ವಾರಿಯರ್ಸ್‌ ಎದುರು ಗರ್ಜಿಸಿದ ಟೈಗರ್ಸ್‌: ಅನೀಶ್ವರ್, ತಾಹ ಅರ್ಧಶತಕ

ಟಾಸ್ ಗೆದ್ದು ಬ್ಯಾಟಿಂಗ್‌ಗೆ ಇಳಿದ ಮೈಸೂರು ತಂಡಕ್ಕೆ ರಿತೇಶ್ ಭಟ್ಕಳ್(44) ಹಾಗೂ ಎಸ್.ಯು.ಕಾರ್ತಿಕ್(35) 2ನೇ ವಿಕೆಟ್‌ಗೆ 47 ಎಸೆತದಲ್ಲಿ 72 ಪೇರಿಸಿ ಚೇತರಿಕೆ ನೀಡಿದರೂ, ಬಳಿಕ ಬಂದ ಎಲ್ಲರೂ ವೈಲ್ಯ ಅನುಭವಿಸಿದರಿಂದ 19.2 ಓವರ್‌ಗಳಲ್ಲಿ 161 ರನ್‌ಗಳಿಗೆ ಆಲೌಟ್ ಆಯಿತು. ಪ್ರತಿಯಾಗಿ ಹುಬ್ಬಳ್ಳಿ 17.3 ಓವರ್‌ಗಳಲ್ಲಿ 3 ವಿಕೆಟ್‌ಗೆ 162 ರನ್‌ಗಳಿಸಿ ವಿಜಯ ಸಾಧಿಸಿತು.

ಸವಾಲಿನ ಮೊತ್ತದ ಚೇಸಿಂಗ್ ಆರಂಭಿಸಿದ ಹುಬ್ಬಳ್ಳಿ ಎರಡನೇ ಎಸೆತದಲ್ಲೇ ಪ್ರೀತೇಶ್ ವಿಕೆಟ್ ಕಳೆದುಕೊಂಡು ಆಘಾತ ಎದುರಿಸಿತು. ಬಳಿಕ ತೆಗೂಡಿದ ಮೊಹಮದ್ ತಾಹ ಹಾಗೂ ಮಯಾಂಕ್ ಅಗರ್ವಾಲ್(18) 2ನೇ ವಿಕೆಟ್‌ಗೆ 26 ಎಸೆತದಲ್ಲಿ 49 ರನ್ ಪೇರಿಸಿ ಚೇತರಿಕೆ ನೀಡಿದರು. ಮಯಾಂಕ್ ನಿರ್ಗಮನದ ಬಳಿಕ ನಾಯಕ ಅನೀಶ್ವರ್ ಗೌತಮ್ - ತಾಹ 3ನೇ ವಿಕೆಟ್‌ಗೆ 44 ಎಸೆತಗಳಲ್ಲಿ 72 ರನ್ ಕಲೆಹಾಕಿ ಗೆಲುವಿನ ಹಾದಿ ಸುಲಭಗೊಳಿಸಿದರು.

ತಾಹ ನಿರ್ಗಮದ ಬಳಿಕ ಅನೀಶ್ವರ್ ಹಾಗೂ ಅಭಿನವ್ ಮನೋಹರ್(16*) 4ನೇ ವಿಕೆಟ್‌ಗೆ 35 ಎಸೆತದಲ್ಲಿ 41 ರನ್ ಪೇರಿಸಿ ಇನ್ನೂ 15 ಎಸೆತ ಇರುವಾಗಲೇ ತಂಡವನ್ನು ಗೆಲುವಿನ ದಡ ಸೇರಿಸಿದರು.