ತಮಿಳುನಾಡು: ಐಪಿಎಲ್ ಇತಿಹಾಸದಲ್ಲಿ ಅತ್ಯಂತ ಬಲಿಷ್ಠ ತಂಡ ಹಾಗೂ ಐದು ಬಾರಿ ಚಾಂಪಿಯನ್ಸ್ ಪಟ್ಟ ಅಲಂಕರಿಸಿರುವ ಚೆನ್ನೈ ಸೂಪರ್ ಕಿಂಗ್ಸ್ (CSK) ಬಗ್ಗೆ ಹೆಚ್ಚೇನು ಹೇಳಬೇಕಿಲ್ಲ. ಈ ಫ್ರಾಂಚೈಸಿ ಸೇರುವ ಆಸೆ ಅನೇಕ ಆಟಗಾರರದ್ದು. ಅದಕ್ಕೆ ಮುಖ್ಯ ಕಾರಣ, ಮಹೇಂದ್ರ ಸಿಂಗ್ ಧೋನಿ. ಸಿಎಸ್ಕೆಗೆ ದೊಡ್ಡ ಶಕ್ತಿಯಾಗಿ ನಿಂತಿರುವ 'ಕ್ಯಾಪ್ಟನ್ ಕೂಲ್', ಸತತ ಐದು ಗೆಲುವನ್ನು ತಂದುಕೊಟ್ಟಿರುವ ಹೀರೋ. ಅವರ ತಂಡದಲ್ಲಿ ಆಡುವ ಬಯಕೆ ಹಲವರಿಗಿದ್ದರೆ, ಇನ್ನೊಂದಿಷ್ಟು ಆಟಗಾರರು ಹರಾಜಿನಲ್ಲಿ ಟೀಮ್ ಸೇರುತ್ತಾರೆ. ಪ್ರಸ್ತುತ, ರಾಜಸ್ಥಾನ ರಾಯಲ್ಸ್ ತಂಡದ ಕ್ಯಾಪ್ಟನ್ ಆಗಿರುವ ಸಂಜು ಸ್ಯಾಮ್ಸನ್ ಹೆಸರು ಮುಂಚೂಣಿಯಲ್ಲಿದ್ದು, ಟ್ರೇಡ್ನಲ್ಲಿ ಅವರನ್ನು ಈಗಾಗಲೇ ಸಿಎಸ್ಕೆ ಕರೆದುಕೊಂಡಿದೆ ಎಂಬ ಸುದ್ದಿ ಸದ್ಯ ಕ್ರಿಕೆಟ್ ವಲಯಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ.
