ಅಭಿಷೇಕ್​ ಫೆರಾರಿಯಾದ್ರೆ, ಲ್ಯಾಂಬೋರ್ಗಿನಿ ಯಾರು? ಈ ಎರಡರ ಮಧ್ಯೆ ಸೈಕಲ್‌ನಂತಾದ ಸಂಜು! Sanju Samson

ಗುವಾಹಟಿ: ಪ್ರವಾಸಿ ನ್ಯೂಜಿಲೆಂಡ್​ ವಿರುದ್ಧ ನಡೆಯುತ್ತಿರುವ ಟಿ20 ಸರಣಿಯಲ್ಲಿ ಟೀಮ್​ ಇಂಡಿಯಾದ ಆರಂಭಿಕ ಆಟಗಾರ ಸಂಜು ಸ್ಯಾಮ್ಸನ್ ( Sanju Samson ),​ ಹೀನಾಯವಾಗಿ ವಿಫಲವಾಗಿದ್ದಾರೆ. ಐದು ಪಂದ್ಯಗಳ ಸರಣಿಯಲ್ಲಿ ಈವರೆಗೂ ಮೂರು ಪಂದ್ಯಗಳು ನಡೆದಿದ್ದು, ಮೂರರಲ್ಲೂ ತಮ್ಮ ಛಾಪು ಮೂಡಿಸಲು ಸಂಜು ಸೋತಿದ್ದಾರೆ. ಅದರಲ್ಲೂ ಮೂರನೇ ಟಿ20 ಪಂದ್ಯದಲ್ಲಿ ರನ್​ ಖಾತೆ ತೆರೆಯದೇ ಪೆವಲಿಯನ್​ಗೆ ಹಿಂತಿರುಗಿದರು. ಹೀಗಾಗಿ, ಸಂಜು ಎಲ್ಲೆಡೆ ತೀವ್ರ ಟೀಕೆಗೆ ಗುರಿಯಾಗುತ್ತಿದ್ದಾರೆ. ಸತತ ವೈಫಲ್ಯ ಅನುಭವಿಸಿದ ಹಿನ್ನೆಲೆಯಲ್ಲಿ ಮುಂದಿನ ಎರಡು ಪಂದ್ಯಗಳಿಗೆ ಸಂಜು, ಬೆಂಚ್‌ನಲ್ಲಿರುತ್ತಾರೆ ಎಂಬ ವದಂತಿಗಳೂ ಇವೆ.

ಸಂಜು ಅವರನ್ನು ಬೆಂಬಲಿಸಿದವರೇ ಇದೀಗ ಅವರನ್ನು ಗೇಲಿ ಮಾಡುತ್ತಿದ್ದಾರೆ. ಸಂಜುರನ್ನು ಸದಾ ಬೆಂಬಲಿಸುತ್ತಿದ್ದ ನಟ ಮತ್ತು ನಿರ್ದೇಶಕ ಸಂತೋಷ್ ಪಂಡಿತ್, ತಮ್ಮ ಫೇಸ್​ಬುಕ್​ ಪೋಸ್ಟ್​ ಮೂಲಕ ಸಂಜು ಅವರನ್ನು ಅಣಕಿಸಿದ್ದಾರೆ. ಸಂಜು ಅವರ ಪ್ರಸ್ತುತ ಪರಿಸ್ಥಿತಿ ಎಕ್ಸ್‌ಪ್ರೆಸ್‌ವೇಯಲ್ಲಿ ಫೆರಾರಿ ಮತ್ತು ಲ್ಯಾಂಬೋರ್ಗಿನಿ ನಡುವೆ ಸಿಲುಕಿಕೊಂಡ ಸೈಕಲ್‌ನಂತಿದೆ ಎಂದು ಸಂತೋಷ್ ಪಂಡಿತ್ ಹೇಳಿದ್ದಾರೆ.

ಮೊದಲಿಗೆ ಅಭಿಷೇಕ್ ಶರ್ಮ ಅವರ ಪ್ರದರ್ಶನ ನಂತರ, ಸೂರ್ಯಕುಮಾರ್​ ಯಾದವ್​ ಪ್ರದರ್ಶನ. ಇಬ್ಬರದ್ದು ಬಿರುಗಾಳಿಯ ಇನ್ನಿಂಗ್ಸ್​. ಮೂರನೇ ಟಿ20 ಪಂದ್ಯದಲ್ಲಿ ನ್ಯೂಜಿಲೆಂಡ್ ಅನ್ನು 8 ವಿಕೆಟ್‌ಗಳಿಂದ ಸೋಲಿಸುವ ಮೂಲಕ ಭಾರತವು ಏಕದಿನ ಸೋಲಿಗೆ ಸೇಡು ತೀರಿಸಿಕೊಂಡಿತು ಮತ್ತು ಟಿ20 ಸರಣಿಯನ್ನು ಗೆದ್ದಿತು. ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್‌ 153 ರನ್​ ಕಲೆಹಾಕಿತು. ಪಂದ್ಯ ಶ್ರೇಷ್ಠ ಆಟಗಾರ ಬುಮ್ರಾ ಸೇರಿದಂತೆ ಎಲ್ಲಾ ಬೌಲರ್‌ಗಳು ಮಿಂಚಿದರು. ನ್ಯೂಜಿಲೆಂಡ್​ ನೀಡಿದ ಗುರಿ ಬೆನ್ನತ್ತಿದ ಭಾರತದ ಪರ, ಕೇರಳದ ಸಂಜು ಸ್ಯಾಮ್ಸನ್ ಮೊದಲ ಎಸೆತದಲ್ಲೇ ವಿಕೆಟ್​ ಒಪ್ಪಿಸಿದರು. ಆದರೆ, ಭಾರತದ ಪ್ರಮುಖ ಆರಂಭ ಅಭಿಷೇಕ್​ ಅವರ ಆರ್ಭಟದಿಂದ ಆರಂಭವಾಯಿತು. 20 ಎಸೆತಗಳಲ್ಲಿ 5 ಸಿಕ್ಸರ್‌ ಹಾಗೂ 7 ಬೌಂಡರಿ ಒಳಗೊಂಡಂತೆ 68 ರನ್‌ಗಳನ್ನು ಸಿಡಿಸಿದರು. ಕೇವಲ 14 ಎಸೆತಗಳಲ್ಲಿ 50 ರನ್ ಗಳಿಸಿದರು. ಈ ಮೂಲಕ ವೇಗದ ಅರ್ಧಶತಕ ಗಳಿಸಿದ ಭಾರತದ ಎರಡನೇ ಆಟಗಾರರಾದರು. 12 ಎಸೆತಗಳಲ್ಲಿ 50 ರನ್​ ಗಳಿಸಿದ ಮಾಜಿ ಕ್ರಿಕೆಟಿಗ ಯುವರಾಜ್​ ಸಿಂಗ್​ ಮೊದಲ ಸ್ಥಾನದಲ್ಲಿದ್ದಾರೆ.

ಇಶಾನ್ ಕಿಶನ್ (13 ಎಸೆತಗಳಲ್ಲಿ 28 ರನ್, 2 ಸಿಕ್ಸರ್, 3 ಬೌಂಡರಿ) ಜೊತೆಗೆ, ಕಳೆದ ಪಂದ್ಯದಲ್ಲೂ ಅದ್ಭುತ ಪ್ರದರ್ಶನ ತೋರಿದ ನಾಯಕ ಸೂರ್ಯ ಕುಮಾರ್ ಯಾದವ್ ಅಬ್ಬರದ ಅರ್ಧಶತಕ ಗಳಿಸಿದರು. ಅಂತಿಮವಾಗಿ, ಕೇವಲ 10 ಓವರ್‌ಗಳಲ್ಲಿ 155 ರನ್ ಗಳಿಸುವ ಮೂಲಕ ನ್ಯೂಜಿಲೆಂಡ್ ತಂಡವನ್ನು ಟೀಮ್​ ಇಂಡಿಯಾ ಮುಜುಗರಕ್ಕೀಡುಮಾಡಿತು. ವಾಸ್ತವವಾಗಿ, ನ್ಯೂಜಿಲೆಂಡ್​ ತಂಡ ಇನ್ನೂ ಸ್ವಲ್ಪ ರನ್ ಗಳಿಸಿದ್ದರೆ, ನಾವು ಭಾರತೀಯ ಬ್ಯಾಟಿಂಗ್ ಅನ್ನು ಸ್ವಲ್ಪ ಹೆಚ್ಚು ಆನಂದಿಸಬಹುದಿತ್ತು.

ಯಾವುದೇ ಸ್ಥಿರತೆಯನ್ನು ತೋರಿಸದ ಸಂಜು ಸ್ಯಾಮ್ಸನ್ ಸತತ ಮೂರನೇ ಪಂದ್ಯದಲ್ಲೂ ನಿರಾಸೆ ಮೂಡಿಸಿದರು. ಸಂಜು ಅವರ ಪ್ರಸ್ತುತ ಪರಿಸ್ಥಿತಿ ಫೆರಾರಿ ಮತ್ತು ಲ್ಯಾಂಬೋರ್ಗಿನಿ ನಡುವೆ ಇರುವ ಸೈಕಲ್‌ನಂತಿದೆ. ಮುಂದಿನ ಪಂದ್ಯದಲ್ಲಿ ಫಾರ್ಮ್‌ನಲ್ಲಿರುತ್ತಾರೆ ಎಂದು ಭಾವಿಸುತ್ತೇವೆ. ಭಾರತ ತಂಡಕ್ಕೆ ಶುಭವಾಗಲಿ ಎಂದು ಪಂಡಿತ್ ಅವರು ತಮ್ಮ ಫೇಸ್​ಬುಕ್​ನಲ್ಲಿ ಬರೆದುಕೊಂಡಿದ್ದಾರೆ.

ನ್ಯೂಜಿಲೆಂಡ್ ವಿರುದ್ಧದ 5 ಪಂದ್ಯಗಳ ಟಿ20 ಸರಣಿಯಲ್ಲಿ ಸಂಜು ಸ್ಯಾಮ್ಸನ್ ನಿರೀಕ್ಷಿತ ಪ್ರದರ್ಶನ ನೀಡಲು ಸಾಧ್ಯವಾಗಲಿಲ್ಲ. ಮೊದಲ ಮೂರು ಪಂದ್ಯಗಳಲ್ಲಿ ಕ್ರಮವಾಗಿ 10 (7 ಎಸೆತ), 6 (5 ಎಸೆತ) ಮತ್ತು 0 (ಮೊದಲ ಎಸೆತದಲ್ಲಿ ಡಕ್) ರನ್‌ಗಳಷ್ಟೇ ಗಳಿಸಿದ್ದಾರೆ. ಒಟ್ಟು ಮೂರು ಪಂದ್ಯದಲ್ಲಿ ಕೇವಲ 16 ರನ್‌ ಗಳಿಸಿದ್ದಾರೆ. ನಿರಂತರ ವೈಫಲ್ಯ ಅನುಭವಿಸುತ್ತಿರುವುದರಿಂದ ಟಿ20 ವಿಶ್ವಕಪ್​ನಲ್ಲಿ ಸಂಜು ಸ್ಥಾನ ಪ್ರಶ್ನಾರ್ಥಕವಾಗಿ ಉಳಿದಿದೆ, (ಏಜೆನ್ಸೀಸ್​).