ಕ್ರಿಕೆಟ್​, ಬ್ಯಾಂಕ್​ ಕೆಲಸದ ಸಂಬಳವೂ ಸಾಲ್ಲದೇ ಟೀ ಅಂಗಡಿಗೂ ಕಾಲಿಟ್ಟ ಇಶಾನ್​ ಕಿಶನ್!​ ವಿಡಿಯೋ ಟ್ರೋಲ್​ ಮಾಡಿದ ಸಿಎಸ್​ಕೆ ಫ್ಯಾನ್ಸ್​​ ​

Ishan Kishan: ಟೀಮ್ ಇಂಡಿಯಾದ ಸ್ಟಾರ್ ಓಪನಿಂಗ್​​ ಬ್ಯಾಟ್ಸ್​ಮನ್ ಇಶಾನ್​ ಕಿಶಾನ್​ ಸದಾ ಒಂದಲ್ಲ, ಒಂದು ವಿಚಾರದಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿರುತ್ತಾರೆ. ಅದರಲ್ಲೂ, ಇತ್ತೀಚೆಗಂತು ಫ್ಯಾನ್ಸ್​ಗಳ ಭಾರಿ ಚರ್ಚೆಗೆ ಗ್ರಾಸವಾಗಿದ್ದಾರೆ. ಇದಕ್ಕೆ ಮತ್ತೊಂದು ವೈರಲ್ ವಿಡಿಯೋವೇ ಸಾಕಾಗಿದೆ.

ಭಾರತದಲ್ಲಿ ಕ್ರಿಕೆಟ್ ಮೇಲಿರುವ ಕ್ರೇಜ್ ಅಷ್ಟಿಷ್ಟಲ್ಲ. ಐಪಿಎಲ್, ಟಿ20 ಲೀಗ್​​ಗಳಂತಹ ಮೆಗಾ ಟೂರ್ನಮೆಂಟ್ ನಡೆಯುತ್ತಿರುವಾಗಲೂ, ಕ್ರಿಕೆಟಿಗರ ಪ್ರದರ್ಶನ, ಅಬ್ಬರದ ಬ್ಯಾಟಿಂಗ್​, ಅವರಿಗೆ ಸಂಬಂಧಿಸಿದ ವೈಯಕ್ತಿಕ ವಿಷಯಗಳು ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಬರುವ ಮೀಮ್ಸ್, ಟ್ರೋಲ್​ ನೆಟ್ಟಿಗರನ್ನು ಭಾರಿ ಚರ್ಚೆಗೆ ದೂಡುತ್ತದೆ. ಮೊನ್ನೆ ಮೊನ್ನೆಯಷ್ಟೇ ಆರ್​ಬಿಐ ಬ್ಯಾಂಕಿನಲ್ಲಿ ಇಶಾನ್​ ಕಿಶನ್​ ಉದ್ಯೋಗ ಮಾಡುತ್ತಿರುವ ಸುದ್ದಿಗಳು ಹೊರಬಿದ್ದಿದ್ದು, ಅಂತಾರಾಷ್ಟ್ರೀಯ ಕ್ರಿಕೆಟ್​ ತಂಡದಲ್ಲಿ ಆಡುವುದರ ಜತೆಗೆ ಬ್ಯಾಂಕ್​ ನೌಕರಿಯನ್ನು ನಿಭಾಯಿಸುತ್ತಿರುವುದು ಹಲವರಿಗೆ ಖುಷಿ ತಂದಿತು. ಆದರೆ, ಅದರ ಬೆನ್ನಲ್ಲೇ ಟೀ ಅಂಗಡಿಯಲ್ಲಿ ಇಶಾನ್​ರನ್ನು ನೋಡಿ ಫ್ಯಾನ್ಸ್​ ಕಕ್ಕಾಬಿಕ್ಕಿಯಾಗಿದ್ದಾರೆ. ಕ್ರಿಕೆಟ್​, ಬ್ಯಾಂಕಿನ ಉದ್ಯೋಗದಿಂದ ಬರುವ ಹಣವೂ ಸಾಲದ ಪರಿಸ್ಥಿತಿ ಕಿಶನ್​ಗೆ ಏಕೆ? ಎಂದು ಪ್ರಶ್ನಿಸಿದ್ದಾರೆ.

ಅಸಲಿಗೆ, ಸೋಷಿಯಲ್ ಮೀಡಿಯಾದ ಜಗತ್ತು ಇಂದು ಹೇಗಾಗಿದೆ ಎಂದರೆ, ಯಾರು? ಯಾವಾಗ, ಯಾಕಾಗಿ ರಾತ್ರೋರಾತ್ರಿ ಸ್ಟಾರ್​ ಆಗಿ ಮಿಂಚುತ್ತಾರೆ? ಎಂಬುದಕ್ಕೆ ಸ್ಪಷ್ಟ ಉತ್ತರವೇ ಸಿಗೋದಿಲ್ಲ. ನೋಡಲು ಥೇಟ್​ ಒಬ್ಬ ಗಣ್ಯ ಅಥವಾ ಸ್ಟಾರ್​ ವ್ಯಕ್ತಿಯಂತೆ ಕಾಣಿಸಿದರೆ ಸಾಕು, ಅವರನ್ನು ಒಬ್ಬ ಸೆಲೆಬ್ರಿಟಿ ರೇಂಜಿಗೆ ತಂದು ನಿಲ್ಲಿಸುತ್ತಾರೆ ನಮ್ಮ ನೆಟ್ಟಿಗರು. ಅಂತೆಯೇ, ಇಲ್ಲೊಬ್ಬ ಚಾಯ್ ವಾಲಾನ ವಿಡಿಯೋ ಇಂಟರ್ನೆಟ್‌ನಲ್ಲಿ ವೈರಲ್​ ಆಗಿದ್ದು, ಈತ ನೋಡಲು ಥೇಟ್​ ಸ್ಟಾರ್ ಕ್ರಿಕೆಟಿಗ ಇಶಾನ್​ರನ್ನೇ ಹೋಲುತ್ತಾನೆ. ಇದನ್ನು ಕಂಡು ಒಂದು ನಿಮಿಷ ಕ್ರಿಕೆಟ್​ ಪ್ರೇಮಿಗಳೇ ಅಚ್ಚರಿಗೊಳಗಾಗಿದ್ದಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ, ಯುವಕನೊಬ್ಬ ಸ್ಥಳೀಯ ಟೀ ಸ್ಟಾಲ್‌ನಲ್ಲಿ ಚಹಾ ತಯಾರಿಸುವಲ್ಲಿ ನಿರತನಾಗಿದ್ದಾನೆ. ಅವನ ಮುಖಭಾವ, ಹೇರ್​ಸ್ಟೈಲ್​ ಮತ್ತು ನಗು ಎಲ್ಲವೂ ಇಶಾನ್​ರನ್ನೇ ನೆನಪಿಸುತ್ತದೆ. ಈ ದೃಶ್ಯ ಜಾಲತಾಣಗಳಲ್ಲಿ ಹರಿದಾಡಿದ ಕೆಲವೇ ಕ್ಷಣಗಳಲ್ಲಿ ಕ್ರಿಕೆಟ್ ಅಭಿಮಾನಿಗಳು ಆಶ್ಚರ್ಯಚಕಿತರಾದರು. ಇನ್ನು, ಅತ್ತ ಕೆಲ ಸಿಎಸ್​ಕೆ ಅಭಿಮಾನಿಗಳು ಅಂದು ಐಪಿಎಲ್​ನಲ್ಲಿ ಚೆನ್ನೈ ವಿರುದ್ಧ ಗೆದ್ದಿದ್ದಕ್ಕೆ, ವಿಜಿಲ್​ ಬಿಟ್ಟು ಮನೆಗೆ ಹೋಗಿ ಎಂದಿದ್ದಕ್ಕೆ, ಇಲ್ಲಿ ಟ್ರೋಲ್​ ಮಾಡಿ ಸೇಡು ತೀರಿಸಿಕೊಂಡಿದ್ದಾರೆ. ಇದ್ಯಾಕೆ ಇಶಾನ್​ ನೀವಿಲ್ಲಿ? ಮೊನ್ನೆಯಷ್ಟೇ ಆರ್​ಬಿಐ ಬ್ಯಾಂಕಿನಲ್ಲಿ ಉದ್ಯೋಗ ಮಾಡುತ್ತಿದ್ದವರು ಈಗ ದಿಢೀರ್ ಟೀ ಅಂಗಡಿಗೆ ಏಕೆ? ಎಂದೆಲ್ಲ ಹಾಸ್ಯಸ್ಪದವಾಗಿ ಕಮೆಂಟ್​ ಮಾಡಿದ್ದಾರೆ.

ಒಂದೆಡೆ, ಅಸಲಿ ಇಶಾನ್ ಕಿಶನ್ ಐಪಿಎಲ್​, ಅಂತಾರಾಷ್ಟ್ರೀಯ ತಂಡದಲ್ಲಿ ತಮ್ಮ ಬ್ಯಾಟ್‌ನಿಂದ ಬೌಂಡರಿ, ಸಿಕ್ಸರ್‌ಗಳನ್ನು ಬಾರಿಸಿ ಕ್ರಿಕೆಟ್​ ಪ್ರೇಮಿಗಳ ಹೃದಯ ಗೆದ್ದರೆ, ಡಪ್ಪಲ್‌ಗ್ಯಾಂಗರ್ ರಸ್ತೆಬದಿಯಲ್ಲಿ ಬಿಸಿ ಬಿಸಿ ಟೀ ಮಾರುವ ಮೂಲಕವೇ ಈತ ಲಕ್ಷಾಂತರ ನೆಟಿಗರ ಗಮನವನ್ನು ಸೆಳೆಯುತ್ತಿರುವುದು ಒಂದು ರೀತಿ ಗಮನಾರ್ಹವೇ,(ಏಜೆನ್ಸೀಸ್).