ಆಂಗ್ಲರ ಎದುರು ವಿಂಡೀಸ್ ಜಯಭೇರಿ: ಯುವರಾಜ್ ಸಿಂಗ್ ದಾಖಲೆ ಸರಿಗಟ್ಟಿದ ರುದರ್‌ಫೋರ್ಡ್

ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಹೊನಲು ಬೆಳಕಿನ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ವಿಂಡೀಸ್ 8 ರನ್‌ಗೆ ಆರಂಭಿಕರಿಬ್ಬರನ್ನು ಕಳೆದುಕೊಂಡು ಆಘಾತ ಎದುರುಸಿತು. ಆಗ ಶಿಮ್ರೊನ್ ಹೆಟ್ಮೆಯರ್ (23) ಮತ್ತು ರೋಸ್ಟನ್ ಚೇಸ್ (34) ಜೋಡಿ ಚೇತರಿಕೆ ನೀಡಿತು. ನಂತರ ಸ್ಲಾಗ್ ಓವರ್‌ಗಳಲ್ಲಿ ರುದರ್‌ಫೋರ್ಡ್ - ಜೇಸನ್ ಹೋಲ್ಡರ್ (33) ಮೊತ್ತ ಏರಿಸಿದರು. ಅಂತಿಮವಾಗಿ ವಿಂಡೀಸ್ 6 ವಿಕೆಟ್‌ಗೆ 196 ರನ್‌ಗಳ ಬೃಹತ್ ಮೊತ್ತ ಪೇರಿಸಿತು. ಪ್ರತಿಯಾಗಿ ವಿಂಡೀಸ್ ಸ್ಪಿನ್ನರ್‌ಗಳ ಎದುರು ಪರದಾಡಿದ ಅಗ್ರ ಕ್ರಮಾಂಕ ಬ್ಯಾಟರ್‌ಗಳ ವೈಲ್ಯದಿಂದಾಗಿ ಇಂಗ್ಲೆಂಡ್ ತಂಡ 19 ಓವರ್‌ಗಳಲ್ಲಿ 166 ರನ್‌ಗಳಿಗೆ ಸರ್ವಪತನ ಕಂಡಿತು. ಕೊನೆಯಲ್ಲಿ ಸ್ಯಾಮ್ ಕರ‌್ರನ್ (43*) ಪ್ರತಿರೋಧ ಸೋಲಿನ ಅಂತರ ತಗ್ಗಿಸಿತು.

ವೆಸ್ಟ್ ಇಂಡೀಸ್: 6 ವಿಕೆಟ್‌ಗೆ 196 (ಬ್ರೆಂಡನ್ ಕಿಂಗ್ 1, ಶೈ ಹೋಪ್ 0, ಶಿಮ್ರೊನ್ ಹೆಟ್ಮೆಯರ್ 23, ರೋಸ್ಟನ್ ಚೇಸ್ 34, ಶೆರ್ಫಾನ್ ರುದರ್‌ಫೋರ್ಡ್ 76*,ರೋವ್ಮನ್ ಪೊವೆಲ್ 14, ಜೇಸನ್ ಹೋಲ್ಡರ್ 33, ಶೆರ್ಡ್ 1*, ಆದಿಲ್ ರಶೀದ್ 16ಕ್ಕೆ 2, ಓವರ್ಟನ್ 33ಕ್ಕೆ 2).

ಇಂಗ್ಲೆಂಡ್: 19 ಓವರ್‌ಗಳಲ್ಲಿ 166 (ಫಿಲ್ ಸಾಲ್ಟ್ 30, ಬಟ್ಲರ್ 21, ಬೆಥೆಲ್ 33, ಟಾಮ್ ಬಾಂಟನ್ 2, ಹ್ಯಾರಿ ಬ್ರೂಕ್ 17, ಸ್ಯಾಮ್ ಕರ‌್ರನ್ 43*, ವಿಲ್ ಜಾಕ್ಸ್ 2, ಓವರ್ಟನ್ 5, ಗುಡಕೇಶ್ ಮೋತಿ 33ಕ್ಕೆ 3, ರೋಸ್ಟನ್ ಚೇಸ್ 29ಕ್ಕೆ 2).

33. ಆದಿಲ್ ರಶೀದ್ ಟಿ20 ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್ ಪರ ಸರ್ವಾಧಿಕ ವಿಕೆಟ್ ಕಬಳಿಸಿದ ಕ್ರಿಸ್ ಜೋರ್ಡನ್ (31) ದಾಖಲೆ ಹಿಂದಿಕ್ಕಿ ಅಗ್ರಸ್ಥಾನಕ್ಕೇರಿದರು.