ವೈಭವ್ ದಾಖಲೆಗೆ ಅಡ್ಡಗಾಲು​! 2ನೇ ಪಂದ್ಯದಿಂದಲೂ​ ಕೈಬಿಟ್ಟ ಶ್ರೇಯಸ್​​, ಗಂಭೀರ್​ಗೆ ಮಾಜಿ ಕ್ರಿಕೆಟಿಗ ಕ್ಲಾಸ್

Vaibhav Sooryavanshi: ಬೆಲ್​ಫಾಸ್ಟ್​ನಲ್ಲಿ ನಡೆಯುತ್ತಿರುವ ಐರ್ಲೆಂಡ್​ ವಿರುದ್ಧದ ಎರಡನೇ ಟಿ20 ಪಂದ್ಯದಿಂದಲೂ ಟೀಮ್ ಇಂಡಿಯಾದ ಯುವ ಬ್ಯಾಟಿಂಗ್ ಸೆನ್ಸೇಷನ್​ ವೈಭವ್ ಸೂರ್ಯವಂಶಿ ಅವರನ್ನು ಕೈಬಿಡಲಾಗಿದೆ. ವೈಭವ್ ಬದಲಿಗೆ ಇಬ್ಬರೂ ಯುವ ಆಟಗಾರರಿಗೆ ಅವಕಾಶ ನೀಡಲಾಗಿದೆ. ಇದು ಕ್ರಿಕೆಟ್​ ಪ್ರೇಮಿಗಳು ಮತ್ತು ಮಾಜಿ ಕ್ರಿಕೆಟಿಗರ ಅಸಮಾಧಾನಕ್ಕೆ ಕಾರಣವಾಗಿದೆ.

ಟಾಸ್​ ಗೆದ್ದು ಬೌಲಿಂಗ್ ಆಯ್ದುಕೊಂಡಿರುವ ಟೀಮ್ ಇಂಡಿಯಾ, ಐರಿಶ್​ ಪಡೆ ನೀಡಿರುವ 155 ರನ್​ಗಳ ಗುರಿಯನ್ನು ಬೆನ್ನತ್ತಿ, ಸರಣಿಯನ್ನು ಸಮಬಲಗೊಳಿಸಲು ಪಣತೊಟ್ಟಿದೆ. ಮತ್ತೊಂದೆಡೆ, ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ತಂಡದ ಕ್ಯಾಪ್ಟನ್​ ಮತ್ತು ಹೆಡ್​ ಕೋಚ್​ ವಿರುದ್ಧ ತೀವ್ರ ಕಿಡಿಕಾರಿದ್ದಾರೆ. ಸೂರ್ಯಾಂಶ್ ಶೆಡ್ಜ್ ಮತ್ತು ಪ್ರಿನ್ಸ್ ಯಾದವ್ ಅವರಿಗೆ ಟಿ20 ಕ್ರಿಕೆಟ್​ನಲ್ಲಿ ಚೊಚ್ಚಲ ಪಂದ್ಯವನ್ನಾಡಲು ಅವಕಾಶ ಮಾಡಿಕೊಟ್ಟಿದ್ದು ಓಕೆ, ಆದರೆ ವೈಭವ್​ ಸೂರ್ಯವಂಶಿಯನ್ನು ಆಡಿಸದೆ ಹೋಗಿದ್ದು ಸರಿಯಲ್ಲ ಎಂದಿದ್ದಾರೆ.

ಇದು ಒಳ್ಳೆಯ ಕ್ರಿಕೆಟ್ ನಿರ್ಧಾರವಲ್ಲ. ಐರ್ಲೆಂಡ್​ ಎದುರು ಮೊದಲ ಪಂದ್ಯದಲ್ಲಿ ಭಾರತಕ್ಕೆ ಉತ್ತಮ ಮಿಡಲ್​ ಆರ್ಡರ್​ ಅವಶ್ಯಕತೆ ಕಾಡತೊಡಗಿತು. ಆರಂಭಿಕ ಬ್ಯಾಟರ್​ಗಳಿಂದ ಭರ್ಜರಿ ಓಪನಿಂಗ್​ ಬರಬೇಕು. ಇಲ್ಲಿ ವೈಭವ್​ರನ್ನು ಅಭಿಷೇಕ್​ ಜೊತೆ ಕಳಿಸಬೇಕಿತ್ತು. ಮತ್ತು ಸಂಜು ಸ್ಯಾಮ್ಸನ್​ರನ್ನು ಮಧ್ಯಮ ಕ್ರಮಾಂಕದಲ್ಲಿ ಆಡಲು ಬಿಡಬೇಕಿತ್ತು. ಆದರೆ, ಅದಾಗಿಲ್ಲ ಇಲ್ಲಿ. ನಿಮ್ಮ ನಿರ್ಧಾರ ಸ್ವಲ್ಪವೂ ಇಷ್ಟವಾಗಲಿಲ್ಲ ನನಗೆ ಎಂದು ಅಸಮಾಧಾನ ಹೊರಹಾಕಿದ್ದಾರೆ,(ಏಜೆನ್ಸೀಸ್).