಯಕ್ಕೆ 182 ರನ್​ಗಳನ್ನು ಕಲೆಹಾಕಲಷ್ಟೇ ಶಕ್ತವಾಯಿತು.

ಇದನ್ನೂ ಓದಿ: ಒಂದೇ ಒಂದು ಸೂಪರ್​ಹಿಟ್! ‘ಬೇಬಿ’ ಬೆಡಗಿ ಅದೃಷ್ಟವೇ ಬದಲು; ದುಬಾರಿ ಆಯ್ತು ನಟಿ ವೈಷ್ಣವಿ ಚೈತನ್ಯ ಸಂಭಾವನೆ | Actress

ಮೊದಲು ಬ್ಯಾಟ್​ ಮಾಡಿದ ರಾಜಸ್ಥಾನ ರಾಯಲ್ಸ್​, ಮೊದಲ 10 ಓವರ್​ಗಳಲ್ಲಿ ಸಿಎಸ್​ಕೆ ಬೌಲರ್​ಗಳ ಬೆವರಿಳಿಸಿದರು. ಆರಂಭಿಕ ಹಂತದಲ್ಲೇ ಯಶಸ್ವಿ ಜೈಸ್ವಾಲ್,​ ಬೌಲರ್​ ಖಲೀಲ್​ಗೆ ತಮ್ಮ ವಿಕೆಟ್​ ಒಪ್ಪಿಸಿ, ತಂಡವನ್ನು ಸಂಕಷ್ಟಕ್ಕೆ ಸಿಲುಕಿಸಿದರು. ಈ ವೇಳೆ ಕ್ರೀಸ್​ಗೆ ಅಂಟಿ ನಿಂತ ನಿತೀಶ್​ ರಾಣಾ, ತಮ್ಮ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ತಂಡದ ಮೊತ್ತವನ್ನು ಹೆಚ್ಚಿಸುವಲ್ಲಿ ದೊಡ್ಡ ಮಟ್ಟದ ಕೊಡುಗೆಯನ್ನು ನೀಡಿದರು.

ಮತೀಶಾ ಪತಿರಾನಾ, ಖಲೀಲ್ ಅಹಮ್ಮದ್​ ಮತ್ತು ನೂರ್​ ಅಹ್ಮದ್​ ತಲಾ ಎರಡು ವಿಕೆಟ್​ ಕಬಳಿಸಿ ತಂಡದ ಪರ ಮಿಂಚಿದರು. ಇನ್ನು ಆರ್​. ಅಶ್ವಿನ್​ ಮತ್ತು ಜಡೇಜಾ ತಲಾ ಒಂದು ವಿಕೆಟ್​ ಪಡೆದರು. ಪತಿರಾನಾ ಹಿಡಿದ ವೇಗದ ಕ್ಯಾಚ್​ ನೋಡುಗರ ಹುಬ್ಬೇರಿಸಿದ್ದು, ಎರಡು ಅಮೋಘ ಕ್ಯಾಚ್​ ಸಿಎಸ್​ಕೆ ಪಾಲಾಯಿತು. ಇದು ಮೈದಾನದಲ್ಲಿ ಸೇರಿರುವ ಅಭಿಮಾನಿಗಳನ್ನು ರಂಜಿಸಿತು.

36 ಎಸೆತದಲ್ಲಿ 81 ರನ್​ ಬಾರಿಸಿದ ರಾಣಾ, 10 ಬೌಂಡರಿ ಮತ್ತು 5 ಸಿಕ್ಸರ್​ಗಳನ್ನು ಸಿಡಿಸಿದರು. 9 ವಿಕೆಟ್​ಗಳನ್ನು ಕಳೆದುಕೊಂಡ ಆರ್​ಆರ್​ 183 ರನ್​ಗಳ ಗುರಿಯನ್ನು ಚೆನ್ನೈಗೆ ನೀಡಿದೆ. ಈ ಗುರಿಯನ್ನು ಬೆನ್ನಟ್ಟಲಿರುವ ರುತುರಾಜ್​ ಪಡೆ, ಇಂದಿನ ಪಂದ್ಯದಲ್ಲಿ ಆದರೂ ಗೆಲುವು ಸಾಧಿಸಲಿದೆಯೇ ಅಥವಾ ಮತ್ತೊಮ್ಮೆ ಅಭಿಮಾನಿಗಳ ಬೇಸರಕ್ಕೆ ಗುರಿಯಾಗಲಿದೆಯಾ? ಎಂಬುದನ್ನು ಕಾದು ನೋಡಬೇಕಿದೆ.

https://www.vijayavani.net/baby-actress-remuneration-goes-high