ಕಡೆಗೂ ಫಲಿಸಲಿಲ್ಲ ತಿಲಕ್​ ಏಕಾಂಗಿ ಹೋರಾಟ! ಹರಿಣರ ಪಡೆ ಎದುರು ಹೀನಾಯ ಸೋಲುಂಡ ಟೀಮ್ ಇಂಡಿಯಾ

ಚಂಡೀಗಢ: ಇಂದು (ಡಿ.11) ಮುಲ್ಲನ್‌ಪುರದ ನ್ಯೂ ಪಿಸಿಎ ಕ್ರೀಡಾಂಗಣದಲ್ಲಿ ನಡೆದ ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಎರಡನೇ ಟಿ20 ಪಂದ್ಯದಲ್ಲಿ ಟೀಮ್ ಇಂಡಿಯಾ ಗೆಲುವು ಸಾಧಿಸಲು ವಿಫಲಗೊಂಡಿತು. 214 ರನ್​ ಗುರಿ ತಲುಪಲು ಮುಗ್ಗರಿಸಿದ ಭಾರತ, ಕೇವಲ 162 ರನ್​ಗೆ ಆಲ್​ಔಟ್​ ಆಯಿತು.

ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1-1 ಅಂತರ ಕಾಯ್ದುಕೊಂಡಿರುವ ಎರಡೂ ತಂಡಗಳು, ದ್ವಿತೀಯ ಟಿ20 ಪಂದ್ಯ ನಂತರ ಗೆಲುವನ್ನು ಸಮಬಲವಾಗಿಸಿದೆ. ಎರಡನೇ ಟಿ20ಯಲ್ಲಿ ದಕ್ಷಿಣ ಆಫ್ರಿಕಾ ಬ್ಯಾಟ್ಸ್‌ಮನ್‌ಗಳು ಬೃಹತ್ ಸ್ಕೋರ್ ಗಳಿಸುವಲ್ಲಿ ಮಾತ್ರವಲ್ಲ, ಟೀಮ್ ಇಂಡಿಯಾ ಬ್ಯಾಟರ್​ಗಳನ್ನು ಕಟ್ಟಿಹಾಕುವಲ್ಲಿಯೂ ಯಶಸ್ವಿಯಾದರು. ಹರಿಣರ ಪಡೆ ನೀಡಿದ 214 ರನ್​ಗಳ ಬೃಹತ್ ಗುರಿಯನ್ನು ತಲುಪಲು ಪರದಾಡಿದ ಟೀಮ್ ಇಂಡಿಯಾ, 51 ರನ್​ನಿಂದ ಹೀನಾಯ ಸೋಲು ಅನುಭವಿಸಿತು.

ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಸೂರ್ಯಕುಮಾರ್ ಯಾದವ್ ಪಡೆ, ಹರಿಣರ ಪಡೆಗೆ ಬ್ಯಾಟಿಂಗ್ ಮಾಡುವಂತೆ ಆಹ್ವಾನಿಸಿತು. ಅಂತೆಯೇ, ನಿಗದಿತ 20 ಓವರ್‌ಗಳಲ್ಲಿ 4 ವಿಕೆಟ್‌ಗಳ ನಷ್ಟಕ್ಕೆ ಹರಿಣರು 213 ರನ್ ಕಲೆಹಾಕಿದರು. ದಕ್ಷಿಣ ಆಫ್ರಿಕಾದ ಓಪನರ್​ ಕ್ವಿಂಟನ್ ಡಿ ಕಾಕ್ ಸ್ಪೋಟಕ ಇನ್ನಿಂಗ್ಸ್ ನೀಡಿದರು. ಕೇವಲ 46 ಎಸೆತಗಳಲ್ಲಿ 5 ಬೌಂಡರಿ ಮತ್ತು 7 ಸಿಕ್ಸರ್‌ ಮೂಲಕ 195.65 ಸ್ಟ್ರೈಕ್​ ರೇಟ್‌ನಲ್ಲಿ 90 ರನ್ ಸಿಡಿಸಿದರು. ಕಾಕ್​ ನಂತರದಲ್ಲಿ, ಐಡೆನ್ ಮಾರ್ಕ್ರಾಮ್ (26 ಎಸೆತ, 29 ರನ್), ಡೊನೊವನ್ ಫೆರೇರಾ (16 ಎಸೆತ. ಅಜೇಯ 30 ರನ್) ಮತ್ತು ಡೇವಿಡ್ ಮಿಲ್ಲರ್ (12 ಎಸೆತ, ಅಜೇಯ 20 ರನ್) ತಂಡದ ಒಟ್ಟು ಮೊತ್ತವನ್ನು ಹೆಚ್ಚಿಸಲು ಶ್ರಮಿಸಿದರು.