97 ರನ್​ ಬಾರಿಸಿದ್ರೂ ಸೆಮಿಫೈನಲ್​ ಪಂದ್ಯದಿಂದ ಸಂಜು ಹೊರಗೆ​! ಇಂಗ್ಲೆಂಡ್​ ವಿರುದ್ಧದ ಮ್ಯಾಚ್​ನಿಂದ ಸ್ಯಾಮ್ಸನ್ ಬ್ಯಾನ್​? | Sanju Samson

ನವದೆಹಲಿ: ಮಾ.0ರಂದು ಕೋಲ್ಕತದ ಈಡನ್​ ಗಾರ್ಡನ್ಸ್​ ಕ್ರೀಡಾಂಗಣದಲ್ಲಿ ನಡೆದ ಭಾರತ ಮತ್ತು ವೆಸ್ಟ್​ ಇಂಡೀಸ್​ ನಡುವಿನ ಕೊನೆಯ ಸೂಪರ್​-8 ಹಾಗೂ ಟಿ20 ವಿಶ್ವಕಪ್​ನ ನಿರ್ಣಾಯಕ ಪಂದ್ಯದಲ್ಲಿ ಭಾರತ ಸಂಜು ಸ್ಯಾಮನ್ಸ್​ ಅವರ ಅದ್ಭುತ ಇನ್ನಿಂಗ್ಸ್ ಸಹಾಯದಿಂದ ರೋಚಕ ಜಯ ಸಾಧಿಸಿತು. ತಂಡದ ಪರ ಅಜೇಯರಾಗಿ ಉಳಿದ ಸಂಜು, ಟೀಮ್ ಇಂಡಿಯಾದ ಸೆಮೀಸ್ ಕನಸನ್ನು ಈಡೇರಿಸಿದರು. 97 ರನ್​ ಬಾರಿಸುವ ಮೂಲಕ ಏಕಾಂಗಿಯಾಗಿ ತಂಡಕ್ಕೆ ಆಸೆರೆಯಾದ ಸಂಜು ಈಗ ಇಂಗ್ಲೆಂಡ್​ ವಿರುದ್ಧದ ಸೆಮಿಫೈನಲ್ ಪಂದ್ಯದಿಂದ ಹೊರಗುಳಿಯುತ್ತಾರೆ ಎನ್ನಲಾಗಿದೆ.

ಕೇವಲ 50 ಎಸೆತಗಳಲ್ಲಿ 97 ರನ್​ ಬಾರಿಸಿದ ಸಂಜು, ತಮ್ಮ ತಂಡದ ಉಳಿದ ಬ್ಯಾಟರ್​ಗಳು ಸಾಥ್ ನೀಡಲು ವಿಫಲರಾದರೂ ಸಹ ಆಟವನ್ನು ಬಿಟ್ಟುಕೊಡದೆ ಕೊನೆಯವರೆಗೂ ನಿಂತಿದ್ದು ಕ್ರಿಕೆಟ್​ ಪ್ರಿಯರ ಹೃದಯ ಗೆದ್ದಿತು. ಸ್ಯಾಮ್ಸನ್ ಆಟವನ್ನು ಇಡೀ ಕ್ರಿಕೆಟ್​ ಲೋಕವೇ ಮೆಚ್ಚಿಕೊಂಡಿತು. ಪ್ರಸ್ತುತ, ಮುಂದಿನ ಪಂದ್ಯಗಳಲ್ಲಿ ಅವರ ಲಭ್ಯತೆ ಮತ್ತು ಜವಾಬ್ದಾರಿ ದುಪ್ಪಟ್ಟಾಗಿದೆ. ಹೀಗಿರುವಾಗಲೇ, ಸಂಜು ಸ್ಯಾಮ್ಸನ್​ ಐಸಿಸಿಯ ಮೂಲ ನಿಯಮ ಉಲ್ಲಂಘಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.

ತಂಡವನ್ನು ಗೆಲುವಿನ ದಡ ಸೇರಿಸಿದೆ ಎಂದು ನಿಟ್ಟುಸಿರು ಬಿಟ್ಟ ಸ್ಯಾಮ್ಸನ್​, ಮೈದಾನದಲ್ಲೇ ಹೆಲ್ಮೆಟ್ ಮತ್ತು ಬ್ಯಾಟ್​ ಅನ್ನು ಪಕಕ್ಕೆ ಎಸೆದು ದೇವರಿಗೆ ಕೈಮುಗಿದರು. ಇದು ಆ ಕ್ಷಣಕ್ಕೆ ಅವರ ಆನಂದ ಎಂದು ಅನಿಸಿದರೂ ಐಸಿಸಿಯ ರೂಲ್ಸ್​ ಬ್ರೇಕ್​ ಆಗಿದೆ ಎಂಬುದನ್ನು ಸೂಚಿಸಿದೆ. ನಿಯಮಗಳ ಪ್ರಕಾರ, ಯಾವುದೇ ಆಟಗಾರ ಹೆಲ್ಮೆಟ್​ ಅಥವಾ ಬ್ಯಾಟ್​ ಕಿತ್ತೆಸೆಯುವುದು ತಪ್ಪು. ಇದು ಮೂಲ ನಿಯಮಗಳ ಉಲ್ಲಂಘನೆಯಾಗಿದೆ. ಹೀಗಿರುವಾಗ, ಸಂಜು ಸ್ಯಾಮ್ಸನ್​ ಧರಿಸಿದ್ದ ಹೆಲ್ಮೆಟ್​ ಬದಿಗೆಸೆದು ಸಂಭ್ರಮಿಸಿದ್ದು ಹಲವರ ಕಣ್ಣಿಗೆ ಬಿದ್ದಿದೆ. ಈ ನಿಟ್ಟಿನಲ್ಲಿ, ಇದೊಂದು ಪ್ರಶ್ನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಐಸಿಸಿ ನೀತಿ ಸಂಹಿತೆಯು ಆಟಗಾರರ ಮೈದಾನದಲ್ಲಿನ ನಡವಳಿಕೆ ಮತ್ತು ಕ್ರಿಕೆಟ್‌ನ ಉತ್ಸಾಹಕ್ಕೆ ವಿರುದ್ಧವಾದ ಕ್ರಮಗಳನ್ನು ಹತೋಟಿಗೆ ತರುವುದಾಗಿದೆ. ಇದು ಕ್ರಿಕೆಟ್ ಉಪಕರಣಗಳು (ಬ್ಯಾಟ್​, ಬಾಲ್​, ಹೆಲ್ಮೆಟ್​ ಇತ್ಯಾದಿ) ಮತ್ತು ವಿವಿಧ ರೀತಿಯ ದುರ್ನಡತೆಯ ನಿಬಂಧನೆಗಳನ್ನು ಒಳಗೊಂಡಿದೆ. ಈಗ ಸಂಜು ಕೇಸ್​ನಲ್ಲಿಯೂ ಇದೇ ಆಗಿರುವುದು. ಐಸಿಸಿ ರೂಲ್ಸ್ ಪ್ರಕಾರ, ಹೆಲ್ಮೆಟ್ ಎಸೆಯುವುದು ಲೆವೆಲ್ 1 ಅಪರಾಧವಾಗಿದೆ.

ಲೆವೆಲ್​ 1ರ ಉಲ್ಲಂಘನೆಗಾಗಿ, ಐಸಿಸಿ ಪಂದ್ಯದ ಅಂಪೈರ್ ವಾಗ್ದಂಡನೆ, ​ಆಟಗಾರನ ಪಂದ್ಯ ಶುಲ್ಕದ ಶೇ.50ರಷ್ಟು ದಂಡ ಅಥವಾ ಒಂದು ಅಥವಾ ಎರಡು ಡಿಮೆರಿಟ್ ಪಾಯಿಂಟ್​ಗಳನ್ನು ವಿಧಿಸಬಹುದು. ಗೆಲುವಿನ ಬಳಿಕ ಸಂಭ್ರಮಾಚರಣೆಯ ಸಲುವಾಗಿ ಹೆಲ್ಮೆಟ್ ಎಸೆಯುವುದು ದೊಡ್ಡ ತಪ್ಪೇನಲ್ಲ. ಇದು ದಂಡಕ್ಕೆ ಕಾರಣವಾಗದಿದ್ದರೂ, ಪಂದ್ಯದ ಅಂಪೈರ್​ ವಿವೇಚನೆಯಿಂದ ಉಲ್ಲಂಘನೆ ಎಂದು ವರ್ಗೀಕರಿಸಬಹುದು ಎಂಬುದು ಇಲ್ಲಿ ಗಮನಾರ್ಹ,(ಏಜೆನ್ಸೀಸ್).