ಹಿಸ್ಟರಿ ರಿಪೀಟ್​! ಡೆಲ್ಲಿ​ ವಿರುದ್ಧ ರೋಚಕ ಗೆಲುವು; 2ನೇ ಬಾರಿ WPL ಕಿರೀಟಕ್ಕೆ ಮುತ್ತಿಟ್ಟ ಆರ್​ಸಿಬಿ ವನಿತೆಯರು | WPL Final 2026

WPL Final 2026: ಇಂದು (ಜ.05) ವಡೋದರಾದಲ್ಲಿ ನಡೆದ ಮಹಿಳಾ ಪ್ರೀಮಿಯರ್ ಲೀಗ್ (WPL) 2026ರ ಫೈನಲ್‌ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರೋಚಕ ಗೆಲುವು ಸಾಧಿಸಿದ ಸ್ಮೃತಿ ಮಂಧಾನ ಪಡೆ, ಹಿಸ್ಟರಿ ರಿಪೀಟ್​ ಎನ್ನುವಂತೆ ಎರಡನೇ ಬಾರಿಗೆ ಡಿಸಿ ತಂಡವನ್ನು ಮಣಿಸಿ, ಡಬ್ಲ್ಯೂಪಿಎಲ್​ ಕಿರೀಟವನ್ನು ಮುಡಿಗೇರಿಸಿಕೊಂಡಿದೆ.

ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಿದ ಆರ್‌ಸಿಬಿ, ಜೆಮಿಮಾ ರೊಡ್ರಿಗಸ್​ ಪಡೆಗೆ ಬ್ಯಾಟಿಂಗ್ ಮಾಡುವಂತೆ ಆಹ್ವಾನಿಸಿತು. ಅಂತೆಯೇ ಬ್ಯಾಟ್​ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್​, 20 ಓವರ್​ ಅಂತ್ಯಕ್ಕೆ 4 ವಿಕೆಟ್​ಗಳನ್ನು ಕಳೆದುಕೊಂಡು 203 ರನ್​ ಕಲೆಹಾಕಿತು. ಈ ಬೃಹತ್ ರನ್​ಗಳ ಗುರಿಯನ್ನು ಬೆನ್ನತ್ತಿದ ಆರ್​ಸಿಬಿಗೆ ಆರಂಭಿಕರಾದ ಸ್ಮೃತಿ ಮಂಧಾನ (87 ರನ್​) ಮತ್ತು ಜಾರ್ಜಿಯಾ (79 ರನ್​) ಅವರ ಸ್ಫೋಟಕ ಇನ್ನಿಂಗ್ಸ್ ಗೆಲುವಿಗೆ ಪ್ರಮುಖ ಕಾರಣವಾಯಿತು.

ಬ್ಯಾಟಿಂಗ್‌ನಲ್ಲಿ ತಂಡದ ಪರ ನಾಯಕಿ ಜೆಮಿಮಾ ರೊಡ್ರಿಗಸ್ ಅದ್ಭುತ ಇನ್ನಿಂಗ್ಸ್ ಆಡಿದರು. 37 ಎಸೆತಗಳಲ್ಲಿ 57 ರನ್ ಗಳಿಸಿದ ಅವರು, ತಂಡದ ಮೊತ್ತವನ್ನು 200ರ ಗಡಿದಾಟಿಸಲು ಸಹಾಯ ಮಾಡಿದರು. ಜೆಮಿಮಾಗೆ ಸಾಥ್​ ನೀಡಿದ ಟಾಕ್ ಲಾರಾ ವೋಲ್ವಾರ್ಡ್ 25 ಎಸೆತಗಳಲ್ಲಿ 44 ರನ್ ಮತ್ತು ಲಿಜೆಲ್ಲೆ ಲೀ 30 ಎಸೆತಗಳಲ್ಲಿ 37 ರನ್ ಬಾರಿಸುವ ಮೂಲಕ ತಂಡಕ್ಕೆ ಆಸರೆಯಾದರು.

ಬೌಲಿಂಗ್​ನಲ್ಲಿ ಆರ್​ಸಿಬಿ ಪರ ನಾಡಿನ್ ಡಿ ಕ್ಲರ್ಕ್, ಸಯಾಲಿ ಸತ್‌ಘರೆ ಮತ್ತು ಅರುಂಧತಿ ರೆಡ್ಡಿ ತಲಾ ಒಂದು ವಿಕೆಟ್ ಪಡೆದರೆ, ಉಳಿದ ಬೌಲರ್‌ಗಳು ಡೆಲ್ಲಿ ಬ್ಯಾಟ್ಸ್‌ವುಮನ್​ಗಳನ್ನು ಕಂಟ್ರೋಲ್​ ಮಾಡುವಲ್ಲಿ ಸಂಪೂರ್ಣವಾಗಿ ವಿಫಲರಾದರು. ಬೌಲರ್​ಗಳ ಪೈಕಿ ಲಾರೆನ್ ಬೆಲ್ ಎಲ್ಲರ ಗಮನ ಸೆಳೆದಿದ್ದು, ಮಾಡಿದ 4 ಓವರ್‌ಗಳಲ್ಲಿ ಕೇವಲ 19 ರನ್‌ ಕೊಡುವ ಮೂಲಕ ಆರ್​ಸಿಬಿ ಪಡೆಯನ್ನು ಒಂದು ಹಂತಕ್ಕೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು.