2027ರ ಏಕದಿನ ವಿಶ್ವಕಪ್ಗೆ ಆತಿಥೇಯ ದ. ಆಫ್ರಿಕಾ, ಜಿಂಬಾಬ್ವೆ ತಂಡಗಳು ಈಗಾಗಲೆ ಅರ್ಹತೆ ಪಡೆದಿವೆ. ಐಸಿಸಿ ಏಕದಿನ ರ್ಯಾಂಕಿಂಗ್ನಲ್ಲಿ ಅಗ್ರ 8ರಲ್ಲಿರುವ ತಂಡಗಳೂ ನೇರಅರ್ಹತೆ ಗಳಿಸಲಿವೆ. ಇದಕ್ಕೆ ಸೆಪ್ಟೆಂಬರ್ 30 ಅಂತಿಮ ಗಡುವಾಗಿದೆ.
ಇದೀಗ ಅಫ್ಘಾನಿಸ್ತಾನ 90 ಅಂಕದೊಂದಿಗೆ ಐಸಿಸಿ ಏಕದಿನ ರ್ಯಾಂಕಿಂಗ್ನಲ್ಲಿ 7ನೇ ಸ್ಥಾನಕ್ಕೇರಿದ್ದರೆ, ವೆಸ್ಟ್ ಇಂಡೀಸ್ 73 ಅಂಕದೊಂದಿಗೆ 10ನೇ ಸ್ಥಾನಕ್ಕೆ ಕುಸಿದಿದೆ. ಬಾಂಗ್ಲಾದೇಶ 83 ಅಂಕದೊಂದಿಗೆ 9ನೇ ಸ್ಥಾನದಲ್ಲಿದೆ. ದ. ಆಫ್ರಿಕಾ 4ನೇ ಸ್ಥಾನದಲ್ಲಿದೆ. ಹೀಗಾಗಿ ರ್ಯಾಂಕಿಂಗ್ನಲ್ಲಿ 9ನೇ ಸ್ಥಾನದಲ್ಲಿರುವ ತಂಡಕ್ಕೂ ವಿಶ್ವಕಪ್ ಅರ್ಹತೆ ಸಿಗಲಿದೆ. ವೆಸ್ಟ್ ಇಂಡೀಸ್ ಇನ್ನು ಸೆ.27ರಿಂದ ಭಾರತ ವಿರುದ್ಧ 3 ಏಕದಿನ ಪಂದ್ಯ ಆಡಲಿದ್ದು, ಇದರಲ್ಲಿ 2ನೇ ಪಂದ್ಯ ಸೆ.30ಕ್ಕೆ ನಡೆಯಲಿದೆ. ಆದರೆ ಈ ಸರಣಿಯಲ್ಲಿ ಗೆದ್ದರೂ ವಿಂಡೀಸ್ ಅಗ್ರ 9ರೊಳಗೆ ಮರಳಲು ಸಾಧ್ಯವಿಲ್ಲ.
