Wimbledon: ಜೋಕೋ-ಸಿನ್ನರ್ ಮುಖಾಮುಖಿಗೆ ವೇದಿಕೆ ಸಜ್ಜು; ಉಪಾಂತ್ಯಕ್ಕ ಕೊಸ್ಟಯುಕ್, ನೋಸ್ಕೋವಾ

(Wimbledon) ಗ್ರಾಂಡ್ ಸ್ಲಾಂ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್‌ನಲ್ಲಿ 15ನೇ ಬಾರಿ ಸೆಮಿಫೈನಲ್ ಪ್ರವೇಶಿಸಿದರು. ಮಂಗಳವಾರ ತಡರಾತ್ರಿ ನಡೆದ 5 ಗಂಟೆ 15 ನಿಮಿಷಗಳ ಸುದೀರ್ಘ ಹೋರಾಟದಲ್ಲಿ ಮೂರನೇ ಶ್ರೇಯಾಂಕಿತ ಫೆಲಿಕ್ಸ್ ಆಗರ್ ಅಲಿಯಾಸ್ಸಿಮ್‌ರನ್ನು ಮಣಿಸಿದ 39 ವರ್ಷದ ಜೋಕೊವಿಕ್ ಈ ಸಾಧನೆ ಮಾಡಿದರು. ಮಹಿಳಾ ಸಿಂಗಲ್ಸ್‌ನಲ್ಲಿ ಜೆಕ್ ಗಣರಾಜ್ಯದ ಕರೋಲಿನಾ ಮುಚೋವಾ, ಯೂಕ್ರೇನ್‌ನ ಮಾರ್ಟಾ ಕೊಸ್ಟಯುಕ್, ಜೆಕ್ ಗಣರಾಜ್ಯದ ಲಿಂಡಾ ನೋಸ್ಕೋವಾ ನಾಲ್ಕರ ಘಟ್ಟಕ್ಕೇರಿದರು.

ಆಲ್ ಇಂಗ್ಲೆಂಡ್ ಕ್ಲಬ್‌ನ ಸೆಂಟರ್ ಕೋರ್ಟ್‌ನಲ್ಲಿ ನಡೆದ ಕ್ವಾರ್ಟರ್‌ ಫೈನಲ್‌ನಲ್ಲಿ 24 ಗ್ರಾಂಡ್ ಸ್ಲಾಂ ವಿಜೇತ, 7ನೇ ಶ್ರೇಯಾಂಕಿತ ಜೋಕೋ 7-6, 3-6, 6-3, 6-7, 7-6ರಿಂದ ಐದು ಸೆಟ್‌ಗಳ ಕಠಿಣ ಹೋರಾಟದಲ್ಲಿ ಕೆನಡಾದ 25 ವರ್ಷದ ಫೆಲಿಕ್ಸ್ ಆಗರ್ ಅಲಿಯಾಸ್ಸಿಮ್ ಎದುರು ಗೆಲುವು ಒಲಿಸಿಕೊಂಡರು. ಇದು ವಿಂಬಲ್ಡನ್ ಇತಿಹಾಸದಲ್ಲಿ ಸುದೀರ್ಘ ಕ್ವಾರ್ಟರ್‌ ಫೈನಲ್‌ ಪಂದ್ಯವಾಗಿದೆ.

12ನೇ ಶ್ರೇಯಾಂಕಿತೆ ಕೊಸ್ಟಯುಕ್ ಮಹಿಳಾ ಸಿಂಗಲ್ಸ್‌ನಲ್ಲಿ ಬುಧವಾರ ನಡೆದ ಕ್ವಾರ್ಟರ್‌ ಫೈನಲ್‌ ನಲ್ಲಿ 6-3, 6-2 ನೇರಸೆಟ್‌ಗಳಿಂದ ಇಟಲಿಯ ಜಾಸ್ಮಿನ್ ಪಾವೊಲಿನಿ ವಿರುದ್ಧ ಗೆಲುವು ಸಾಧಿಸಿದರು. ಇದರೊಂದಿಗೆ ಫ್ರೆಂಚ್ ಓಪನ್ ನಂತರ ವಿಂಬಲ್ಡನ್‌ನಲ್ಲಿಯೂ 4ರ ಘಟ್ಟಕ್ಕೇರಿ, ಈ ಸಾಧನೆ ಮಾಡಿದ ಯೂಕ್ರೇನ್‌ನ 2ನೇ ಆಟಗಾರ್ತಿ ಎನಿಸಿದರು.