ಎದುರಿಗಿದ್ದ ಗೌತಿಗೆ ಕ್ಯಾರೇ ಎನ್ನದ ಕೊಹ್ಲಿ​! ಟೀಮ್ ಇಂಡಿಯಾದಲ್ಲಿ ಕಾಡುತ್ತಿದೆ ಆಂತರಿಕ ಸಮಸ್ಯೆ? ಬಿಸಿಸಿಐ ಬೇಸರ

ಜಾರ್ಖಂಡ್​: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೊದಲ ಏಕದಿನ ಪಂದ್ಯದಲ್ಲಿ ಭಾರತ 17 ರನ್​ಗಳಿಂದ ಭರ್ಜರಿ ಜಯ ಸಾಧಿಸಿತು. ಈ ಪಂದ್ಯದಲ್ಲಿ ಶತಕ ವೀರನಾಗಿ ಮಿಂಚಿದ ವಿರಾಟ್ ಕೊಹ್ಲಿ ಮತ್ತು ಅರ್ಧಶತಕ ಸಿಡಿಸಿದ ರೋಹಿತ್ ಶರ್ಮ, ಕ್ರಿಕೆಟ್​ ಪ್ರೇಮಿಗಳ ಸಂತಸ, ಸಂಭ್ರಮಕ್ಕೆ ಪ್ರಮುಖ ಕಾರಣರಾದರು. ಒಂದೆಡೆ ಭಾರತ ತಂಡ ಮ್ಯಾಚ್​ ಗೆದ್ದರೆ, ಮತ್ತೊಂದೆಡೆ ಕೊಹ್ಲಿ ಮತ್ತು ಹೆಡ್​ ಕೋಚ್​ ಗೌತಮ್ ಗಂಭೀರ್​ ನಡುವೆ ಹಳೆಯ ಮನಸ್ತಾಪ ಮುಂದುವರಿದಂತೆ ಕಂಡುಬಂದಿದೆ.  

ಈ ವರ್ಷದ ಐಪಿಎಲ್​ ನಂತರ ತವರಿನಲ್ಲಿ ಕೊಹ್ಲಿ ಆಡಿದ ಮೊದಲ ಪಂದ್ಯ ದಕ್ಷಿಣ ಆಫ್ರಿಕಾ ವಿರುದ್ಧದ ಪ್ರಥಮ ಏಕದಿನ. ತಂಡಕ್ಕೆ ಕಮ್​ಬ್ಯಾಕ್​ ಮಾಡಿದ ವಿರಾಟ್​ ಮೇಲೆ ಕ್ರಿಕೆಟ್​ ಪ್ರೇಮಿಗಳಿಂದ ಅಪಾರ ನಿರೀಕ್ಷೆ ಮತ್ತು ಕುತೂಹಲ ಮೂಡಿತ್ತು. ಅಂತೆಯೇ, ಕೊಹ್ಲಿ ತಮ್ಮ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನದಿಂದ ಆ ನಿರೀಕ್ಷೆಗಳನ್ನು ಈಡೇರಿಸಿದರು. ಆದರೆ, ಪಂದ್ಯ ಮುಗಿದ ಬಳಿಕ ಡ್ರೆಸ್ಸಿಂಗ್ ರೂಮ್​ನತ್ತ ಸಾಗುತ್ತಿದ್ದ ಕಿಂಗ್ ಕೊಹ್ಲಿ, ಎದುರಿಗೆಯೇ ಕುಳಿತಿದ್ದ ಗೌತಮ್ ಗಂಭೀರ್​ರನ್ನು ನೋಡದೆ, ತಮ್ಮ ಮೊಬೈಲ್​ ನೋಡುತ್ತ ಸಾಗಿದ ದೃಶ್ಯ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಗೊಂದಲಕ್ಕೆ ಕಾರಣವಾಗಿದೆ.