ಇದು 'ದಳಪತಿ' ಸ್ಟ್ರೈಲ್​ ​! ಅರ್ಧಶತಕ ಸಿಡಿಸಿದ ವೆಂಕಟೇಶ್​ ಅಯ್ಯರ್ ಸೆಲೆಬ್ರೇಷನ್​ ವಿಡಿಯೋ ವೈರಲ್​

40 ಎಸೆತಗಳಲ್ಲಿ 73 ರನ್​ ಬಾರಿಸಿದ ವೆಂಕಟೇಶ್​ ಅಯ್ಯರ್​, 8 ಬೌಂಡರಿ ಮತ್ತು 4 ಸಿಕ್ಸರ್​ಗಳನ್ನು ಬಾರಿಸಿದರು. ​ತಂಡದ ಪರ ಅರ್ಧಶತಕ ಬಾರಿಸುತ್ತಿದ್ದಂತೆ ಎರಡೂ ಕೈಯನ್ನು ಮೇಲಕ್ಕೆತ್ತಿ ಸಂಭ್ರಮಿಸಿದ ಅಯ್ಯರ್​, ಫ್ಯಾನ್ಸ್​ಗಳಿಗೆ ತಾವು ಯಾರ ಸ್ಟೈಲ್​ ಅನುಕರಿಸಿದೆ ಹೇಳಿ? ಎಂಬ ಸಂದೇಶವನ್ನು ನೀಡಿದರು. ಇದನ್ನು ತಕ್ಷಣಕ್ಕೆ ಅರಿತ ಆರ್​ಸಿಬಿ ಅಭಿಮಾನಿಗಳು ತಮಿಳುನಾಡಿನ ನೂತನ ಸಿಎಂರನ್ನು ನೆನಪಿಸಿಕೊಂಡರು.

ಹೌದು. ತಮಿಳು ಚಿತ್ರರಂಗದ ಸ್ಟಾರ್​ ನಟ ದಳಪತಿ ವಿಜಯ್​ ಅವರ ಮೆರ್ಸಲ್ ಪೋಸ್​ ಅನ್ನು ವೆಂಕಟೇಶ್​ ಅಯ್ಯರ್​ ಅರ್ಧಶತಕ ಬಾರಿಸಿದಾಗ ತೋರಿಸಿದರು. ಸದ್ಯ ಈ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ನೆಟ್ಟಿಗರ ಗಮನ ಸೆಳೆದಿದ್ದು, ವಿಡಿಯೋ ವೈರಲ್ ಆಗಿದೆ.

ಇನ್ನು ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಪಂಜಾಬ್​, ರಜತ್ ಪಾಟೀದಾರ್ ಪಡೆಗೆ ಬ್ಯಾಟಿಂಗ್ ಮಾಡುವಂತೆ ಹೇಳಿತು. 20 ಓವರ್​ನಲ್ಲಿ 3 ವಿಕೆಟ್​ ನಷ್ಟಕ್ಕೆ ಆರ್​ಸಿಬಿ 210 ರನ್​ಗಳನ್ನು ಕಲೆಹಾಕಿತು. ಈ ಗುರಿಯನ್ನು ಬೆನ್ನತ್ತಿರುವ ಪಂಜಾಬ್​ ಕಿಂಗ್ಸ್​ಗೆ ಆರಂಭಿಕ ಬ್ಯಾಟರ್​ಗಳು ಕೈಕೊಟ್ಟಿದ್ದೇ ಆದರೂ ಶಶಾಂಕ್ ಸಿಂಗ್​ ಮತ್ತು ಮಾರ್ಕಸ್​​ ಸ್ಟೋಯಿನಿಸ್​ ಜತೆಯಾಟದಿಂದ ಗೆಲ್ಲುವ ಸಾಧ್ಯತೆಗಳು ಹೆಚ್ಚಿವೆ. ಇಂದಿನ ಪಂದ್ಯ ಯಾರ ಪಾಲಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ.