ಡಿಪ್ರೆಶನ್​, ಕ್ರಿಕೆಟ್​ಗೆ ಗುಡ್​ಬೈ ಹೇಳಲು ರೆಡಿಯಿದ್ದೆ! ಶಾಕಿಂಗ್​ ಸಂಗತಿ ಬಿಚ್ಚಿಟ್ಟ 'ಟಗರು ಪುಟ್ಟಿ' ಶ್ರೇಯಾಂಕ ಪಾಟೀಲ್​

2024ರ ಜುಲೈನಲ್ಲಿ ಇದೇ ಪಾಕಿಸ್ತಾನ ವಿರುದ್ಧ ಏಷ್ಯಾಕಪ್ ಪಂದ್ಯದ ವೇಳೆ ಶ್ರೇಯಾಂಕಾ ಬೆರಳಿಗೆ ಗಂಭೀರ ಪೆಟ್ಟು ಬಿದ್ದು, ಮೂಳೆ ಮುರಿದಿತ್ತು. ಇಂಜುರಿಯಿಂದ ಸುಮಾರು 14 ತಿಂಗಳು ಮೈದಾನದಿಂದ ಹೊರಗುಳಿದಿದ್ದ ಕನ್ನಡತಿ, ಎರಡೂ ಕಾಲುಗಳಲ್ಲಿ ತೀವ್ರವಾದ ಮೊಣಕಾಲಿನ ಸಮಸ್ಯೆ ಮತ್ತು ಎಡಗೈ ಹೆಬ್ಬೆರಳಿನ ಮೂಳೆ ಮುರಿತದಿಂದ ಲಾಂಗ್​ ಬ್ರೇಕ್​ ತೆಗೆದುಕೊಳ್ಳುವ ಪರಿಸ್ಥಿತಿ ಎದುರಾಯಿತು. ಕೊನೆಗೆ, ಈ ವರ್ಷದ ಆರಂಭದಲ್ಲಿ ಡಬ್ಲ್ಯೂಪಿಎಲ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುವ ಮೂಲಕ ಕ್ರಿಕೆಟ್​ಗೆ ಕಮ್​ಬ್ಯಾಕ್​ ಮಾಡಿದರು.