ಅಂಪೈರ್ ಎಡವಟ್ಟು, ರೋಹಿತ್ ಗರಂ: ಬ್ಯಾಟ್ ಚೆಕ್ ವಿಳಂಬಕ್ಕೆ ಹಿಟ್‌ಮ್ಯಾನ್ ತೀವ್ರ ಹತಾಶೆ! Rohit Sharma

ಮುಂಬೈ ಇಂಡಿಯನ್ಸ್ ಇನ್ನಿಂಗ್ಸ್ ಆರಂಭವಾಗುವ ಕ್ಷಣದಲ್ಲಿ, ರೋಹಿತ್ ಶರ್ಮಾ ತಮ್ಮ ಬ್ಯಾಟ್‌ನೊಂದಿಗೆ ಮೈದಾನಕ್ಕೆ ಕಾಲಿಡಲು ಸಿದ್ಧರಾಗಿದ್ದರು. ಈ ಸಮಯದಲ್ಲಿ ನಿಯಮದಂತೆ ಪದ್ಯದ ಅಧಿಕಾರಿಯೊಬ್ಬರು ಬ್ಯಾಟ್​ನ ಗಾತ್ರವನ್ನು ಪರಿಶೀಲಿಸಲು ಮುಂದಾದರು.ಈ ವೇಳೆ ಬ್ಯಾಟ್​ ಐಸಿಸಿ ನಿಗದಿಪಡಿಸಿದ ಗಾತ್ರದ ಮಿತಿಯನ್ನು ಮೀರಿರುವಂತೆ ಅಧಿಕಾರಿಗಳಿಗೆ ಭಾಸವಾಯಿತು. ಇದಾದ ಕೆಲವು ಸೆಕೆಂಡುಗಳ ನಂತರ ಮತ್ತೊಮ್ಮೆ ಅದೇ ಮಾಪಕದ ಮೂಲಕ ಪರಿಶೀಲಿಸಿದಾಗ ಬ್ಯಾಟ್ ಅರ್ಹವಾಗಿದೆ ಎಂದು ಹಸಿರು ನಿಶಾನೆ ನೀಡಿದರು.

ಈ ವಿಳಂಬಕ್ಕೆ ಪ್ರತಿಕ್ರಿಸಿದ ರೋಹಿತ್​ ಶರ್ಮಾ ಅಂಪೈರ್ ಮೇಲೆ ಸ್ವಲ್ಪ ಸಿಟ್ಟಾಗಿ ಯಾರೀ ನೀವು? ಹಿಂದಿನ ಸೀಸನ್​ನಿಂದಲೂ ಇದೇ ಬ್ಯಾಟ್​ ನಾನು ಬಳಸುತ್ತಿದ್ದೇನೆ ಎಂದು ಹೇಳುತ್ತಿರುವುದನ್ನು ವಿಡಿಯೋದಲ್ಲಿ ತೋರಿಸಲಾಗಿದೆ.

ಕಳೆದ ಋತುವಿನಿಂದ, ಆಟಗಾರರು ಮೈದಾನಕ್ಕಿಳಿಯುವಾಗ ಅನ್ಯಾಯದ ಪ್ರಯೋಜನವನ್ನು ನೀಡುವ ದೊಡ್ಡ ಗಾತ್ರದ ಬ್ಯಾಟ್‌ಗಳನ್ನು ಬಳಸುವುದನ್ನು ತಡೆಯುವ ಸಲುವಾಗಿ ಬ್ಯಾಟ್​ಗಳ ಗಾತ್ರವನ್ನು ನಿಯಮಿತವಾಗಿ ಪರಿಶೀಲಿಸಲಾಗುತ್ತದೆ. ಆದಾಗ್ಯೂ, ಚೆನ್ನೈ ಸೂಪರ್ ಕಿಂಗ್ಸ್‌ನ ಆಯುಷ್ ಮ್ಹಾತ್ರೆ ಮತ್ತು ಗುಜರಾತ್ ಟೈಟಾನ್ಸ್‌ನ ರಾಹುಲ್ ತೆವಾಟಿಯಾ ಗೇಜ್ ಪರೀಕ್ಷೆಯಲ್ಲಿ ವಿಫಲರಾಗಿದ್ದು, ತಮ್ಮ ಬ್ಯಾಟ್​ಗಳನ್ನು ಬದಲಾಯಿಸಬೇಕಾಗಿದೆ. ಕಳೆದ ಸೀಸನ್​ನಲ್ಲಿ ಅನ್ರಿಚ್ ನಾರ್ಟ್ಜೆ, ಸುನಿಲ್ ನರೈನ್ ಮತ್ತು ರವೀಂದ್ರ ಜಡೇಜಾ ಅವರ ಬ್ಯಾಟ್​​ಗಳು ನಿಯಮಗಳನ್ನು ಪಾಲಿಸದ ಕಾರಣ ಅವುಗಳನ್ನು ಐಸಿಸಿ ತಿರಸ್ಕರಿಸಿತ್ತು.

ಆದಾಗ್ಯೂ, 241 ರನ್‌ಗಳ ಬೃಹತ್ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ರೋಹಿತ್​ 13 ಎಸೆತಗಳಲ್ಲಿ 19 ರನ್​ ಗಳಿಸಿ ಲಯಕ್ಕೆ ಮರಳಿದ್ದರು. ಆದರೆ, ಆರನೇ ಓವರ್‌ನಲ್ಲಿ ರನ್ ಓಡುವಾಗ ರೋಹಿತ್ ಮಂಡಿರಜ್ಜು ನೋವಿನಿಂದ ಬಳಲುತ್ತಿರುವುದು ಕಂಡುಬಂದಿತು. ಇದರಿಂದ ಪಂದ್ಯದಿಂದ ಹೊರನಡೆದರು. ಆದಾಗ್ಯೂ, ವೈದ್ಯರು ಚಿಕಿತ್ಸೆ ನೀಡಿದ ನಂತರ ಅಂತಿಮವಾಗಿ ಕೆಲವು ಓವರ್​ಗಳ ನಂತರ ಆಟ ಮುಂದುವರೆಸಲು ನಿರ್ಧರಿಸಿದರು.

ಐಸಿಸಿ ನಿಯಮದ ಪ್ರಕಾರ, ಬ್ಯಾಟ್‌ನ ಅಗಲವು 4.25 ಇಂಚುಗಳು ಮತ್ತು ದಪ್ಪವು 2.64 ಇಂಚುಗಳಿಗಿಂತ ಹೆಚ್ಚಿರಬಾರದು. ಪಂದ್ಯದ ಅಧಿಕಾರಿಗಳು ಈ ನಿಯಮವನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕಾಗಿರುತ್ತದೆ. ಆದರೆ, ವಾಂಖೆಡೆಯಲ್ಲಿ ನಡೆದ ಈ ಘಟನೆಯು ಪಂದ್ಯದ ಗುಣಮಟ್ಟ ಮತ್ತು ಅಧಿಕಾರಿಗಳ ತರಬೇತಿಯ ಮೇಲೆ ಮತ್ತೊಮ್ಮೆ ಬೆಳಕು ಚೆಲ್ಲುವಂತೆ ಮಾಡಿದೆ (ಏಜೆನ್ಸೀಸ್​).