ಸಚಿನ್ ತೆಂಡೂಲ್ಕರ್ ಅವರ ಈ ವಿಶ್ವದಾಖಲೆಯನ್ನು ಮುರಿಯುವುದರ ಜೊತೆಗೆ, ವಿರಾಟ್ ಕೊಹ್ಲಿ ವಿದೇಶಿ ನೆಲದ ಏಕದಿನ ಪಂದ್ಯಗಳಲ್ಲಿ ಬರೊಬ್ಬರಿ 50 ಅರ್ಧ ಶತಕಗಳನ್ನು ಪೂರ್ಣಗೊಳಿಸಿ ಮತ್ತೊಂದು ಮೈಲಿಗಲ್ಲು ತಲುಪಿದರು. ಇದಲ್ಲದೆ, ನ್ಯೂಜಿಲೆಂಡ್ ವಿರುದ್ಧ ಏಕದಿನ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಸ್ಟ್ರೇಲಿಯಾದ ದಂತಕಥೆ ರಿಕಿ ಪಾಂಟಿಂಗ್ ಅವರ ದಾಖಲೆಯನ್ನು ಮುರಿಯುವ ಸನಿಹದಲ್ಲಿದ್ದಾರೆ. ಪಾಂಟಿಂಗ್ 1995 ರಿಂದ 2011ರ ನಡುವೆ ಕಿವೀಸ್ ವಿರುದ್ಧ 51 ಏಕದಿನ ಪಂದ್ಯಗಳಲ್ಲಿ 1,971 ರನ್ ಗಳಿಸಿದ್ದರು(ಏಜೆನ್ಸೀಸ್).
ಮ್ಯಾಚ್ ರಿಪೋರ್ಟ್!
ಆಕ್ಲೆಂಡ್‌ನ ಈಡನ್ ಪಾರ್ಕ್‌ನಲ್ಲಿ ನಡೆದ 5 ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಭಾರತ ತಂಡ ನ್ಯೂಜಿಲೆಂಡ್ ವಿರುದ್ಧ ಡಿಎಲ್‌ಎಸ್ (DLS) ನಿಯಮದಡಿ 5 ವಿಕೆಟ್‌ಗಳ ಸುಲಭ ಗೆಲುವು ಸಾಧಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್, ಭಾರತೀಯ ವೇಗಿಗಳ ದಾಳಿಗೆ ತತ್ತರಿಸಿ 185 ರನ್ಗೆ ಆಲೌಟ್ ಆಯಿತು. ಟೀಮ್ ಇಂಡಿಯಾ ಪರ ಅರ್ಶ್‌ದೀಪ್ ಸಿಂಗ್ 4 ವಿಕೆಟ್ ಪಡೆದರೆ, ಅನ್ಶುಲ್ ಕಂಬೋಜ್ (10 ಓವರ್‌ಗಳಲ್ಲಿ 22 ರನ್ಗೆ 2 ವಿಕೆಟ್) ಅತ್ಯಂತ ಶಿಸ್ತುಬದ್ಧ ಬೌಲಿಂಗ್ ಪ್ರದರ್ಶಿಸಿದರು. ಕಿವೀಸ್ ಪರ ಟಿಮ್ ಸೀಫರ್ಟ್ (38) ಮತ್ತು ಬ್ಲೇರ್ ಟಿಕ್ನರ್ (34) ಗರಿಷ್ಠ ರನ್ ಕಲೆಹಾಕಿದರು.
ಗುರಿ ಬೆನ್ನತ್ತಿದ ಟೀಮ್ ಇಂಡಿಯಾ ಪರ ಆರಂಭಿಕ ಆಟಗಾರ ರೋಹಿತ್ ಶರ್ಮಾ (೦) ಬೇಗ ನಿರ್ಗಮಿಸಿದರೂ, ವಿರಾಟ್ ಕೊಹ್ಲಿ (74 ರನ್, 51 ಎಸೆತ) ಹಾಗೂ ಶುಭಮನ್ ಗಿಲ್ (37) ನಡುವಿನ 113 ರನ್‌ಗಳ ಜೊತೆಯಾಟ ತಂಡಕ್ಕೆ ಆಸರೆಯಾಯಿತು. ಕೊಹ್ಲಿ ನಿರ್ಗಮನದ ನಂತರ ಸಣ್ಣ ಆತಂಕ ಎದುರಾಯಿತಾದರೂ, ಕೊನೆಯಲ್ಲಿ ಕೆ ಎಲ್ ರಾಹುಲ್ ಮತ್ತು ನಮನ್ ಧೀರ್ ಸೇರಿ ಗುರಿ ತಲುಪಿಸಿ ಸರಣಿಯಲ್ಲಿ ಭಾರತಕ್ಕೆ 1-0 ಮುನ್ನಡೆ ತಂದುಕೊಟ್ಟರು(ಏಜೆನ್ಸೀಸ್).
