ಇದು ಹೀಗೆ ಮುಂದುವರಿದರೆ... ಚೆನ್ನೈ ಪಡೆಗೆ ಎಚ್ಚರಿಕೆ, ಸಲಹೆ ಕೊಟ್ಟ ಹಿರಿಯ ಕ್ರಿಕೆಟಿಗ ಶ್ರೀಕಾಂತ್ | CSK

CSK vs KKR: ನಿನ್ನೆ (ಏ.11) ಚೆಪಾಕ್​ನಲ್ಲಿ ನಡೆದ ಕೆಕೆಆರ್​ ವಿರುದ್ಧದ ಪಂದ್ಯದಲ್ಲಿ ಮತ್ತೊಮ್ಮೆ ಹೀನಾಯ ಸೋಲುಂಡ ಚೆನ್ನೈ ಸೂಪರ್​ ಕಿಂಗ್ಸ್​, ಭಾರೀ ಅಂತರದಲ್ಲಿ ತವರಿನಲ್ಲೇ ಮುಖಭಂಗ ಅನುಭವಿಸಿತು. ಪಂದ್ಯ ಪೂರ ಅತ್ಯಂತ ಕಳಪೆ ಪ್ರದರ್ಶನ ತೋರಿದ ಸಿಎಸ್​ಕೆ ಬ್ಯಾಟರ್ಸ್​ ಮತ್ತು ಬೌಲರ್​ಗಳು, ಸತತ ಐದನೇ ಸೋಲಿಗೆ ನೇರವಾಗಿ ಕಾರಣರಾದರು. ಇದು ಸಿಎಸ್​ಕೆ ಅಭಿಮಾನಿಗಳು ಮತ್ತು ಮಾಜಿ ಕ್ರಿಕೆಟಿಗರ ಕೆಂಗಣ್ಣಿಗೆ ಗುರಿಯಾಗಿದೆ.

ಇದನ್ನೂ ಓದಿ: ನೀವು ತಿಂದ ಆಹಾರ ಸರಿಯಾಗಿ ಜೀರ್ಣವಾಗ್ತಿಲ್ವಾ? ಹಾಗಿದ್ರೆ, ತಪ್ಪದೇ ಈ 5 ಹಣ್ಣುಗಳನ್ನು ಸೇವಿಸಿ | Digestion

ಚಾಂಪಿಯನ್ಸ್​ಗೆ ಸೋಲಿನ ಕಹಿ

18ನೇ ಆವೃತ್ತಿ ಆರಂಭದಲ್ಲಿ ಮೊದಲ ಪಂದ್ಯವನ್ನು ಮುಂಬೈ ಇಂಡಿಯನ್ಸ್ ವಿರುದ್ಧ ಗೆದ್ದಿದ್ದು ಬಿಟ್ಟರೆ, ಉಳಿದೆಲ್ಲ ಪಂದ್ಯಗಳನ್ನು ಸಿಎಸ್​ಕೆ ಹೀನಾಯವಾಗಿ ಸೋತಿದೆ. ಉತ್ತಮ ಬ್ಯಾಟಿಂಗ್ ಮತ್ತು ಬೌಲಿಂಗ್​ ಲೈನ್​ ಹೊಂದದ ಐದು ಬಾರಿ ಚಾಂಪಿಯನ್ಸ್ ತಂಡ, ಎದುರಾಳಿಗಳ ವಿರುದ್ಧ ಪೈಪೋಟಿ ಕೊಡಲು ಪರದಾಡುವಂತ ಸ್ಥಿತಿ ತಲುಪಿದೆ. ಇದರಿಂದ ಗೆಲುವಿನ ಮಾತು ಬಹಳ ದೂರ ಉಳಿದಿದೆ.

ಐದು ಪಂದ್ಯಗಳ ಬಳಿಕ ನಿನ್ನೆಯ ಪಂದ್ಯದಲ್ಲಿ ಚೆನ್ನೈ ಪಡೆಗೆ ನಾಯಕನಾಗಿ ಅಖಾಡಕ್ಕಿಳಿದ ಮಹೇಂದ್ರ ಸಿಂಗ್ ಧೋನಿ, ಖಂಡಿತ ತಮ್ಮ ಕ್ಯಾಪ್ಟನ್ಸಿಯಲ್ಲಿ ಗೆಲುವು ನೋಡಲಿದ್ದಾರೆ ಎಂಬ ಭರವಸೆ ಅಭಿಮಾನಿಗಳಲ್ಲಿ ಮೂಡಿತ್ತು. ಆದರೆ, ಅದೂ ಹುಸಿಯಾಯಿತು. ಇನ್ನು ತಂಡದ ಅತ್ಯಂತ ಕಳಪೆ ಪ್ರದರ್ಶನದಿಂದ ಬೇಸರಗೊಂಡ ಟೀಮ್ ಇಂಡಿಯಾ ಮಾಜಿ ಹಿರಿಯ ಆಟಗಾರ, 1983ರ ವಿಶ್ವಕಪ್ ವಿಜೇತ ತಂಡದ ಸದಸ್ಯರಲ್ಲಿ ಒಬ್ಬರಾದ ಕ್ರಿಸ್ ಶ್ರೀಕಾಂತ್, "ಈ ಸೀಸನ್​ನಲ್ಲಿ ನೀವು ಉಳಿಯಬೇಕಾದರೆ ಮೊದಲು ಪೃಥ್ವಿ ಶಾರನ್ನು ತಂಡಕ್ಕೆ ಕರೆದುಕೊಳ್ಳಿ" ಎಂಬ ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ: ನಿದ್ರೆಯಲ್ಲಿದ್ದ ಮಕ್ಕಳನ್ನು ಬಾವಿಗೆ ನೂಕಿ ಸಾವಿಗೆ ಶರಣಾದ ತಾಯಿ! ಮುಗಿಲು ಮುಟ್ಟಿದ ಕುಟುಂಬಸ್ಥರ ಆಕ್ರಂದನ | Well

ಶ್ರೀಕಾಂತ್ ಕಿವಿಮಾತು

"ಈ ಆವೃತ್ತಿಯಲ್ಲಿ ಸಿಎಸ್​ಕೆ ಉಳಿಯಬೇಕು ಎಂಬ ಆಸೆಯಿದ್ದರೆ, ಮೊದಲು ಹರಾಜಿನಲ್ಲಿ ಕೈಬಿಡಲಾದ ಪೃಥ್ವಿ ಶಾ ಅವರನ್ನು ಫ್ರಾಂಚೈಸಿಗೆ ಸೇರಿಸಿಕೊಳ್ಳುವುದು ಒಳಿತು" ಎಂದು ಶ್ರೀಕಾಂತ್ ತಿಳಿಸಿದ್ದಾರೆ. "ಇಲ್ಲಿಯವರೆಗಿನ ಸೋಲುಗಳಲ್ಲಿ ಇದು ಒಂದು. ಪವರ್‌ಪ್ಲೇ ಅವಧಿಯಲ್ಲಿ ಟೆಸ್ಟ್ ಪಂದ್ಯಕ್ಕೆ ತರಬೇತಿ ನಡೆಸುವಂತೆ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ನಿಮ್ಮ ಚೌಕಟ್ಟಿನಿಂದ ಹೊರಗೆ ಬಂದು ಯೋಚಿಸುವ ಸಮಯವಿದು" ಎಂದು ಎಕ್ಸ್​ನಲ್ಲಿ ಬರೆದು ಹಂಚಿಕೊಂಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/it-was-dhoni-mistake-against-kkr