ಆರ್ಸಿಬಿ ಬ್ಯಾಟಿಂಗ್ ವಿಭಾಗಕ್ಕೆ ಈಗಾಗಲೆ ಗ್ರೇಸ್ ಹ್ಯಾರಿಸ್, ರಿಚಾ ಘೋಷ್, ನಾಡಿನ್ ಡಿ ಕ್ಲರ್ಕ್, ರಾಧಾ ಯಾದವ್ ಬಲ ತುಂಬಿದ್ದರೆ, ಕಳೆದ ಪಂದ್ಯದಲ್ಲಿ ಮಿಂಚಿದ ಸ್ಮೃತಿ ಮಂದನಾ ಮತ್ತು ಜಾರ್ಜಿಯಾ ವೊಲ್ ಮತ್ತಷ್ಟು ವಿಶ್ವಾಸ ಮೂಡಿಸಿದ್ದಾರೆ. ಬೌಲಿಂಗ್ನಲ್ಲಿ ಲಾರೆನ್ ಬೆಲ್, ನಾಡಿನ್, ಶ್ರೇಯಾಂಕಾ ಪಾಟೀಲ್ ಜತೆಗೆ ಸಯಾಲಿ ಸತ್ಗರೆ ಕೂಡ ಕಳೆದ ಪಂದ್ಯದಲ್ಲಿ ಶಕ್ತಿ ಹೆಚ್ಚಿಸಿದ್ದಾರೆ. ಟೂರ್ನಿಯಲ್ಲಿ ಗುಜರಾತ್ ವಿರುದ್ಧದ ಮೊದಲ ಮುಖಾಮುಖಿಯಲ್ಲಿ 32 ರನ್ಗಳಿಂದ ಗೆದ್ದ ಆತ್ಮವಿಶ್ವಾಸವೂ ಆರ್ಸಿಬಿ ತಂಡಕ್ಕಿದೆ. ಆರ್ಸಿಬಿಯ ಹಳೆ ಆಟಗಾರ್ತಿಯರಾದ ಸೋಫಿ ಡಿವೈನ್, ರೇಣುಕಾ ಸಿಂಗ್, ಜಾರ್ಜಿಯಾ ವರೆಹ್ಯಾಂ ಈ ಬಾರಿ ಸವಾಲೊಡ್ಡುವ ನಿರೀಕ್ಷೆ ಇದೆ.
