ಟೀಮ್​ ಇಂಡಿಯಾದ ಹೊಸ ಜೆರ್ಸಿ ನೋಡಿದ್ರಾ? ಇದರ ವಿಶೇಷತೆ ಏನು ಗೊತ್ತಾ? 1990ರ ತಂಡಕ್ಕಿದೆ ಲಿಂಕ್​! New Jersey

ನವದೆಹಲಿ: ಮುಂದಿನ ವರ್ಷ ಫೆಬ್ರವರಿ 7 ರಿಂದ ಮಾರ್ಚ್ 8 ರವರೆಗೆ ಟಿ20 ವಿಶ್ವಕಪ್ ನಡೆಯಲಿದೆ. ಭಾರತ ಮತ್ತು ಶ್ರೀಲಂಕಾ ಈ ಮೆಗಾ ಟೂರ್ನಮೆಂಟ್ ಅನ್ನು ಆಯೋಜಿಸಲಿದ್ದು, ಆತಿಥೇಯ ಟೀಮ್ ಇಂಡಿಯಾ ಹೊಸ ಜೆರ್ಸಿಯೊಂದಿಗೆ ( New Jersey ) ಕಣಕ್ಕೆ ಇಳಿಯಲಿದೆ.

ರಾಯ್‌ಪುರದಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ 2ನೇ ಏಕದಿನ ಪಂದ್ಯದ ಇನ್ನಿಂಗ್ಸ್ ವಿರಾಮದ ಸಮಯದಲ್ಲಿ ಟೀಮ್ ಇಂಡಿಯಾ ಆಟಗಾರರಾದ ರೋಹಿತ್ ಶರ್ಮ ಮತ್ತು ತಿಲಕ್ ವರ್ಮ ಹೊಸ ಜೆರ್ಸಿಯನ್ನು ಬಿಡುಗಡೆ ಮಾಡಿದರು. ಬಿಸಿಸಿಐ ಕಾರ್ಯದರ್ಶಿ ದೇವಜಿತ್​ ಸೈಕಿಯಾ ಮತ್ತು ಉಪಾಧ್ಯಕ್ಷ ರಾಜೀವ್ ಶುಕ್ಲಾ ಈ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

ಈ ಜೆರ್ಸಿಯಲ್ಲಿ ಭಾರತೀಯ ಧ್ವಜದ ಮೂರು ಬಣ್ಣಗಳಿವೆ. ಇದು ಹೆಚ್ಚಾಗಿ ಕಡು ನೀಲಿ ಬಣ್ಣದ್ದಾಗಿದ್ದು, ಎರಡೂ ಬದಿಗಳಲ್ಲಿ ಕಿತ್ತಳೆ ಬಣ್ಣವಿದೆ. ಕಾಲರ್ ಬಳಿ ಬಿಳಿ ಬಣ್ಣವಿದೆ. ಜೆರ್ಸಿಯ ಮಧ್ಯದಲ್ಲಿ ಪ್ರಾಯೋಜಕರಾದ ಅಪೊಲೊ ಟೈರ್ಸ್ ಹೆಸರಿದೆ. ಇದರೊಂದಿಗೆ ಇಂಡಿಯಾ ಅಂತಾನೂ ಬರೆಯಲಾಗಿದೆ.

1990ರ ಭಾರತ ತಂಡದ ಕಿಟ್‌ನಿಂದ ಪ್ರೇರಿತವಾಗಿ ರೆಟ್ರೋ ಅಂಶಗಳೊಂದಿಗೆ ವಿಶ್ವಕಪ್ ಜೆರ್ಸಿ ವಿನ್ಯಾಸಗೊಳಿಸಲಾಗಿದೆ ಎಂದು ಕಿಟ್ ಪ್ರಾಯೋಜಕ ಅಡಿಡಾಸ್‌ ಸಂಸ್ಥೆ ತಿಳಿಸಿದೆ. ಪ್ರಸ್ತುತ, ಹೊಸ ಜೆರ್ಸಿಯ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ.